السلام عليكم ورحمة الله وبركاته
واسعد الله اوقاتكم يالربع
انا خذت شيروكي موديل 99 / 6 سلندر خليجي
صار له معاى حوالى 6 اشهر
ومن خذته ومن عله لعله
بس الحمد لله كلها ميكانيكا وان كانت مكلفة
بس من كم يوم وتحديدا من دخل علينا الشتاء والبرد الا وطلعت عله جديدة وهى انه الموتر احيانا ما يدق سلف
مره يدق من نقرة وحده واحيانا تك تك تك تك
انتظر عليه 5 او 10 دقايق ويشتغل واحيانا نص ساعة
واحيانا ما يشتغل الا لما اشحنه من سيارة ثانية
المهم وديته عند الكهربائي وخبرته بسيطة بشيروكي فقال انها من فحمة دينمو السلف
قلت له متاكد قال اكيييييييييييييييييد ارباب
سعرها ف الصناعية 800 درهم
اخاف اخذها ولا يطلع العيب منها واخسر سعرها وسعر التركيب
طبعا البطارية زينة ومشابك البطارية توصل الكهربا تمام بعد
ولو فى غيار للشيروكي مستعمل فى الصناعية بالشارجه وحد يقدر يدلني ما بيعدم مني الدعوة له ولوالديه ان شاء الله
واحسن الله لكم يالربع