الى الاخوه الاعزاء وخصوصا الاخ سوبر سفاري ( استشاره )

أكورد. @user_232169 · 29-04-2013

سلام عليكم

ياخوان انا سويت اصلاح طرمبة دركسون من حوالي سنه او اكثر تقريبا ومن سويت الاصلاح وفيه ثقل عند التشغيل والسياره (بارده) لمدة 5 ثواني ثم يروح وعند القياده مافيه ثقل الحمد لله ..

فرغت الزيت اللي في علبة الدركسون وحطيت زيت جديد ولا زال الثقل موجود
صحيح هي ماهي مشكله بس ( تغبن ) فرحت لورشة متخصصه في هوندا وسألته عن سبب الثقل اللي في بداية التشغيل ولما فتح العلبه قال تعال شف فيه فقاعات الطرمبه تسحب زيت وهواء اللي سوا لك الاصلاح ماضبطه !! ولو تركته ممكن يعدم عليك الطرمبه

قلت طيب وش اسوي ؟!
قال سو اصلاح عندي من جديد وانظف لك الليات واضمنها لك ماتثقل الطاره وباخذ عليك شغل يد 250 ريال

هل فعلا ممكن سحب الهواء يعدم الطرمبه ؟!
وهل اسوي الاصلاح ولا مايحتاج لان ماعندي تهريب فقط تنديه بسيطه ماتسوى لكن ثقل الدركسون قاهرني شوي

فشوركم يالربع

أكورد. @user_232169 صاحب الموضوع · 05-05-2013

^^

بيض الله وجهك اخوي وانا الحمد لله مااحط في موتري الا الاصلي ونفس شد البلد
وماعمري استخدمت غير زيت هوندا للدركسون والقير

ماادري ليه احس طرمبة دركسون الهوندا كلها مشدوده وتجي ثقيله علشان الثبات وعند اللفات يعطيك توجيه سريع للطاره

لكن الحمد لله بعد الاصلاح الاخير راح الثقل اللي كان سببه المهندس السابق للأسف رغم تقديري له ومعرفتي بخبرته

لكن هو نفسه قال لي انا ماعرف للطرمبه لكن علشانك بسويها ولو جاء غيرك ماراح اسويها

شكرا لك اخوي

IbRaHiM_2013 @user_292988 · 04-05-2013

دركسون الهوندا له زيت خاص الوكاله يجيبونه من خارج السعوديه

يباع في الوكاله على شكل علب 1 لتر[SIZE=3] .. وتحتاج علبه واحده فقط وسعرها 45 أو 50 ريال

لاحظ أن [SIZE=3]زيت هوندا لزوجته عاليه وثقيل ( أثقل بكثير من زيت [SIZE=3]قير الأوتوماتيك الأحمر )[/SIZE][/SIZE]

إذا استخدمت زيت أحمر ( زيت قير أوتوماتيك ) في دركسون الهوندا = [/SIZE][SIZE=3]ممكن يسبب تنديه زيت او تهريب وراح يؤثر أو يخرب طرمبه الدركسون أو الدوده على المدى البعيد

زيت دركسون الهوندا أثقل من [SIZE=3]الزيت الأحمر ( زيت قير الأوتوماتيك )

[/SIZE]و[SIZE=3] فيه سيارات كثيره لها زيت دركسون [SIZE=3]خاص Power Steering Fluid

[SIZE=3]وبعض السيارات عادي تستخدم زيت قير أوتوماتيك بمواصفات معينه ( تلقاها بكتالوج [SIZE=3]السياره )

[/SIZE][/SIZE][/SIZE][/SIZE][/SIZE]الزبده والخلاصه
أنصحك تستخدم زيت دركسون هوندا فقط لا [SIZE=3]غير .. تلقاه بالوكاله أو بمحلات قطع غيار هوندا
[/SIZE]
وكمية الزيت الصحيحه ( حسب المكتوب بالكتالوج )

