لأصحاب الخبرة فقط , لأن الموضوع مهم جداً

mazda6ksa @user_304836 · 18-10-2014

السلام عليكم و رحمة الله و بركاته <3

الموضوع بكل بساطه ,

انا من المجمعة و حجزت سيارة Mazda6 من بريدة
و حاب احمي Body السيارة من حرارة الشمس
و ابي اضلل الدرايش كلللها مع الزجاج الخلفي والامامي بتضليل 01 ( عشان المرور ) و عازل للحراره

فـ ياريت اهل الخبره
و اصحاب التجارب الكثيييييييييييره
يفيدوني بافضل مكان و اسعاره حلوه ( مو ينضحك علي )

لانو انا بصراحه ماعندي خلفيه عن التضليل والعزل نهائياً للاسف :(

و اذا كان فيه رابط مباشر للتضليل وللعزل من موقع معتمد اشتري منه لانو بصراحه الاسعار نار ( اكون ممتن له )

و اسف عالاطاله <3 <3

المحتار2009 @user_196958 · 23-10-2014

لومار تعتبر من أفضل الشركات بالعزل
وهالموقع يبيع تظليل مقصوص وجاهز لومار
http://www.tintzoom.com/

تقريباً راح يكلفك لكامل السيارة 650 ريال او 700
افضل نوع لدى لومار CTX نانو سيراميك
اطلب درجة 30% لكامل السيارة والأمامي شفاف AIRBLUE 80
عزل حرارة هالنوع والدرجة
هو 48٪ ويعتبر عزل ممتاز مقارنة بباقي الأنواع عند باقي الشركات اللي غالبيتها 43٪ وتحت
وأسعارها فوق ألف ريال

وحط بالاعتبار سعر التركيب من 200 إلى 300 ريال
يعني الاجمالي تقريبا 1000 ريال

فيه موقع اسمه كوبون
يسوي عروض كويسه لشركات العزل على العوازل بـ 500 ريال و 400
وضمان من 5 سنوات إلى مدى الحياة
ولكن لا أعلم عن قووة عزل بعض الشركات لأن كثير منها تستخدم عوازل مجهولة المصدر لكن الضمان يطمن
http://www.cobone.com/deals/riyadh/mcare-18oct-tinting/33288

افضل شيء تسويه اذا تبي العزل يصير قوي داخل السيارة
اشتر العرض بموقع كوبون بالأعلى واحجز موعد و اذا جاء موعد التظليل اختر درجة 40٪ يعني درجة 00 لكامل السيارة والأمامي شفاف درجة 70٪
وبعدها انتظر شهر شهرين او 4 اللي تبي وبتلقى فيه عروض ثانيه بهالموقع بشكل اسبوعي واشتر عرض آخر بــ 500 ريال
وظلل السيارة مرة أخرى دبلها بدرجة 40 أو 50 والأمامي لا تدبله عشان ما يكتم من داخل

أنا سويت هالطريقة والعزل بالنسبة لي ممتاز

بالتوفيق

salempc @user_304894 · 23-10-2014

بالنسبة للتظليل جربت اغلب الشركات في عام 2008 اعجبتني شركة لومار ولاكن لان طلعت شركات تستخدم تقنية النانو لم اقوم بتجربته ابدا ولله اعلم الشباب يفدوك اكثر بالنسبة للتظليل

بالنسبة لحرارة الشمس ادا ما كان عندك كراج مالك الى تفصل مظلة للسيارة والتلميع مهم جدا لحماية بدي السيارة من اشعه الشمس والتلوث

بالنسبة لسعر التظليل في اكثر من عضوا بالمنتدى اشترى التظليل من برا وركبا هنا تقدر تبحث عنه بالمنتدى