مساءكم رضا ووسعاده
من زمان ماكتبت بهل القسم والله الحمد
ياخواني عندي مشكله بسيطه
اليوم العصر شغلت السياره ورحت للسوق
المهم نزلت اتبضع ويوم جيت اشغل تشتغل وتفرط كنها تشتغل وتطفا
المهم فكيت اشوف البطاريه حركت يمين شمال نفس شي
رحت عن السياره ورجعت للبيت بتاكسي ورحت ازور الوالده بالمستشفى
الله يقومها بسلامه قولو امين
ورجعت شغلت اشتغلت
طبعا رحت للورشه لكهربائي شيك الدينمو ممتاز والسلف مغيره وكاله وممتاز
والبطاريه ممتازه لسا فيها
سالني عن مفتاح سياره قالي هو المشكله قلت كيف بادرته وقلت له
انو المفتاح طاح علي ونفك وركبته للامانه الغطا حق المفتاح مو
راكب زين : المهم قالي المفتاح فيه شفره يجووز ارتخا بيدك وانت
تشغل وماشتغلت قالي لن كل شي بسياره ماشاء الله ممتاز
قالي هذي هي المشكله روح لمحل المفاتيح يضبطه لك
واذا صارتلك نفس المشكله لا سمح الله وانت باقي ماسويت المفتاح
انزل من سياره وامن البيبان من ريموت وبعدين اضغط فتح من ريموت
وشغل بتشتغل بس اهم شي ضبط لمفتاح وركبه صح
عموما يا اخوان ان رجل محافظ على السياره تغيير زيت القير كل 40 الف
كيلو تغيير زيت المكينه كل شهرين غسيل بخار للمكينه كل 3 اشهر
مادري هل كلامه صحيح
المعروف مفتاح لومينا بطاريته فيه وريموت فيه مفتاح الوكاله
انا حاب استفيد منكم بهل اموور وان شاء الله بنضف اصبع البطاريه واشده
بشكل اقوى