اذا كانت السياره بارده تماما وعلى أرض مستويه .. يكون الزيت بين الخط العلوي MAX والخط السفلي LOW يعني بالوسط بينهن

لأن الزيت مع الحراره يتمدد شوي

واذا كان عندك تهريب ووصل الحد الأدنى LOW عبه إلى الحد الأعلى MAX

أكورد. @user_232169 صاحب الموضوع · 02-05-2013

صحيح اخوي لقيته مزوده عن الحد الطبيعي ومن طلعت من عنده شريت ابره 5 مل وسحبت الزايد لين خليته على الحد العلوي

شكرا لك مره اخرى اخوي والله يجزاك خير ويوفقك

super_safari @user_201024 · 02-05-2013

و لك الشكر أيضًا على توضيحك للحل.
غطاء الطرمبة نفسه فيه مؤشر min و max يعني لا ينبغي النقص و لا الزيادة. انتبه لهذا الشيء.

شكرًا و وفقك الله
تقييم ممتاز

أكورد. @user_232169 صاحب الموضوع · 01-05-2013

اشكركم على الردود وببدا باخوي عبدالعزيز انا سويت اللي قلت لي عليه كذا مره ولا فاد
حتى والسياره طافيه ونفس النظام الثقل ماراح

اخوي سوير سفاري الحمد لله ماعندي صوت حنه والثقل فقط بداية التشغيل لمدة 5 ثواني ويروح اما مع المشي مافيه ثقل ... وانا شيكت على الليات كلها ممتازه مافيها تهريب او تنسيم بس اللي صلحها لي الاول ماضبط شغله وحتى لما رجعت له ثاني يوم قال هذا هواء داخل للطرمبه ومع الوقت بيروح

الزبده اني رحت لخوينا اللي قال لي سو اصلاح من جديد وسويت الاصلاح عنده واستخدم علبه وحده بس بعكس اللي قبله 4 علب !!!!!!!!!!!!

وقال لي الليات تمام ونظفتها لك ... والحمد لله الثقل راح وحسيت فعلا بالراحه
والله اني شريت راحتي ب 400 ريال
صحيح ماكنت اعاني بس كانت مشكله تغبن وتقهر اني اشغل السياره وماقدر الف الدركسون الا عقب ثواني !!

يعطيكم العافيه اخوي عبدالعزيز واخوي سوبر سفاري الله لايهينكم

عبدالعزيز 8 @user_231972 · 01-05-2013

وعليكم السلام ورحة الله وبركاته
جرب خلي غطاء علبة زيت الدركسون مفتوح والسيارة تشتغل ولف الدركسون يمين يسار
لمدة 10 دقائق علشان يخرج الهواء على شكل فقاعات من علبة الدركسون
وان شاء الله تضبط

بالتوفيق

super_safari @user_201024 · 01-05-2013

و عليكم السلام و رحمة الله و بركاته

ثقل الدركسون بدون صوت حنة هذا يعني أن طرمبة الدركسون تحتاج توضيب. لكن إذا تسمع الحنة شوي و مع المشي تزول فهذا فهلاً وجود هواء ثم يزول من الطرمبة مع المشي.
و الهواء يدخل عن طريق الليات الي فيها تهريب. و تنظيفها لا ينفع. بعدين أخوي الشغلة هذي ليست عند ورشات متخصصة بهوندا , الشغلة عند محلات الهيدروليك. يسوون حتى توضيب كامل للطرمبات.
أيضًا تحتاج إلى شراء لي بدل التالف (يجب تحديده بالتشييك لدى محلات الهدروليك). و الحل الجيد و الأوفر هو كبس ليات عند محلات متخصصة بذلك.

الخلاصة: يجب إصلاح اللي المتسبب بالتهريب.
و تجديد الزيت لا يفيد , كذلك تنظيف اللي لا يفيد! لا تخسر فلوس عالفاضي.
و الشغلة تحتاج محلات الهدروليك و ليس مختصين في ماركة السيارة.