النترا 2014 او كورولا 2013

أخوي تيم ما شفت ردك.. واقولك الله يبارك لك في السيارة.. والكورولا غنية عن التعريف..
سيارة عملية كاستخدام شاق.. ووقت البيع تجيب لك سعر حلو.. بالتوفيق.

بالنسبة للكورولا حاول تاخذ مكينة 1.8 لتر، لأن 1.6 لتر متعبة ومملة وانطلاقتها ثقيلة.

الالنترا حاول تاخذ مكينة 1.6 (الفائز بجوائز) أو 1.8 أقوى،
مكينة 2 لتر يجي السير ربل مو جنزير. للامانة حاول تتاكد من هالمعلومة.

عن تجربة للسيارتين

الالنترا أفضل من ناحية اقتصاد البنزين + الرساوة على سرعة عاليه + الوسع + خفة الانطلاقة + الشكل + رخص قطع الغيار + سيارة شد بلد + صدام يتحمل الحوادث البسيطة من دون ما ينفك.

الكورولا : مكيف أفضل + راحة المقاعد + امتع في القيادة من الالنترا + عزل ارضي أسوأ من الالنترا.

كلا السيارتين اعتماديات وتتحمل الكرف..

اذا حاب تعرف حجم المكينه تحصله مكتوب على اللصق الابيض للقزاز الخلفي الايسر مكتوب فيه حجم المكينه

وبالنسبه لل 2.0 شفتها في التكاسي الالنترات الجديده ماتجي الا ستاندر واتوقع خاصه في الليموزينات

وشكرا

هذه احدى النقاط الي تخلي الكل متمسك بتويوتا ووكيلها الي ما يقل عن باقي الوكلاء سوءاً

اذا فيك انتظار انتظر الكورلا الشكل الجديد احتمال بعد العيد حسب بعض الاخبار سيبدأ بيعها هي و الاكسنت الشكل الجديد

الله يكتبلك الي فيه الخير

انا الي اشوفه الصراحه
وكلاء السيارات الكوريه بأيدي قذره واسف على هالكلمه
اتكلم عن الجبر والناغي
السيارات الكوريه في تطور وفي مواصفات قويه والجوده ممتازه
بس للاسف وكلائها هم الي راح يهججون الناس منها

والله وانا انتظر مع الناس كم واحد لمن سمع كلمه لازم تحجز بعد اسبوع تجي وتاخذ 3 ايام او اكثر
يسب الوكاله وينصحني وانا ماعرفه لاتشتري من الناغي هذا
وحاله الزباين تخليك تبكي زحمه ومافي مكيفات ولا حتى مويه
وموظف مصري رافع خشمه على الزباين

ورحت قسم المبيعات اجرب الالنترا والموظفين ماجوا ههههههههههههههههههه
ومافي في العرض النترا سيدان

للاسف ضيعت ساعتين كامله ننتظر الموظفين بعدين صرفونا احجز بعد اسبوع تعال
ودخلت فرع الصيانه وربي صغيييييييييير مقارنه بتويوتا
احس اني طولت في السالفه بس حبيت اقولكم سوء وكيل سيارات هيونداي الناغي
والفرق الشاسع بينه وبين عبداللطيف جميل

فـ راح اخذ كوكو 2013 ان شاء الله ويعطيكم العافيه جميع من رد عليه

رحت وكاله الناغي اليوم الصبح
نودي سياره ابن عمي اكسنت و مره وحده اطلع الالنترا

والله كنت خلاص باشتريها بس بعد ماشفت الخدمه السيئه وقله الاخلاق وفوق هذا رفضوا تدخيل سياره ابن عمي لازم يحجز بعد اسبوع وبعدين تاخذ السياره كم يوم اعتقد قال 3 ايام ( صيانه ال5 الالف )
واقسم بالله موظف واحد حق فوق الـ12 زبون كل شوي يجي زبون وموظف واحد لكع مره ومافي مكيف ومافي شاهي ولا مويه ولا اي شي طبعا اتكلم عن قسم الصيانه موظف واحد فقط ! وفرع واحد للناغي بمكه كلها
وفوق هذا الموظفين متأخرين مره نايمين ماوراهم زباين ولاشي
اتكلم عن الناغي


