استفسار خاص بتعديل على الـ MR2

MR22003 @user_290024 · 14-01-2013

السلام عليكم ورحمة الله وبركاتة

أخواني الأعزاء.. عندي موتر سبورت كشف من نوع تويوتا MR2 SPYDER موديل 2003 وقاعد افكر إني أعدل فيه وأغير مكينتة لـ 6 سلندر لكن عندي كم سؤال ياليت وإنشاء الله انكم تعطوني المعلومات اللي تفيدني إنشاء الله لاني ميييييييح بهالاشياء ونفس الوقت مدمن عليها.المهم أنا ودي أعرف هالاشياء:
.
.

أولاً.. وش اقرب أو نقول انسب مكينة لموتري من نوع الـ6 سلندر؟؟ وهل إذا غيرت المكينة لازم بعد أغير أشياء ثانية معها:c0214:
ثانياً.. هل لو ركبت تيربو على المكينة الحالية إحتمال تخبط المكينة بسبب التيربو؟؟ أو أنه من الأفضل أني اركب مكينه 6 سلندر وعقب اركب له تيربو:c0214:
ثالثاً وش تنصحوني اضيف من تعديلات على موتري ( سؤال للناس صاحبة الذوق والخبررة):ch19:

وهذي بعض الصور اللي توضح لكم شكل الموتر اللي عندي بالضبط.. أتمنى اللي يعرف شي لا يبخل عني ولا يتجاهل موضوعي. وسلامتكم :xyxwave:

Osama STI @user_304404 · 17-09-2014

a

abo sa8r 1997

بسم الله الرحمن الرحيم

السلام عليكم ورحمة الله وبركاته

اخوي بقلك حاجات تسويها وانشاء الله تضبط معاك المكينة:

اولا:-ما انصحك تغير المكينة الى 6 سلندر لان حجم السيارة ما يساعد(كبوت صغير+سيارة خفيفة يعني بتطير).

ثانيا:-اول حاجة بتسويها هي عمل سستم هوائيات (فل هوائيات) وهي: فلتر هواء وانتيك من شركة k&n + هدرز

مع كت باك كامل ويفضل نوع الهدرز لو يكون (سيراميك طويل عشان المكينة تاخذ راحتها) والدبات من شركة

( فلوماستر وهي شركة أمريكية متخصصة في هذا المجال ومضمونة+مجربة).

ثالثا: ما انصحك تركب تيربو بلعب في المكينة لعب وبحوسها لانه يبغاله مكينة كبيرة عشان تتحمله يعني 6 سلندر

او 8 سلندر والتيربو معروف يبدا مفعوله من سرعة 60 km اما السوبر تشارج يبدا على طول.

رابعا:- انصحك تركب سوبر تشارج طبعا في السعودية انسى محد يعرف يظبطه الله يعينك لازم تروح لدبي .

خامسا:-لازم تسوي برمجه لكمبيوتر السياره عشان ما تخرب السياره ويفضل تسوي كل الاشياء السابقه في دبي.

سادسا :- لازم تغير الدفرنس او يسميه البعض الكارونة (محور العجلات الخلفي) مثلا لو مقاسه 7 تخليه 8 او 9 علشان يتحمل القوة القادمة من المحرك لانه لو خليته زي ما هو وعدلت على المكينة (يعني صارت اقوى)

ما يقدر الدفرنس يتحملها وبينكسر اما لو كانت التعديلات خفيفة ما في حاجة انك تغير الدفرنس.

اسف عالاطاله واللي عندي قلته واتمنى اني افدتك
تقبل تحياتي أخوك:
أبو صقر

ماتور ال 4 سلندر بتحمل تيربو بس حسب حجم التيربو وحسب كم حصان بعطيك ... الاخ ممكن يركب تيربو بس هو حسب لايش هدفه بالتعديل بدو للدرفت ولا بس يزيد قوة الماتور

loay220e @user_174502 · 02-04-2014

السلام عليكم

انا عندي مثل سيارتك وما انصح بتغيير المكينة للاسباب المذكورة اعلاه من قبل الاخوان.
مع العلم انه ممكن تركب اكزوست وكات باك وهيدرز وانتيك واللي حيرفع عدد الاحصنة بمقدار10-20 حصان.

ممكن ايضا تركب كام شافت متوافق مع مكينة السيارة (1zz) وهي متوفرة في بعض المواقع على الانترنت

تحياتي

MR22003 @user_290024 صاحب الموضوع · 03-02-2013

بيض الله وجهك يالغالي كفيت ووفيت .. اي بالله اني استفدت بس سؤوالين أخيرين ولاعليك أمر..

