بسم الله والصلاة والسلام على رسول الله ،،
اشوف بالقسم هذا فيه ناس تألف و ناس تسب الموتر بعضهم حاقد مايبي يمدح (واضح من اسلوبه ا يذكر السلبيات بس) و غيرة يسب ولا جرب ..
المهم تم و بحمد الله شراء سوناتا 15 فوقها نوع واحد الفل سعرها ١١٣ الف و اللي معاي ٩٧ الف راح اذكر السلبيات والايجابيات و اتمنى الفائدة للجميع و للي مقبلين على شرائها ..
# الميزات :
1 الموتر ما شاءالله تبارك الله تفاجأة فيه ممتاز و تحس بالفخامة و نظرته (لا احد ياخذ ابيض يشوهه ههههه) اللي معاي اسم اللون تشكلت
2- النور باي زنن عالي و واطي و واااااضح و قوي و الانوار فيها التفاف يلف مع لفك لدركسون عشان يضيء المنعطفات
3- فيه 3 وضعيات وضع سبورت القير يشد و اذا هديت يرجه نمر و تحس الفزه قويه و الدركسون يثقل بشكل ملحووووظ مره عشان الثبات و فيه عادي تكون السيارة طبيعية و الدركسون يخف و فيه ايكو (اقتصادي) يقل صرف الموتر
4- الموتر وسييييع ما شاءالله و كبير من الداخل و الدبه كبيرة و واسعه
5- فيها ستاير خلفيه لركاب الخلفيين و الجلد ممتاز
6- والبانوراما و غيرة من مواصفات و صح الراحه الموتر يبلع مطبات مريع مره والشنطة تفتح اذا قربت لها
7- الصيانة بعد 5000 مجانآ و 2000 مجانآ و 4000 مجانآ و الحلو بعد 5000 تجي لصيانة مهو بعد 1000 مثل اغلب السيارات
# السلبيات :
1- المسجل عادي ولا عجبني لان مهو انفنتي
2- السعر المفروض اقل يعني 94 يعني
3- القزاز مافيه عازل للاشعة فوق البنسفجية و تحس بحرارة الشمس يعني لازم تضلل عازل موجود بالفل عازل للاشعة فوق البنسفجية
4- المفتاح البصمة ما تقدر تقفل السيارة وهي شغالة مثل النيسان
ان شاالله كفيت و فيت و الي عنه اي سؤال يسأل