اقسم بالله بعدها رحت وكاله تويوتا مكييفه والصيانه فوريه وبسرعه ومركز الصيانه حقهم كبير ويقدمون شاهي وتمر و مويه وسيارتك تطلع بنفس اليوم على كلام الموظف
وعندهم موظفين كثييييييير للصيانه ولا للبيع كاش ولا للبيع تاجير

خدمتهم عجبتني ومنظمين ويحترمون الزبون عكس الناغي حسبي الله عليه وعلى من عطاه الوكاله للاشكال الو... هاذي
فـ والله باشتري راحه بالي واخذ لي كورولا من معرض البراشي ( يضمنه عبداللطيف جميل لانه موزع معتمد )

والله يوفقكم جميع

كرف الليموزينات للألنترا أكبر شهادة, بالإضافة لأنها أجمل من الكورولا (السيراتو أجمل منهم كلهم لكن الوكيل زفت في خدمات مابعد البيع, أيضا فكر في رينو فلونس)

الكورولا مبيعاتها العالمية تشهد لها, إن كان من عيوب في الكورولا هما الصدام غير ثابت والتصميم من التسعينات. لكنها عملية جدا ومكيفها أفضل من الكوريات.

إذا ما أنت مستعجل إصبر للكورولا الجديدة, وعندها قارنها مع الألنترا والسيراتو والفلونس

موفق خير

انا اتحداك تحدي في هذا المنتدى و امام الكل
اذا الكورلا اعلى جوده من الالنترا ..!! :smile:

مايبي لها سؤال اتوقع الالنتراافضل في كل شي تقريبا عدى مسكه السعر

من اي ناحيه الكورلا افضل بصرفية البنزين غلطان وانا اخوك

يكفيك نظام aco بالإلنترا

وبحكم اني كنت مستعمل الإلنترا وجربت الكورلا والله مالاحظت حسن الجوده بالكورلا

لاكن الإلنترا كنت اعاني من عدم وجود الـ abs والسماعات ماهي بالمستوى المطلوب عكس الكورلا

الكورلا افضل في الراحه سواء مقاعد او تعليق ولكن الانترا اوسع
وايذا الكورلا تتفوق من ناحيه صرفيه البانزين والجوده والكرف
اما الباقي كله لمصلحه الالنترا

انا اقول انتظر اذا ما تقدر خذ الالنترا

انا عن نفسي جربت النترا 2014 اوتوماتيك
وبصراحة سيارة حلوة ومواصفات حلوه
فيها نظام ايكو لتنظيم صرفية البنزين
ولكن عيبها العزل الارضي سيء
يمكن عشان سيارتي فئة اكبر الله اعلم
الله يوفقك

لو فيك انتظار انتظر هالفترة الى ان تنزل الكورلا الشكل الجديد تراها تختلف عن القديمة واوسع واطول كمان

الاخبار تقول ان شهر 11 احتمال يبدا البيع واذا مستعجل

خذ الالنترا بس ترا 2014 حصل على تحديثات جديدة

وعليكم السلام

اول شي الله يوفقك في الجامعة

انصحك بــ الانترا متطورة اكثر من الكوريلا واكبر ومكينة اقوا وقير اقوا ( ٦ نمر للنترا و ٤ نمر للكوريلا )

وماشاءالله الانترا عملية بشكل كبير

وفي الاخير الله يوفقك ويكتبلك اللي فيه الخير

مشكور ي اسمي فورد

ودي اسالكم كيف افرق بين الالنترا مكينه 1.6 ومكينه 1.8 ومكينه 2.0

بالاخص ان مكاين الهيونداي مختلفه عن الامريكي الي يعطيك رقم المكينه سواءاً كان 5,7 او 6.0 دائما مكتوبه على غطا المكينه عكس الهيونداي

فودي اعرف كيف اعرف ان هاذي المكينه الكبيره وهاذيك الصغيره