* هل تعرف محلات معينه في دبي تنصحني بها ؟؟
* اذا سويت الأشياء هذه كم الوقت اللي يستغرقة المحل تقريباً لين ينتهي من التعديلات هذي، وإذا عندك بعد خبره عن التكلفة تقريبا بتكون في حدود الكم يكون افضل

واشكرك جزيل الشكر مره ثانيه أخي بوصقر

abo sa8r 1997 @user_290229 · 30-01-2013

بسم الله الرحمن الرحيم

السلام عليكم ورحمة الله وبركاته

اخوي بقلك حاجات تسويها وانشاء الله تضبط معاك المكينة:

اولا:-ما انصحك تغير المكينة الى 6 سلندر لان حجم السيارة ما يساعد(كبوت صغير+سيارة خفيفة يعني بتطير).

ثانيا:-اول حاجة بتسويها هي عمل سستم هوائيات (فل هوائيات) وهي: فلتر هواء وانتيك من شركة k&n + هدرز

مع كت باك كامل ويفضل نوع الهدرز لو يكون (سيراميك طويل عشان المكينة تاخذ راحتها) والدبات من شركة

( فلوماستر وهي شركة أمريكية متخصصة في هذا المجال ومضمونة+مجربة).

ثالثا: ما انصحك تركب تيربو بلعب في المكينة لعب وبحوسها لانه يبغاله مكينة كبيرة عشان تتحمله يعني 6 سلندر

او 8 سلندر والتيربو معروف يبدا مفعوله من سرعة 60 km اما السوبر تشارج يبدا على طول.

رابعا:- انصحك تركب سوبر تشارج طبعا في السعودية انسى محد يعرف يظبطه الله يعينك لازم تروح لدبي .

خامسا:-لازم تسوي برمجه لكمبيوتر السياره عشان ما تخرب السياره ويفضل تسوي كل الاشياء السابقه في دبي.

سادسا :- لازم تغير الدفرنس او يسميه البعض الكارونة (محور العجلات الخلفي) مثلا لو مقاسه 7 تخليه 8 او 9 علشان يتحمل القوة القادمة من المحرك لانه لو خليته زي ما هو وعدلت على المكينة (يعني صارت اقوى)

ما يقدر الدفرنس يتحملها وبينكسر اما لو كانت التعديلات خفيفة ما في حاجة انك تغير الدفرنس.

اسف عالاطاله واللي عندي قلته واتمنى اني افدتك
تقبل تحياتي أخوك:
أبو صقر

Road Lord @user_250569 · 30-01-2013

أخوي MSD القطعة الأساسية عبارة عن منظم كهرباء توزع على جميع الأشغال الكهربائية في نظام السيارة

شرارات البواجي والكويلات ووتعتبر حاجه أساسية لاي تغير في نظام الكهرباء في السيارة لأن النظام الكهربائي الأصلي للسيارة يكون مخصص لمستوى معين لكن باي تعديل لازم تركب القطعه هذي

طبعا في قطع اخرى من نفس الشركة لكن هذي تلغيمية ممكن تحطها او لا لكن المنظم الاساسي لازم ينحط

وهذا موقع الشركة لو حيبت تطلع عليه

http://www.msdignition.com/

اما بخصوص التيربوشارجر والسوبر شارجر هيا تعتمد على نفس مبدا زيادة دخول الهواء البارد لحجرة الاحتراق في الاسطوانة السلندر والهواء البارد في الاحتراق مع البزنين يعطي عزم اكبر لكن طريقة العمل مختلفة

ان شاء الله برد ثاني اشرحلك الفرق

MR22003 @user_290024 صاحب الموضوع · 30-01-2013

تحياتي لك اخي الفاضل ولكل من شارك بالموضوع .. بالنسبه للقير، فالقير عادي اما بالنسبة للتيربو أو السوبرشارجر فما ادري اي واحد افضل من حيث القوه والسرعه واي واحد انت تنصحني فيه؟ اي ولا هنت بغيت أعرف وش معنى الـ MSD وسلامتك والسموحه اذا ثقلت عليك.

