عندي سياره سبورت بس ..

[Murad Hashim]

السلام عليكم
كيفكم انا الحقيقه عندي سياره لها سنتين عندي الحمدلله يارب مشاكله قليله مقارنة مع السيارات الاخرى
لكن انا عندي مشكله وحده اني اخاف من " العين " والعين حق طبعا محد ينكر ومحد بعد مايخاف
على ممتلكها من الناس سيارتي سبورت فيها سرعه عاليه واقدر أسرع فيه بس عندي مشكله اني مابغى
يناظر فيني يعني يقول شوفو سرعته "آاههب" كذا من هالكلمات اللي مو كويسه بدون ماشاء الله ..
انا حاط استكر ماشاء الله بس لو أسرعت محد يمديه يقراها يعني لو كنت بالشارع وقدامي مساحه ماسرع
مع اني أحب السرعه والسياره ماشاء الله تطير لاعطيتها دعسه مدري كيف هل عندكم نفس المشكله ؟
مع ان السياره أقولكم صريحه مو بنتلي او سياره فخمه سياره عاديه المهم انه سبورت وفيه سرعهه عاليه ..

[أبو مؤيد]

أخوي مراد

عليك بالأذكار الصباحية والمسائية وتوكل على الله
ومابيجيك شئ لا انت ولا السيارة بإذن الله

[يا رب رحمتك]

اخوي
اذا انت متحصن
لا تخاف من عين ولا لو انها كبر راس البعير

[johncarbntr]

لو استمريت فى خوفك ده بعها واشترى سيارة بطيئة احسن

[رحاااااال]

مثل ما قالك أخوي بو مؤيد جزاه الله خير

(( يا حبيبي استمتع في الحياة ووقف الفكره السيئة واشغل مكانها الفكره الإيجابية عشان ترتاح نفسيا ))

انت حطيت ما شاء الله وهذا ذكر من افضل الأذكار لكن بعد أحفظ في قلبك آية ::

(( قل لن يصيبنا إلا ما كتب الله لنا ))

و هذا جزء من الحديث القدسي الجميل المفرح في الحياة :

(( انا عند ظن عبدي بي )) أحسن الظن بالله صدقني بتعيش اسعد انسان

الله يمسح على قلبك ويبدل خوفك أمن وتقوى ويبعد عنك العين

[ѕмѕм]

مويا مقري عليها ايات عن الحسد والعين رشها ع السياره وبإذن الله ما يصيرلك الا المكتوب

جبتلي حرقان نفسي اعرف ايش السياره هههههههه

[ZEZ00-7]

حياك الله يا أخي العزيز ,,

اولآ وقبل كل شيء : لازم تكون عارف ومقتنع بأن كل انسان مقدر له ومكتوب كل شيء يحصله بمشيئة الله ..

ثانيا : الواحد ( يفعل الأسباب ) ويترك الباقي على ربه , وعشان اوضح لك هالنقطة :-
( عليك بدعاء الخروج من المنزل + الأذكار الصباحيه والمسائيه +والمحافظة على صلاة الفجر جماعة مع المسلمين ) ..

وثالثا و أخيرا :-
بعد الأمور الي ذكرتها لك احب اقولك عيش حياتك واستمتع بحياتك ( وعشان أكون معك صريح اكثر , بغض النظر عن سيارتك والي على قولتك عادية ولكنها رياضية , الآن في كل شارع تحصل جنبك من هالسيارات الفاخرة والفخمة من مرسيدس وبي أم ولكسزس وأودي إلخخ , ومنشرة انتشار واضح وقوي بعكس السابق وقبل كم سنة تستغرب اذا شفت احد هالسيارت بهالكثرة والأنتشار , ولو رحت للتحلية بتحصل البنتلي والرولز رايس والفيراري وو الخ , اتوقع كلامي ومقصدي واضح , توكل على ربك ولاتوسوس او تقلق وبالتوفيق ..