:: -- الســيــارات الكـــوريـــة ( مــشـــاكل + حــلــــول ) -- ::

السلام عليكم

أرجو كتابة المشاكل التي تواجهونها بالقسم المخصص

http://www.assayyarat.com/forums/f30/


يُغلق

السلام عليكم
انا معي سبورتاج 2014
اوقات لما اكون مسرع وبهديء مره احس برجة فالدركسون اوقات تكون قوية
ثاني شي احس بالفرامل تفلت مع المطبات والحفر مادري هذا عيب بالسيارة ولامشكله؟؟

السلام عليكم .. انا من ليبيا مدينة طرابلس واحتاج المساعدة بشكل ضروري جدا لان سيارتي استيراد وفريد من نوعها ولايوجد من يصلحها هناك ..
سيارتي هي هونداي xg .. والعمل فيها هو حساس الهواء / اريد شراء هذه القطعة من المحلات التجارية لكنني لست أدري الرقم حتى يكون لها نفسها .. أفيدوني بالله عليكم وهذا رقمي 00218923010294 اسمي إبراهيم

يا أخوان عندنا جيب توسان 2009 الشكل القديم

المسجل موجود فيه زر aux ولكن إذا ضغط عليه يقول نو ميديا

ومكان aux مقفل بقطعه سودا من الوكاله ، رحت محلات زينة السيارات يقولو لازم نفك الديكور

ونكشف على الأسلاك هل فعلا في أسلاك موصله وجاهزه حقت aux أو لا ، بصراحه كلامهم مادخل راسي

وسحبت عليهم

السلام عليكم ورحمة الله وبركاته
اعتذر اذا نزلت الموضوع في المكان الخاطئ
اخواني عندي مشكله في سيارتي
اذا ركبت شريط الديفدي بالسياره ما يشتغل لا الصوت ولا الفيديو
اللي عنده حل لهالمشكله لايبخل علينا
جزاكم الله خير علما بأن سيارتي كاديلاك موديل 2008 نوع sls خليجي

[COLOR=Red]السلام عليكم ورحمة الله وبركاته
كيف الحال جميعا ان شاء الله بخير

ما ابي اطيل عليكم وادخل في المشكلة مباشرة وأبي فزعتكم ياأخوان
أنا شريت سوناتا 2013 وهلحين كملت معي سنه في هذا الشهر
وماشيه 27000 والحمدلله بدون أي مشاكل
لكن من اسبوعين تقريبا جاني منها المرض :confused1:
صار عزمها يقل والتعشيقات مو منتظمه واحس سحبها ثقيل يعني لما اكون ماشي على سرعة 100 او 120 واخفف ابغى ادخل لفه وارجع ماشي بعد مالفيت تبقى ماسكه في النمره 3 او 4 وبعدين يبدأ تسارعها ..
واحيانا لين اروح مشوار ثاني تضبط ولا احسن منها :bigggrin:
رحت للوكاله وصراحه خراطين مافي روسهم يلعبون وينصبون على الناس
شرحت للفلبيني المكنيكي القصه .. وركب السياره راح يجربها ورجع اخذ معه اسلاك وسكر عليه القزاز ونزل منها وقال خلاص السياره تمام انا برمجت القير .. روح جرب
اخذت السياره اجربها .. والله انه ماتغير شي فيها ..نفس المشكله يعني الحرامي ماسوى أي شي فيها بس يبغى الفكه مني ...:bigggrin:
فياليت اللي مرت عليه مثل المشكله مايبخل علينا بالحل تكفون..
والله يجزااكم الخير ..[/COLOR]

