بسم الله الرحمن الرحيم
السلام عليكم و رحمة الله و بركاته
إخواني.. أنا عضو جديد و لي الشرف بأن أكون معكم في هذا المنتدى
السلام عليكم و رحمة الله و بركاته
إخواني.. أنا عضو جديد و لي الشرف بأن أكون معكم في هذا المنتدى
عندي كم مشكلة في كابريس رويال 2006
توي شاريه قبل شهر ماشي 170 ألف و السيارة نظيفة مكينة و قير و شاص
بس فيه مشكلة واجهتني البارح. إن شاء الله أحصل الحل عندكم.
كنت واقف أسولف مع واحد من الشباب و السيارة شغالة , فجأة ضعف النور و طلع صوت تنبيه و طفت. حاولت أشغل ما فيه أمل.
جلست نص ساعة و فصلت البطارية و شبكتها و اشتغلت بعد طلعة الروح.
و رحت لكهربائي قالي الدينمو ما يعبي قلت افصل البطارية ؛ لأني أعرف إذا الدينمو خربان بتطفي السيارة بس ما طفت!
بعدين قال البطارية. طبعًا معه جهاز شبكه في البطاريه ما أدري وش هو له.
و عندي السيارة توي مغير زيوتها كاملة.
القير اذا حطيته على P يطلع صوت خبطة , أحيانًا تطلع و أحيانا لا.
و إذا حطيتها على d يطلع صوت كان فيه فضاوة في العمود صوت حديد يصقع بحديد بس خفيف.
إذا حطيتها P صوت الخبطة أحس أنه قوي شوي.
و إذا شغلتها الصباح صوت قربعة و يروح بعد ثانيتن بالكثير (و هي حارة ما يطلع الصوت , بس إذا كانت باردة).
طبعًا مشيت عليه 2000 كيلو من شريته و سافرت فيها. و وجدت حرارة غير طبيعية تدخل من فتحات المكيف الي عند الاقدام -أكرمكم الله- مع أن حرارة الموتر على الربع ما تتعداها! و الله إني محتار.
أحس إني انفشخت علمًا بأني شريتها بـ 29 ألف من جدة و فحصته في التقوى و طلعت خرابات بسيطة و خلصتها. أنا من خميس مشيط.
الموتر ما فيه غير الأشياء الي ذكرتها لكم.
الحقوني بحلولكم الله يخليكم , خصوصًا اللي صارت له نفس مشكلتي.
و فيه تفتفة بعد الخراب ذا. و غيرت البطارية و نفس المشكلة فيه تفتفة.
و ما أقدر أحركها خايف عليها لأنها تطفي و أنا ماشي و خايف على القير
و هذا رابط فيديو لمشكلتي:
http://www.youtube.com/watch?v=BwhNckNMyvI
وهذي الكلمات الي طلعت لي بالشاشة , و فيه غيرها ما دري وش هي له , موجودة في رابط الفيديو أعلاه:
Reduced Performance Mode safetg
و اعذروني على الإطالة يا إخوان
