مشكله في رادار المازدا 6 2014 من المحتمل ان تحدث لك

[KOERU]

الموضوع منسوخ من منتدى حراج



ياشباب السلام عليكم انا طلعت لي ذي الكتابة مادري ي ليش ويفصل معها مثبت السرعة علماً ان السيارة فل كامل الي عنده خبر الله لا يهينكم













المشكله حصلت مع عدة سيارات من موديل 2014 الفل كامل , اما موديل 2015 ماسمعت شي


وهنا رابط للمشكله من احد ملاكها الأجانب


http://forum.mazda6club.com/electric...ocked-wtf.html


مع العلم اني شفت موضوع قبل فتره مع واحد من الاعضاء وتم حل المشكله بالوكاله

هل هو عيب مصنعي بالمازدا 6 ؟

شخصيا اتوقع ذلك لان العلامه هذي طلعت لي قبل فتره طويله وانا مسافر وكان الجو غبار وسافي شوي الظهر ووقف المثبت لكن مااخذت 5 ثواني وشغلت المثبت ثاني مره واشتغل ولا كأنه صار شي وماطلعت ثاني مره وطنشت الموضوع وفيه ناس تقول انك لازم تنظف حساس الرادار بالزجاج الامامي !

ياليت يفيدونا ملاك الفل كامل هل حصلت معاكم هذي المشكله ؟

تحياتي

[mazda62005]

أعتقد السبب في شي يعيق الرادار من أنه السياره متسخه أو حاط تظليل على السياره.

[Concept-Design]

أعتقد السبب في شي يعيق الرادار من أنه السياره متسخه أو حاط تظليل على السياره.

وهذا اغلب الظن ..

في مثل هالاحالات راجع الوكالة وخلهم ينظفونه خصوصا من الداخل ..

[KOERU]

^^
نعم حسب كلام احد الردود يقول ان المشكله حصلت مع شخص في منتدى اجنبي انا حطيته فوق

ويقول انك لازم تنظف الرادار من برا في اعلى وسط الزجاج الامامي اذا كان عليه غبار

بس انا بشوف كم واحد واجه هذه المشكله لان ممكن يكون عيب مصنعي خصوصا موديل ٢٠١٤

بالنسبة لي لا اواجه اي مشكله حاليا ولله الحمد ولحد اليوم استعملت المثبت والامور طيبه

اشكركم

[asz15]

هذه المشكله كانت تحصل معي يوم كان كفر السياره منتهي أو خلاص معد ينفع كان اذا ثبت يقعد 5 دقائق حولها بعدين يفصل بعد تغير الكفر اختفت المشكله تماما ماقعدت اسبوع على بعضها

وبرضه الحساس تأكد انك تنظفه من الخارج

[S 80]

تصير معي في سيارتي ومثل ما قلت ثواني معدودة ويرجع كل شي طبيعي
ما أستبعد ان التقنية هي نفسها في الفولفو والمازدا بحكم التعاون اللي كان بينهم سابقا

تطمن

[KOERU]

^^
هذا صحيح بالاضافه الى تعاون مازدا وفولفو مع فورد
وطبعا احتمال كبير ان مازدا استفادت من تعاوناتها بإضافة التقنيات الجديده في سياراتها

[KOERU]

بعد اطلاعي على المشكله ومعلومات عنها

تبين ان حساس جهاز الرادار الموجود على الزجاج الامامي اذا تعرض للاوساخ لا يعمل بالشكل المطلوب و يتعطل المثبت معه

لذلك يجب التأكد من نظافة الزجاج الامامي اذا واجهة هذه المشكله

وعلى فكره انا سمعت انه كتيب السياره يحث على التأكد من نظافة حساس الرادار

تحياتي لكم واشكر الجميع على المرور