شباب محتاج مشورتكم الله يوفقكم سوناتا 2011

خالد 123 @user_168022 · 18-05-2013

شباب الله يجزاكم خير ابي فزعتكم

ابي اشتري سوناتا موديل 2011 نص فل ماشية 48000 الف واضح ان الممشى قليل وأنا من سكان الرياض والموتر في الشرقية وأنا ماعندي خبرة في السيارات وابي اروح الشرقية اشوفها السؤال هنا ابي افحصها من الصدام للصدام وابي اشيك هل الممشى حقيقي ؟ وش افضل مكان في الدمام للفحص وبكم سعرهم؟ وكيف اعرف هل هي من الدفعة الاولى او الثانية

انا عارف اني كثرتها بالاسئلة بس تحملوني الله يجزاكم خير انا جمعت الدراهم بعد طلوع الروح وابي سيارة لي وللعمر الله يرزق كل واحد فيكم سيارة الي يبيها

هذية صورة السيارة في توقيعي ابي اعرف ايش لونها بحثت في النت ما حصلت كان ودي ب فيراني بس الله كريم

sdc @user_292917 · 20-05-2013

اخوي مالك بعد الله الا الوكاله روح افحص عندهم مهمى كلفتك عشان تاخذها وانت مرتاح وطبعا لاتنسى الاستخاره

خالد 123 @user_168022 صاحب الموضوع · 19-05-2013

الله يجزاك خير مشكور ماقصرت اخوي فاهم عليك والحمدالله تأكدت طلعت الدفعة الثانية

فاهم عليك @user_108886 · 19-05-2013

للأسف انا ماني من أهل الشرقية فما أقدر أفيدك بهالنقطة ..

بالنسبة لسؤالك كيف تعرف هل هي من الدفعة الأولى والا الثانية ..

أحد الفروقات هي المراية اللي داخل السيارة ..

إذا كانت بتعتيم آلي فهذي الدفعة الثانية .. مثل هذي

الدفعة الأولى تجي يدوي مثل هذي

خالد 123 @user_168022 صاحب الموضوع · 19-05-2013

يعني 33 مشاهدة مافيه الا رد واحد
على العموم الله يجزاك خير اخوي salehhd على الرد

salehhd @user_17805 · 18-05-2013

السلام عليكم

في رايي افضل مكان لفحص السيارة هو الوكالة حتى لو ادفع 1000 ريال لان مع الاسف ورش الفحص الي في حراج الدمام اكثرهم يفتقرون الي الامانه والصدق وكان لي تجربة مريرة معهم كلفتني 10 الاف ريال خسارة في اقل من اسبوع
حسب ما اذكر هناك ورشة سهم
والاخوان ممكن يفيدونك اكثر
بالتوفيق ولا تنسى الاستخارة