مشكلة كل السيارات ، تجي جديدة بعد كم يوم غسيل الحارس ولا السواق يخليها كلها دوائر وخدوش ويبهت لونها . وتجو عندنا تلمعوها ههههه :ch19:
طيب والحل .. حاس اني بقلل الزباين عندي :smilie20: بس مو مشكلة لعيونكم ..
فى البداية خلينا نعرف طباقة الدهان : اول شي على المعدن تجي طبقة الأساس وبعدها المعجون و بعدها الدهان وبعدها الطبقة المهمة صاحبة المشاكل هيه الطبقة الشفافة اللي اسمها (اللكار) Clear Coat
كل مشاكل اللمعة وشغل التلميع هو فى الطبقة الرقيقة جدا الطبقة الشفافة .
هذي الطبقة جدا حساسة وبس تمسحها بأي منشفة عادية وهيه عليها غبار انتهي الموضوع تخدشت :xyxwave:.
الأن الطريقة الأفضل لسيارة شبة خالية من الدوائر والخدوش هيه ..
الخطوة الأولى لازم تغسل السيارة بالماء فقط حتى تزيل كل الغبار من عليها .. (هذا الشي اللي ما يسوية الحارس خخخ) :c0038:
الخطوة الثانية لا تستخدم غير الشامبو المخصص للسيارات ومتوفر فى محلات الزينة انواع كثير مثل (ميجوايرز ، ارموراول ، السلحفة .. وغيرها )
أخلط كوب أو كوبين مع 3 لتر ماء فى سطل وجيب سطل ثاني حط فيه ماء فقط ، بقلك ليش بعد شوي .
لا تستخدم سوي قفاز للغسيل يكون مصنوع من المايكروفايبر شكله مثل الفرو ونااااعم هذا مايخدش الدهان ولا يأثر فى البوية كمان متوفر فى الأسواق .
نرجع للسطلين ،، سطل فيه الشامبو تاخذ منه بالقفاز وتمسح السيارة من فوق لتحت بخطوط مستقيمة مو دوائر يا شاطر :smilie16:
بعدين لا ترجع القفاز فى سطل الشامبو بل فى السطل الثاني عشان تشيل الأوساخ اللي على القفاز فى الماء النظيف بعدين تاخذ شامبو مرة ثانية وتغسل جزء جديد وهكذا ..
بعد ما غسلت السيارة لا تخلي الشامبو ينشف ، بسرعة أغسلة بالماء كمان من أعلى لأسفل .
ملاحظة اذا السيارة متوسخة من أسفل عند الأبواب و الرفارف حاول تستخدم قفاز ثاني عشان لا تجيب التراب من تحت لفوق وتعدم الدنيا هههه .
اخيرا التنشيف مررررررة مهم ، جيب منشفة كمان مصنوعه من المايكروفايبر أو الشاموا أفضل شي منشفة ميجوايرز لونها أصفر وحجمها كبير ، وامسح الماء من السيارة بخطوط مستقيمة والمنشفة خليها مطبقة ومسطحة على البودي (خليك مرتب ) عشان لا تخدش الدهان وكأنك يابوزيد ما غزيت خخخخ .
وبكذا سيارتك حتكون دايما جديدة ولامعه حتى لو لمعتها استخدم هذي الطريقة عشان لا تروح فلوسك على الفاضي ..
واذا واجهتك أي مشكلة زور مركزنا واحنا نساعدك فى حلها ..
شكرا :xyxwave:
