اشتريت سياره مالها قطع غيار احد يساعدني :(

alhadem @user_295338 · 18-08-2013

السلام عليكم

تكفون الفزعه اشتريت سياره ولفيت الدنيا ادور قطع غيار حتى الوكاله قالو ﻻتدور في المملكه كلها

نوعها لينكون LS موديل 2004 اللينكون الصغيره اسمها LS

ابي مساعدات بس متفقعه السياره غير متوازنه ابد الي عنده خلفيه عنها

او يعرف مساعدات سياره ثانيه تركب لها يفزع لي

khalid ali @user_284278 · 24-08-2013

وعليكم السلام ورحمة الله وبركاته

ھھ?|? ‏?‏?‏?‏‹‏?:$?? بك اخي الكريم أنا طحت بنفس مشكلتك سابقا اشتريت سياره وللاسف ما عندي اي خلفيه عنها وعن قطع غيارها وكانت كثيره خربات وكنت ادور الصناعيه قطعه طقعه ولا القى له اي قطعه غيار واروح الشارع الملكي عندنا هو فيه كل محلات قطع الغيار ولا القى لها شيء وكانت توقف بالاسابيع على مسماء ولا هوز وكنت اروح الوكاله يقولون لي احدجث من موديل 10 مرات ما له قطع غيار لو تبي نجيبه طلبيه من امريكا بس بسعر خيالي والله على شيء تافه انحلت مشكلتي لما فكيت القطع الي ابها ودرت فيها على كل محلات الغيار سواء تيوتا او فورد او هونادي او هوندا ولا اقولهم وشي السياره اقوله ابي زي هذي ولقيت في تيوتا مع انه سيارتي شفر وركبتها ارخص بالاف واقوى وطولت فهذا هو حلك الوحيد وخلك ماشي عليه وتخلص من السياره باسرع وقت قبل لا تطيح بشي كبير

بالتوفيق

1100r @user_30426 · 23-08-2013

السيارة شبة مطابقة للجاكور اس تايب اغلب القطع تركب عليها.

Abo Moh'd @user_295453 · 21-08-2013

الحل تطلبها من امريكا وتفضل هذا موقع الاي بي وكل قطع غيار لينكولن LS متوفره...

http://www.ebay.com/sch/Suspension-Steering-/33579/i.html?selvel=2004~Lincoln~LS~Base%2520Sedan%25204-Door~-&selfil=1%2C2%2C3%2C4&_nkw=2004+Lincoln+LS+Base&_vxp=mtr

عبدالعزيز 8 @user_231972 · 19-08-2013

فك المساعد ومر جميع قطع الغيار ولا تقول لهم على نوع سيارتك قل لهم ابي زيه
واذا ما لقيت وهذا نادر فعليك بورش التعديل يركبون لك مساعد هيدروليك تعديل

بالتوفيق

bandar_kha @user_185035 · 19-08-2013

سؤال اخي الكريم

لما راجعت توكيلات الجزيرة وقالولك ماعندنا

ليش ماطلبت القطعه من عندهم بحيث يطلبونها من امريكا ؟

فيق @user_23374 · 19-08-2013

الله يعينك ... اللي اعرفه بخصوص سيارتك ان قطعها الميكانيكية نفس قطع جاكوار s type .. ايام ما كانت فورد شارية شركة جاكوار .. و المكينة اذا ماني غلطان 8 سلندر 3.9 صح ؟؟

أبوياسر74 @user_33238 · 19-08-2013

الله يكون بعونك

هذا واحد من أخطاء من يشترون سيارة مالها قطع غيار

المفروض ماتشتري سيارة إلا وغيارها متوفر عند الحضارم وليس الوكالة!!!

مثل فورد وتايوتا ونيسان وهوندا وهونداي هذه السيارات الشعبية حتى لو وجدت قطعها غالية ممكن تجد ارخص في التشليح!!!

مركز جوانا @user_231566 · 18-08-2013

برقم الشاصي لسيارتك يظهر اي من السيارات يكون بديل لها
فورد كثير من القطع تركب على بعض

محمد القحطاني @user_269829 MOHMAD · 18-08-2013

ممكن تبحث في جده او عن طريق النت مالك الا الحل هذا
او تشوف التشليح في جده لانه يمكن المدينه مافيها
ارجو اني اكون وضحت وبالتوفيق

alhadem @user_295338 صاحب الموضوع · 18-08-2013

رحت لتوكيلات الجزيره قبل شوي جيت منه قالي ﻻتدور ف المملكه كلها:smilie20:

اما المساعدات الي قدام منتهيه ويطقطق بعد

انا في المدينه المنورة

super_safari @user_201024 · 18-08-2013

و عليكم السلام

لو في الرياض روح الصناعية القديمة تحديدًا بتوزير .. موزع مساعدات مونرو. يمكن تلقى لسياراتك.
كذلك يوجد (السبت) وكيل مساعدات جابريال. جرب حظك.
لو المساعدات الأمامية هي الخربانة صعب التوليف من سيارات أخرى. لكن الخلفية سهل أنك تطابق عليها من سيارة ثانية شرط تساوي طول الأنبوبة و طول المكبس الفضي الي في وسطه.
الله يعينك

ما رحت توكيلات الجزيرة؟