ارجو الحل: طقطقة اسفل السيارة

[mido m]

السلام عليكم,,,
من حوالي اسبوع بدلت هوبات امامية + فحمات + ضبط الدركسون لام كان فيه ميلان

ومن اول ما طلعت السيارة كان فيها زي طقة او طقيتين اما ادوس فرامل قبل ما توقف السيارة وتيجي طقتين بعدما ارفع رجولي من البريك ,,, رجعت للورشة قالي طبيعي وشوي بتختفي

بعد فترة حوالي اسبوع ,,, الموضوع زااااااااااد عن حده واصبح الى طقطقة تحت رجولي مباشرة مع الفرامل على السرعات البطيئة او احيانا اذا دعست بنزين و طقطقة بالشوارع المكسرة
ومن يومين ركنت السيارة على منحدر شوي وحتى والسيارة واقفة تلف بالدركسون تيجي الطقطقة وزادت حتى ساعات وانا واقف بالاشارة تيجي على خفيف وساعات لا

مع العلم اني مغير ربلات الاذرعة كلها بالوكالة والسيارة اكورد 2003

[altimaemh]

وعليكم السلام
مادام الطقة تجي حتى واثناء السيارة واقفه اثناء لف الديركسون
واثناء مسك الفرامل
المشكلة عندك في جلد المقصات حاول تفحصها ؟
في تجي مقص كامل بجلدة وهذا الممتاز
وفي جلد وتكبسها في مخرطة وهذي اسمع ناس مايمدحوها لانه على حسب شغل المخرطة
بالتوفيق

[mido m]

اخر التطورات ،،،،
رحت لورشة بخضرية الدمام وركب معي السيارة
قالي تحتاج تبدل مسمار توازن ،، جلد مقصات سفلية ،،، وبالمرة المساعدات بنوع ياباني مع انها ما فيها اي شي ولا زيت ولا بطيخ واخر مرة فحصتها بالوكالة قالي سليمة
تلاحظون ان الاخ مزودها شوي ولا ؟؟؟؟؟

مشورتكم ياشباب ،،،،، الاخ شكله ناوي يتدرب فينا
ولو قدرت بمر الوكالة بكره ان شاء الله

[altimaemh]

اخر التطورات ،،،،
رحت لورشة بخضرية الدمام وركب معي السيارة
قالي تحتاج تبدل مسمار توازن ،، جلد مقصات سفلية ،،، وبالمرة المساعدات بنوع ياباني مع انها ما فيها اي شي ولا زيت ولا بطيخ واخر مرة فحصتها بالوكالة قالي سليمة
تلاحظون ان الاخ مزودها شوي ولا ؟؟؟؟؟

مشورتكم ياشباب ،،،،، الاخ شكله ناوي يتدرب فينا
ولو قدرت بمر الوكالة بكره ان شاء الله

مادام المساعدات الوكالة قالولك سليمه
اجل اكيد سليمه
ماهو من ثقتي الزايدة في الوكالة
بالوكالة ماتحسب تلقى قطعه نصف عمرها وتقوم تغيرها
شوف اخوي
مسمار التوازن مسؤال عن توازن السيارة اثناء المنعطفات
وفحصه بالتوقع او بالنظر ماينفع
لازم يفك المسمار ويشوفه هل ثابت او يتحرك
والمساعدات معروفة اهتزاز السيارة فوق وتحت من اقل مطب
انت غير جلد المقصات لانها المتهم الاول والاخير في مشكلتك

[mido m]

اخر شي مرت الوكالة اليوم ،،، طلع معي فني ويقول هذي فضاوة في الدركسون ومافي منها اي خطورة ،،،،!!!!!
السؤال يعني ما تتصلح ؟؟ مافي امل تختفي ؟؟؟