السلام عليكم ورحمه الله
اخواني انا بقولكم مشكلتي مع التامين واتمنى تساعدوني
قدر الله وصار حادث بسيارتي قبل شهر ونص وكان الغلط على الطرف الثاني 100 ب 100
وجاء نجم وسجل وصور كل شي وبعدها رحت لشيخ المعارض وتقدير ورشات وكلفت السياره عند شيخ المعارض 8 الاف وباقي الورش اسعار متفاوته ورحت قدمت اوراقي للتامين وقال اول شي الموظف تعال بعد اسبوع وان شاء الله تاخذ الشيك وجيت بعد اسبوع قال في ضغط ومدري كيف تعال بعد 3 اسابيع وجيتهم بعد 3 اسابيع كذا صارت شهر ولما جيته طلبني تصوير رقم الايبان حق البنك على اساس يحولون على حسابي خلال 4 ايام وخلصت الاربع ايام ورحتلهم قال احنا سلمنا الشيكات بنك الرياض عشان هم يتعاملون معاه وبنك الرياض بيحولها للراجحي اللي فيه حسابي وللحين ماوصلني شي اخر مره رحتله قبل يومين وش اسوي معاهم ساعدونني تكفون
وبالنسبه للتامين اسمه وقايه تكافل
