مشكلة تفريغ دبات الكابرس وش حل الحساس؟؟

شباب للفائدة بس حبيت اني افيدكم بعد ماحليت المشكلة..اللي متحمس طايح زيي ههههههههههههه

المهم اني رحت الجميح اللي على خريص قطع الغيار وقلت ابي دبات كابرس 6 سلندر 2009 وكلهم دبتين وطول ذراع ولد صغير, قاللي موجودات بس بـ9,200 بعد الخصم عشانك طبعاً :smilie16:

قلت له بسسس!!! وش دعوة حسستني قاعد اشتري تراب اكيد القطع مغشوشة والا ماهي باصلية انا بشيك وارجع:wavey:
واطلع برا المحل والعرق يصب ياويلي وش ذا الورطة ليه فرغت الدبات ليه انا فضولي وليه تعجلت وبغيت ادخل اكتئاب حاد:smilie20:

فجأة تذكرت التشليح واروح الحاير وادور ادور وخذلك من نصب واحتيال واسعار مبالغة على دبات مليانة وفاضية:a1120(121): ومكربنة خذ وخل لين توفقت بهنديين حبيبين واخذ منهم دبتين باسلاكها وضمان 3 ايام بـ700 ريال فقط! نعم ايها الربع فقط لاغير.
وادز لك العليان اللي بخريص واخذ منظف كربريتر واغرق الدبات قبل اركبهم (قريت فمواقع ابو اوباما انها تنظف) واتوكل على الله الوكيل المعين واركبها ثاني يوم بعد مانشفت عند القايد بالصناعية القديمة بـ200 ونظفت الحساسات القديمة والوضع بمبي والحياة حلوة.:bigggrin:

الموضوع له 6 اشهر تقريبا واعتذر عالتاخير لكن للعلم قد رجعت لي اللمبة عدة مرات:rolleyes1: وتجي خاصة مع الحر وتشغيل المكيف والاوضاع اللي تجهد المكينة يعني,,,لكن تروح ولمدة طويلة نسبيا بعد تنظيف البخاخات بمنظفات الكيروسين اللي تنحط مع البنزين:xyxthumbs: والحمدلله للحين لها مدة مارجعت.:xyxthumbs:

وللعلم فيه منظف اسمه Seafoam ينظف والدين ام من جابت الدبات بس انه مايجي عندنا بطلبه من ايباي اذا صكت بقعاء مرة ثانية:blue:, ورجاء كل الرجاء ياغالين لااحد يفرغ دباته والله ماتسوى القروشه اذا احتديت ركب بيب وبفلنجات بدون لحام عشان النظافة والعزم و و و
تشكرات اعزائي واعذروني على ردائة التنسيق وسوء الرواية كاتبه مستعجل توني محمل فلم جامد وبشوفه

في امان الله ودمتم ومواتركم بصحة وعافية