السلام عليكم ورحمة الله وبركاته
أسعد الله صباحكم/مسائكم جميعاً !
أخواني الكرام ، انا طالب ادرس في امريكا صار لي فترهـ ومعاي أكيورا 2004 .. ( هوندا فخمه زي لكزس وتويوتا) المهم الموتر ماقصر معاي ..لكن حالياً بدأ يستهبل القير شوي وقريباً يبي له توضيب ..مالكم بالطويله !
أنا ناوي من زمان اني آخذ كرايسلر SRT8 موديل السنه امريكي وأشحنه للسعوديه ..وعندي كذا استفسار ماحصلت لها جواب ! فياليت اللي عنده خلفيه يفيدني وكمان اللي عندهـ اي معلومه عن السيارهـ يقدمها ..مالنا غنا عن آرائكم !
أسألتي كالتالي :
1- سمعت كلام وانا غير متأكد منه ..قالي واحد انو ما اقدر ادخل سيارهـ للسعوديه اذا هي موديل السنه ..لازم يكون لها سنه نازله ( يعني اذا احنا في 2013 مايدخل الا 2012) ..شخص ثاني قال انها تدخل بس اقل شي تكون ماشيه 500 ميل ! ..وش رايكم ؟
2-سعر السياره حالياً 40 الف دولار ..والشحن من امريكا للسعوديه حدود 2000 دولار .. والجمارك تاخذ 5% من قيمه السياره اي 7500 ريال .. الاجمالي 165الف ريال ..سعرها في السعوديه 220 الف ريال ! .. هل الموضوع يستاهل ؟ ماهي العواقب اذا شريت امريكي ؟ ( مايهمني الضمان او سعر البيع)
3- هل قطع الغيار في السعوديه تركب على الكرايسلر الامريكيه او لا؟
4- اذا معك 165 الف ريال .. وش الخيارات في الشراء لسياره شبيه بـ SRT ؟
شكراً جزيلاً لمساعدتكم ..والله يوفقنا واياكم في الدنيا والاخرهـ ويرزقكم ماتتمنون اجلاً غير آجل !