استفسار : شريت جمس سييرا وارد الجميح ادخل وعطنا نصايحك

ربي يجزاك خير ياغالي ويفرج عنك كربه من كرب الاخره اللهم امين

صراحه استفدت الكثير والكثير من خبرتك العميقه الله يعطيك الصحة والعافيه

وانا اسف لو تعبتك معي بس انت عارف انا من جنبها في الامور ذي والسييرا صراحه

اول بيك اب امريكي يدخل البيت بالعاده ميتسوبيشي ال 200 موديله 2004 ويهربد علي

اذا دقيت سلف يكح , واذا عشقت القير يجيه شد عظلي في الرمان بلي :blue:

واذا عندك نيه لرفع السياره خذ هذا الوصف

تنزل مع مخرج 17 باتجاه الصناعيه

وبعد النفق خذ ثاني اشاره يسار

خذ اول تقاطع يمين

امش لين يجيك مطعم المكلا واحسب بعده ورشتين اسمهم بن مرضاح

اسال عن صالح هو دكتور ترفيع

وبنهايه الله يكتب لك الى فيه الخير

ههههههه
اللحيه ماله علاقه بالاكباس لحظ الصوره هذي لجمس سيرا 2011 شايل اللحيه





عموما الصوره هذي للتوضيح والقرار الاخير راجع لك

وهذي بعض الاكسسوارات

هوك بقفل مفتاح من اجل الحمايه من السرقه



نيكل لمساكات الابواب ويد باب الصندوق والمرايا









كت باك صنع شركه بورلا



عطاء للشيك الامامي لواجهه السياره يركب على شبك البلد

مرحبا :xyxwave:

آمين .. جزاك الله كل خير ياغالي

شكلي جبت العيد في سالفه اللحيه :a1120(86):

وش يدريني ياخوك اول مره اعرف شي اسمه لحيه للسياره

اذا قصدك الشي الزايد الي في نهاية الصدام هذا اشيله واشيل ابوه بس هل ينفك او اقصه .؟

+

سؤال شاطح ومهم لاهنت

كم طول السيارة بالمتر .؟ لآنهم يقيسون بالملم

لا يارجال اللحيه الي يقصدها خوينا اسفل الصدام تجي في كل الجموس وبنفس المقاس اذا شليتها شي احسن من لا شيء والمواصير الي بتركبها على الحوض ما انصحك فيها شكلها قبيح لكن فايدتها كثيره ركب شناكير اطيب لك والف الف مبروك على الجميحي وجعله ان شاء الله مدخل خير عليك ويعطيك خيره ويكفيك شره ياذيبان وبالتوفيق,,,

يعطيك العافيه اخوي واسف تعبتك معي واجد بس ياخوك تراني عليمي واعذرني على الاسئله الدايخه

و ماراح اكرف السيارة الا بالسفر و البر اما المدينه عندي اكورد مخططه الشوارع ^^

على كل حال ياغالي

1- هل زيت القير والدركسون وغيره لهم درجة لزوجه مثل المكينه هذا كان سؤالي .؟

2- الشناكير خبري اسمها علاق :bigggrin: , المهم احد الشباب نصحني احط مقابض اسطوانيه او مواصير

بدال الشناكير وش رايك انت .؟

3- لو اشيل اللحيه بتروح الضبابيات ! وهذا مابيه فـ لو تعرف ورشه جيدة ترفع الجمس وجزاك الله خير

4- كم علبه زيت تاخذ السيارة .؟

وربي يجزاك كل خير

الشناكير قطع من النيكل تركب على اطراف الصندوق من اجل ربط الاغراض فيها انت تقدر تحط العدد الى يناسبك على كل جهه لكن الدارج عند الناس ثلاث شناكير على اليمين وثلاث على اليسار

اما موضوع الزيت لا يضيق صدرك شي عادي انا احط لسياره البيت نوع سوبر جتي 30/10 وفيه زيت افضل الى هو كاسترول لكن غالى شوي
وعلى شان تعرف الزوجه رح لاي بنشر وقله ابي زيت مثلا سوبر جتي 30/10 يبي يجيبه لك العامل وبعدين قله وين رقم الزوجه يبي يوريك اياه هو
لان الزيت المتعارف عليه عند الناس هو مقاس 50/20 وهذا يحطونه دايم للسيارات اليابانيه وهو يمشي معك لو حطيته على الجمس لكن بعد فتره ثلاث او اربع اسنين تبدا تضعف طرمبة الزيت بسبب ثقله لين تبطل وبعدها مايجي المكينه زيت ثم تخبط
لكن زيت القير او الدركسون لاتجيهن او تلمسهن لان زيت القير يغير على 80 الف وفيه ناس تقول على 40 الف لكن اقول انا على حسب استخدام السياره اذا كانت السياره يجيها كرف شاق حاول تقلل المده واذا اغلب الوقت واقفه ولا يجيها كرف وتفجير زود المسافه والتغيير عند الوكاله
اللحيه فكه ان بغيت ولا تركب بداله شي لانها قطعة بلاستيك عرضه حوالي ثلاثين صانتي ولو طاعست واضربه شي على طول تنكسر
اما من حيث الرفع خله شد بلد دامك منت راعي تطعيس لان لو رفعته راح يكون على حساب الراحه والراحه هي الى محليه الجمس
السليماني مثل العليان لكن حاول تسعر عند هذا وذا لان الاسعار تفاوت بينهم
هذا موضوع عن اكسسوارات للجمس سيرا ممكن يفيدك

http://www.gmctruckclub.com/vb/showthread.php?t=9809