ماشاء الله تبارك الله

السلام عليكم
انا اشتريت كيا كارنفال محرك ديزل 2.9 لتر طبعا مستعمله وكانت تدخن كل صباح وكل ماكانت باردة و حاولت جميع المحاولات ولاكن ما صار شي
و في يوم رحت علشان اكشف عليها بالكمبيوتر و بعد الكشف و تسفير المشاكل اللي ظهرت ( وما كانت كثير ) اصبح الدخان تاريخ انتها و كانه صاحب الكمبيوتر سحب منها الجن اللى كان فيها .
المهم سالته عن تفسير للموضوع فقال التالي
يبدولي انه عند تغييير البطاريه الكميوتر حق السيارة صارله صدمة وبعد ما عمل ري ست اختفت كل المشاكل
النصيحه اذا كان حصل معاك نفس المشكلة لا تتفلسف بل اكشف عليها بالكمبيوتر قبل اي شي
تحياتي للجميع

شكله فيه فيوز وعلى ما اعتقد فيه عيب مصنعي وقد صار على ما اظن لأحد ملاك السوناتا هنا نفس مشكلتك

وراح للوكاله وحلوها له

السلام عليكم ورحمه الله وبركاته

عندي مشكله في النترا 2013 بعض الاحيان اذا شغلت السياره وذهبت الى مشوار وطفيت السياره واذا شغلت السياره من جديد تشتغل بس ماقدر امشي القير اتماتيك اعشق على d ماتمشي ماهي المشكله !!
علما اطفي السياره من جديد وشغلها تمشي مافيه اي مشكله

السلام عليكم ورحمة الله وبركاته
انا اخوكم عامر الشرقاوي وأشتريت سياره افانتي HD 2010 s16 بس المشكله عندي الشاشه ب اللغه الكوريه و شاشه التابلو كمان وال GPS هل من الممكن تغيير اللغه و كيف مع العلم اني حكيت مع الشركه وغير متوفر عندهم

تم حل مشكلة التعشيق بحمد الله وبأقل التكاليف ..

http://www.assayyarat.com/forums/thread271578.html

بسم الله الرحمن الرحيم

السلام عليكم مساكم الله بالخير جميع


يعطيك العافيه ياصاحب الموضوع استفدنا من موضوع جزاك الله خير وان شاء الله نفيد


بصراحه انا ودي اشتري سونتا نص فل 2014 والله من مشاكل السونتا انخرشت وصابني وسواس مدري اشتري ولالا

انا ابي سياره اقناه مو كل اشوي راح وجاي من الوكاله ....

واهم شي عندي المكينه والقير والمكيف اذا خربته مامنه فايده السياره


ياليت الي معه 2014 ينصحني انا من ساكن ينبع البحر وماعندنا بالغربيه غير الناغي وش رايكم فيه

ومكيف 2014 كيف كويس لان طلعت مع اثنين اعرفه 2011 و2012 ماشاء الله كويسه وراسيه وتكيفه كويس

والله انا محتار بي الكورلا والسونتا


ومره ثانيه اقولك يراعي الموضوع جزاك الله خير

المشكله الاولى شيك على صفاية البنزين او الحساس يمكن منهن
المشكله الثانيه يمكن فلتر الهواء مليان اتربه ويحتاج تغيير ويمكن من البواجي

الحمد لله انك لقيت حل للمشكله
كم التكاليف؟

عندي سوناتا 2009 ، وعندي فيها مشكلتين اتمنى اعرف الحل لها :
1- عند تعبئة البنزين دايم يقفل على اساس انه فل وهو توه ماعبى ولا بخمسه ريالات ، راجعت الصيانه السريعه وحولوني عالفرع الرئيسي للحين مارحت .

2- عزم الموتر حسيته يضعف واحيانا ابلش لو كنت ماسك المسار الاوسط وبتجاوز اللي قدامي اتوهق لو دعست بسرعه مايسرع الموتر وصاير كني عامل مسكر على خلق الله في اليمين .

افيدوني بارك الله فيكم .

تم أخذ السيارة اليوم للوعلان .. وبعد فحص سريع من قبل الموظف تبين ان المشكلة من حساس القير .. لازم تغيير الحساس مثل مشكلة مؤشر البنزين كانت حساس خزان النزين يعطي قراءه خاطئه لمنسوب البنزين .

ودمتم بود

https://www.youtube.com/watch?v=IKIyjbzaL4U&feature=youtube_gdata_player

فيديو اوضح للمشكله في القير واثناء التغيير