تم شراء تاهو ltz2013 نصائحكم قبل وبعد الاستلام؟

اولا الله يبارك لك فيه
ثانيا الزيوت هي 5w30
ثالثا استمتع بالسيارة ولاتقعد تحط قراطيس وتركب بلاستيك ارضية وغيرها من الخرابيط اللي فيها اضرار
رابعا ركب عازل من عند شركة جيوشيلد لواجهة السيارة للحماية من الرمل سواءا في المدينة او على طرق السفر البرية
خامسا تعليقا على ماذكر في النقطة الثالثة البلاستيك الحامي للارضية يكسب حرارة مع اثر الشمس وذلك يؤثر على اداء المكيف داخل بحيث انه لا يستطيع يلحق يبرد لك السيارة من الداخل وذلك يجعل المكيف في نظرك غير كفؤ وتتوقع ان فيه مشكلة ، وايضا هناك بعض المحلات يدبس الارضية بالدباسة مما يؤدي لاسمح الله الى جرح احد الاسلاك المتواجده تحت الارضية وذلك يؤدي الى التماس لاقدر الله وهذا مما يؤدي الى اخراج السيارة من ضمان الشركة
سادسا انصحك بالاستمرار على جدول الصيانة لدى الوكالة كل 10000 الاف كيلو متر(عشرة الاف كيلو متر) تروح وتصلح صيانة
تصلح الضروريات وتترك الحاجات اللي فيها نصب مثلا : انا اذهب للوكالة كل عشره الاف ( التوكيلات العالمية ، اما الجميح يبطي عظم اروح لمه ) التغيير بقيمة 429 ريال ، فيها كم نصبه ما تعجبني فانا اقول له غير لي الزيت والفلتر للمكينة فقط لاغير وتطلع القيمة 200 ريال وتزود تقريبا 12 او 22 ريال ، واطلع بعدها لاقرب بنشري وافك الفلتر وانفخه هوا بخمسة ريال اطلع وفرت تقريبا 200 ريال ( اعشي المعزبة في مطعم برا ونفل اومها يا معلم)
الزبده انتبه من البناشر ، لاتركب زيت ثقيل على المكينه تعدم لك طرمبة الزيت
فتلر الهوا غيره كل 20000 كلم وذلك لضمان افضل اداء للمكينه ، تنظيف البخاخات تقريبا كل 30000 كلم او اذا احسست بان عزم السيارة غير مرضي
اتمنى
اني اكون
افدتك
مع اني اتوقع انك راح تلخبط من كثر ما بربرة في التعليق

اخوك / محمد القحطاني

وللمعلومية كل المكتوب فوق بعد تجربة من اصفار الى ان وصل 70 الف كلم