السلام عليكم
أخباركم علومكم .. إن شاء الله تمام :ch19:
أفكر اشتري سيارة
وكأي شخص يفكر يشتري سيارة .. يبحث ويسأل ويستفسر عن أفضل السيارات الموجودة بأقل الأسعار وأفضل المواصفات على حسب الفلوس اللي معاك
طبعاً وكأي شخص في فترة البحث .. يبدأ يبحث إلين يوسوس في الموضوع
وعلى قول المثل إذا ودك تحير أحد خيره !!
أنا أبحث عن سيارة يكون سعرها بحدود 150 ألف ريال سعودي ..
أكثر بشوي أو أقل بشوي موب مشكلة..:xyxthumbs:
بعد البحث والتحري .. شفت إن الخيارات المتاحه لي هي
اللكزس es 250 2013
فورد تورس 2013
تويوتا أفالون 2013
هوندا كورد 2013
ماليبو شيفروليه 2013
نيسان ماكسيما 2013
بالإضافة الى السيارات الكورية
هيونداي أزيرا 2013
كيا كيدنزا 2013
مع إني ما أميل للسيارات الكورية أبدا لأني أسمع عنها عيوب كثيرة وعدم جودة في التصنيع
أنا بصراحة أميل كثير للفورد توريس من كثر ماسمعت عنها .. بس بالنسبة لي يعيب السيارة شكلها الخارجي كلاسيكي وغير رياضي بالنسبة لي ( مجرد وجهة نظر :ch19: )
ومتخوف .. اخاف اشتري سيارة كوريه كالأزيرا لأنه عاجبني فيها شكلها الرياضي لكن خايف من العيوب
بالنسبة للكزس .. اشوف سعرها غالي لكن مواصفاتها جبارة ويكفيك انها ياباني وانها لكزس ! بس في مواصفات سيارات اخرى افضل وأرقى لكن سعر أرخص ..
وباقي السيارات كويسه كالأفالون وغيره .. بس محتار :c0038:
فبماذا تشورون علي وتنصحوني فيه
مع العلم أني ابغى سيارة تتحمل وتصبر وتكون قوية لي وللزمن .. أقل شي ابغاها تجلس معي 8 سنوات ..وتهمني المواصفات التقنية في السيارة من كاميرا أمامية وخلفية وحساسات ومانع انزلاق ونور زينون ... إلخ ..
أنا أشوف أفضل خيار بالنسبة لي هي الفورد تورس .. أنتم وش رايكم :c0214: :ch19:
أتمنى تنصحوني وتعلموني .. ولكم مني جزيل الشكر والثناء :bigggrin:
