نصحية مجربين وخبرة مازدا6 او افالون ...

هلا بالشباب

بالنسبة أي سيارة تختار هي تعتمد على أشياء كثيرة مثل:

أولا: الميزانية
ثانيا: المواصفات المطلوبة ( 4 او 6 سلندر، مواصفات اﻷمان الخ )
ثالثا: أسعار قطع الغيار و الصيانة

طبعا في أشياء كثيرة وانت الوحيد الي يعرف شو تبي من السيارة ، بالنسبة لي أنا جربت المازدا 6 النص فل 2.5 ثلاث مرات وصراحة السيارة ممتازة في القيادة و سلسة وعزلها جيد و مواصفات وسعر الفل جيدة جدا، بالنسبة للأفلون ما جربتها و ما أقدر أحكم عليها، فنصيحة أكتب على ورقة اﻷشياء الي تبيها في السيارة و حاول توسع خياراتك ولكن اذا فقط اﻷفلون و المازدا شوف أي واحدة ينطبق عليها اﻷشياء الي تبيها وتوكل على الله ولا تنسى اﻹستخارة.

وتقبل مروري

Altima Forever

الافالون شكلها الخارجي ما عجبني .... عزلها ورساوتها ماهو ذاك الحد ... ... اجمع اغلب الاعضاء بمنتدى تايوتا بوجود رجه على سرعة 130 خصوصا عند دعس الفرامل! ... فيها بعض المشاكل من ناحية ديكور السياره مثل نزول السقف - ديكورالكراسي - صوت الحساسات والستاره ......
ولاكن السياره يميزها انها تمسك سعرها.
شف التورس عليه عرض حلو فئة sel

انا انصحك بـ الافالون لأن متوفقه بالمحرك ، والعزل ومدى رحابة المقصورة
ومواصفات الستاندر جيده جداً جلد ، ثمان سماعات، مواصفات الامان كاملة ، حساسات امامية وخلفية والمقاعد بثمان وضعيات للسائق والراكب .. البقية لا اذكرها وبصراحة ركبتها قبل فتره في الوكالة وداخليتها جداً رايقه

واذ كنت وضعت التورس كخيار فأفضل الدفع الرباعي

للمعلومية فورد توروس بيتغير شكلها بالكامل في موديل العام القادم 2015
وكذلك فورد ايدج .

مواصفات المازدا الفل صراحه غطت على فئات اكبر منها
ولكن تبقى الافالون فئه اعلى من ناحية محرك ورفاهيه بالداخليه

المازدا تجي محرك 4 سلندر لكن ماشاء الله عزمها رائع وحجمها يعتبر الاكبر في فئتها

الافالون انا اعتبرها خليفة اللكزس في تويوتا من ناحية تصميم راقي وداخليه رحبه ومحرك 6 سلندر

باختصار انصحك بالافالون لانها تبقى فئه اكبر واذا توروس انصحك بالدفع الرباعي

بالتوفيق

بالنسبة للافالون 13 و14 مافيه بينهم فرق لكن احتمال 14 تخطوا بعض العيبوب مثل مشكلة الكرسي ...
والافالون مثل ما ذكروا الأخوان فئه اعلى وافخم وارقى من المازدا
ونصيحتي لك خذ الافالون لانها 6 سلندر عزم ورساوه افضل من المازدا ام 4 سلندر
......
الافضل دائما دفاع رباعي ثم خلفي ثم أمامي
بالتوفيق .

مشكورين

بس هل فيه فرق بين الافلون 14 و13 من الداخل والخارج لاني حصلت 13 نص فل ب 128

ووش رايكم في التورس 14 نص فل اجمالا هل هي عمليه وكيف قطع غيارها . ووش الافضل دفع امامي ولا رباعي ،

إن كان تهمك المواصفات و لا يهمك سعر البيع فـ الأفضل مازدا ( الفل فقط ) أما في حال تريد عزل و مريحه و هيبه أكثر فـ الأفالون ( الفل أو الأستاندر ) هي الأنسب + لا تنسى سعر البيع

وسع خياراتك عندك جنسيس وفورد تورس وهوندا اكورد لاكن لو قررت بين المازدا والافالون فالاختيار اكيد للافالون

الافالون افضل بدون ادنى شك ,,

لكن للأسف تبقى دفع امامي !! :a1120(82):

لكن تبقى مواصفات المازدا 6 أفضل من الأفالون الفل فما بالك بالاستاندرد يبقى ما يميز الأفالون الاستاندرد هوه المحرك و عزل أفضل واريح من المازدا أقل قساوة

أولاً .. تصميم وشكل تويوتا افالون موديل ٢٠١٤ هو نفسه موديل ٢٠١٣ وظهر هذا الموديل عام ٢٠١٣ وقد يستمر ٥ او ٦ سنوات
بدون تغيرات شاملة .

ثانياً .. لا يوجد وجه للمقارنة ! .. ولا مجال للحيرة ! .. تويوتا افالون فئة أعلى وأرقى ، وتختلف عن فئة مازدا 6

الافالون محركها 6 سلندر وتعتبر سيدان كبيرة الحجم ، وتُقارن بـ فورد توروس ، شيفرولية امبالا ، نيسان ماكسيما
هيونداي آزيرا ، كيا كادينزا .

اما مازدا 6 فمحركها 4 سلندر وتقع ضمن سيارات السيدان متوسطة الحجم مثل تويوتا كامري ، نيسان التيما ، هوندا اكورد
مستوبيشي جلنت ، فورد فيوجن ، شيفرولية ماليبو ، هيونداي سوناتا ، كيا اوبتيما .

أنت راجع إحتياجاتك ورغباتك الحالية والمستقبلية في السيارة من ناحية السعر ، الشكل ، الحجم ، المواصفات ، قوة المحرك
الأداء ، ... الخ ، وبناءً عليها سوف تُقرر اي من السيارتين قد تناسبك أكثر ..

طيب ياهل الافلون والمعرفة ... هل تغيرت افلون 13 عن افلون 14 من الداخل والخارج ...

كذا تظلم الافالون
وماهو اقصور في المازدا لا والله
ولاكن الافالون فئة اعلى من المازدا
وانا ارشحلك الافالون