نصيحة أوبتيما أو ألتيما ؟!

اخوي اذا تبي تتورط خذ التيما .. ترى وكيلها شغل شريطية ماعنده غير معارض اما ورش صيانة مافيه .. تروح تمسك سرى ورا خلق الله بصيانة اوتو ستار بمخرج 12 بالدايري الشرقي وحجز وشغله مالها نهاية .. ترى الجبر رحمة بجنب العيسى على الاقل عنده 6 مراكز صيانة سريعة وصيانتين كبيرة هذا بالرياض فقط !! وفوق هذا (قطع الغيار) متوفرة مو مثل النيسان

على العموم انت صل الاستخارة .. وشف السوق من نظرة واسعة .. وخل الاهتمام الاكبر لخدمات مابعد البيع .. والله يكتب الخير فيما تختاره

#

الالتيما افضل من الاوبتيما لكن قير الـCVT مايعجبني خاصة صوته
فيه خيارات اخرى ممكن تشيك عليها مثل الشيفرولية ماليبو
والفورد تورس والفيوجن الجديدة والهوندا اكورد

اذا تقدر تقول كم كاشك حتى نشوف افضل السيارات المناسبة بهذا المبلغ اما اذا حصرت اختيارك بين الالتيما والاوبتيما فالاولى افضل بكل تاكيد

الألتيمـا من الداخل تشبه الأنفينيتي .. والمحرك

كلام ثاني .. والرساوة هي لعبة الألتيما ، لذلك

أرشح الألتيما .. والأوبتيما سيارة يمدحونها عشاف

السيارات الكورية .. وأتصور أنها ليست سيئة .

السلام عليكم

الكيا ممتازة واللتيما برضو لكن اطلع على مواصفات قير اللتيما اذا معجبك توكل على الله واذا مايعجبك فقير الوبتيما من كيا ممتاز والسيارة بشكل عام ممتازة

الله يكتب لك اللي فيه الخير

السلام عليكم ورحمة الله

و أنا مع الأخوان , نيسان ألتيما :)

بالتوفيق أن شاء الله

هلاومرحبا الف فيك اخوي الشباب ماقصرو
اعطوك الخلاصه
الالتيما ممتازه ولكن فيه تحفضات على الوكيل
لعدم انتشاره كما كان الحمراني في السابق
ارجو اني اكون وضحت

اداء وعزل التيما اكيد
اما وكيل .. الجبر افضل من الحمراني

التيما وبس

و عليكم السلام و رحمة الله و بركاته

و أنا كذلك مع الألتيما.
استخير و الله يسهل ما فيه خير.


من ناحية الأداء و من ناحية الاعتمادية و الصيانة هو أفضل من الأوتوماتيك التقليدي. العيب فقط في أن من يفهم لإصلاحه قليل.. مع أنهم بدؤا يزيدون. لكن لا تنتظر طويلاً و سنرى أن معظم السيارات ستعتمد هذا النظام في سياراتها.

طالما السيارتين وكيلهم خايس اجل الالتيما اكيد

الالتيما طبعا رغم تحفظي التام لنوع الجير بوكس cvt..