محتار اخذ بي ام 523 وللا

كنصيحه خذلك البي إم دبليو ما راح تندم يكفي ( متعة القيادة ).
ورساوه وعزل وثبات في الخط ..وأعتماديه و عمليه وتتحمل الخطوط.. ومتانه وسفتي.
أما الكزس ما أنصحك بها بتاتا يكفي أن عزلها سيء وليست أهلا للخطوط وليست متينه والسفني صفرعالشمال ولا تصل لرقي وفخامة ورحابة ومتانة البي أم دبليو
خطوط ثبات رساوه راحه عزل متعه .. الألماني وبس و غييير.
والياباني بيضل ياباني لو شو ما يسوووون.. مع أحترامي لأصحاب وعشاق الكزس
بس ما تصل للألماني لا من قريب ولا من بعيد.

انا عن نفسي لو بامشي كل يوم ٢٠٠ كيلو و ابغا سياره فخمه راح اخذ لكزس مع ان عندي مرسيدس لكن الحق يقال لكزس سيارة كرف صحيح ان المرسيدس سياره كرف لكن اللكزس تتحمل اكثر

اولا حبيبي اقلك الف مبروك مقدما على السياره
لاكن نصيحتي لك لا تستخسر شي بنفسك ونا اخوك لو اخذت BMW او لكزس
داوم فيها مدام دوامك بعيد نظرا لاسباب السلامه المتوفره فيها وكل شي بيدالله بس لازم نأخذ بالأسباب
عن نفسي:c0214: ماراح اخذ سياره بذيك القيمة واحطها تحت البايكه واخذ سياره مشي حالك واداومبها
أنا اخذ السياره عشان تخدمني وتريحني من تعب السواقه بالمسافات الطويله مو اكلف نفسي على الفاضي ادفع ذيك القيمة اخر شي ما استفيد منها
والله يقدملك الي فيه الخير ويبعد عنك شر الطريق

BMW الفئه. الخامسة. لقبة. بملكة الجمال في ألمانيا. حقيقه. السياره. رائعه. أمان. والأمان. من عند. الله. عز وجل. ومنتشرة. هدوء. رهيب. على الخط.
أما قطع. الغيار. مافي أي يساره. في السعودية. فخمه. سعر. رخيص

بالنسبة للكزس ما ذكرت موديلها ومواصفاتها !
ولو علي اقولك خذ مرسيدس واكرفها كرف لانها معروفه بالشيء ,وانت استخر وبالتوفيق ان شاء الله..

وعليكم السلام ورحمة الله وبركاته

أنصحك باللكزس إذا جديدة أو الشكل الجديد، فخامة وعملية جداً والإختبارات تشهد.
البي إم جميل ولكن الموديل اللي وجدته ضعيف وحتصرف عليه أكثر من اللكزس.
لذا شخصياً سأتوجه للكزس دون تردد.

وبالتوفيق

توكل على الله باللكزس

.
.
.
أتفق معك 100%

اذا تحب البي ام ، من الأفضل تشتري الفئة ذات المحرك الاكبر ستة سلندر 3.5 او 3.0 لتر

تخيل يكون محركها صغير وتتجاوزك سيارات عادية من عند الاشارة لضعف العزم بسبب صغر المحرك



.
.
.
السيارات التي ذكرتها ، ميزتها الفخامة وتتحمل الكرف

لكن ليس من الافضل ان تكرفها

لان قيمة السيارة الفخمة في نظرتها وهي تحافظ على شكلها الجميل

لذلك لو يكون عندك سيارة للكرف باختيارك سواءا كامري سوناتا اكسنت كوروللا النترا او غيرها

وسيارة لمشاويرك الخاصة وتكون فاخرة سواءا بي ام او لكزس جي اس

اذا 523 لا والله ماننصحك
بتشتري اسم وشكل فقط فقط فقط


لا مواصفات ولا مكينه ولا قوه
والله راح تكرها على طول

الكزس جديد راح تشتريه او مستعمل ؟
اذا جديد بيكون افضل عشان شغلات الضمان و هذا
و BMW حلو و فخم طبعا مقبلها قطعه و تكلفه صيانتها تعتبل اغلى

و السيارتين يكرفون و امان طبعا الكزس مو اقل درجه و يختلف طابع للقياده
يعني BMW تحسسك بالفخامه و رزه و السواقه بركود و كذا
اما gs اكثر شبابيه بالطابع الهجومي او تقدر تقول طابع رياضي

السيارتين حلوين و انصحك بالكزس اذا الجديد و مو اقل درجه النص او الفل
اذا مستعمل مديل قديم انصحك ب bmw اذا مضمون وراح يعيش معك

و بالتوفيق ان شاء الله

ماقصرت اخوي

انا مقارنتي بينهم لظروف العمل

انا امشي السياره بالشهر حدود ٦ الاف كيلو لظروف العمل
يعني بكرفها كرف اللي بشتريها
وحصلت ٢٠١١ ٥٢٣i
ماشيه حدود ٥٤ الف
ويكرفها بس قطع الغيار الاستهلاكي كم سعره
من بواجي سيورفحمات هوبات
وهل البي ام صبور مثل اللكزس