Road Lord @user_250569 · 28-01-2013

والله أخوي مانصحك انك تغير المكينة ل6 سلندر لاسباب كثيرة

اولها ان ميزة سيارتك خفة الوزن فلو حطيت مكينة أكبر ممكن تخسر جزء منها وخفة الوزن عامل مهم بعد قوة المحرك في تسارع السيارة بالاضافة الى ان حجم الكبوت مايسمح وراح تضطر تسوي توليفات كثيرة مالها اول ولا اخر

انا انصحك مبدئيا انك تشوف شخص يبرمجلك كمبيوتر السيارة لان الكمبيوتر حق السيارة عشان الانظمة حقت الانبعاثات البيئية والصوت غالبا يكون مقلل القوة ومجال التعشيق بالنمر بس ماوضحت لي سيارتك قير عادي ولا اتوماتيك

انصحك كمان انك تركب سيستم هواء كامل او زي مايقول الاخوة فل هوائيات بداية بالهدرز والانتيك والاكزوست

ممكن تركب شغلات الكهرباء كمان منظم MSD وبواجي رياضية

طبعا بغض النضر عن كل شيء لو قدرت انك تتحمل تكاليف شراء تيربو بلوار او سوبر شارجر راح تشوف فرق جدا ملحوظ لكن بصراحة اغلب الميكانيكين ماعندهم خبرة فيها وكمان تحتاج انو سيارتك يكون فيها تجهيزات تتحمل التيربو

MR22003 @user_290024 صاحب الموضوع · 28-01-2013

اشكرك جزيل الشكر أخي " Road Lord " على الرد وعلى التوضيح المميز.. أنا بصراحه إهتمامي مبدأياً في الناحية الميكانيكية ،، ودي أزيـــــــــد وأطوّر من قوة وسرعة المحرك، واكون شاكر لك جزيل الشكر لو تشورني على افضل طريقه ( هل إني أبدل محرك السيارة إلى محرك 6 سلندر أو أن فيه طرق أفضل بدون لا أحتاج إلى تبديل المحرك) أما بخصوص مظهر السيارة فسوف يكون إن شالله بعد الإنتهاء من التعديل المكيانيكي.

Road Lord @user_250569 · 25-01-2013

أخوي التعديلات بالمجمل نوعين

التزويد أو التلغيم الخاص باالميكانيكا والكهرباء

او التقطيب والتعديل الخاص بمظهر السيارة

أول شيء لازم تبدا الطريق خطوة خطوة لإن التعديل واسع ومتشعب

يعني أول شيء حدد طلبك وانا ممكن ادلك على افكار ممتازة

MR22003 @user_290024 صاحب الموضوع · 22-01-2013

ياخوي قسم بالله طلتك بالدنيا بيض الله وجهك ولاهنت يالغالي.. أنا كل اللي ودي اياه اني اسمع شوركم واستفيد،حتى لو بابسط مشاركة..عالعموم تحياتي لك أخي الفاضل ولجميع الاعضاء

نظرهـ وترحآل @user_279126 · 20-01-2013

والله اني مثلك ماعندي خبره بالاشياء هذي

لكن شي اساسي انك اذا غيرت المكينة لل٦ سلندر ضروري تغير القير

وممكن تحتاج اشياء ثانيه لازم تركبها

اما التيربو ما أتوقع مكينتك تتحمل

وفيه فرق بعض المكائن حتى وهي ٤ سلندر إلا انها تتقبل التعديل وتصير قويه

الاشياء البسيطه اللي تقدر تركبها على موترك

فلتر رياضي وكويلات رياضيه + دبات بورلا + برمجه

اتوقع ذي لحالها توصل ل ٥٠ حصان وممكن تزيد

،،،،

اللي في جعبتي كتبته وكلامي يحتمل الاصابه والخطأ

أتمنى اكون افدتك ولو بكلمه أو كلمتين

وأصبر على الاعضاء الدنيا اشغال والله لا يشغلنا إلا بطاعته

بالتوفيق والله ييسر أمورك

MR22003 @user_290024 صاحب الموضوع · 20-01-2013

مشــــــ:c0038:ــــــــــــ72ـــــــــاهد

.
.

طيب كلمه ولو جبر خاطر.. يعني منتدى طول بعرض مافيه ولا واحد يفيدني باي شي

غريبه

MR22003 @user_290024 صاحب الموضوع · 16-01-2013

42 مشــــــــ:a1120(121):ـــــــــــــــــاهد

MR22003 @user_290024 صاحب الموضوع · 15-01-2013

لاحول الله.. ولا رد من 20 مشاهده،الله المستعان:blue: