روابط قد تهمك :
السيارات | تحويل التاريخ الهجري والميلادي | تاريخ اليوم الهجري | رواتب السعودية | الموسوعة | youtube قناة السيارات


النتائج 1 إلى 6 من 6

الموضوع: متطلبات تغير الكرونه 3.55 للفورد

  1. #1
    عضو الصورة الرمزية محمد سبورت
    تاريخ التسجيل
    30-03-2012
    المشاركات
    32
    معدل تقييم المستوى
    25

    متطلبات تغير الكرونه 3.55 للفورد



    السلام عليكم ورحمة الله وبركاته

    كيف حالكم ياشباب عساكم بخير

    انا ناوي اركب كرونه 3.55 بدال 2.73 للماركيز 2009

    هل تركب على الفورد حقتي ودفرنس حق 2.73

    وما الاغراض التي احتاجها غير الكرونه

    ولي انا اعرفه انو لازم اجيب زيت دفرنس + معالج احتكاك

    والي اعرفه كمان تحتاج برمجه عشان عداد السرعه يقرا صح
    البرمجه ذي ايش اسمها و من وين اسويها وسعرها كم

    الي اعرفه انه يفضل وضع ليمتد سليب لمعن التحفير هل في مشاكل اذ ماحطيتو

    انا رحت للوكاله وسالتهم وقالوا لي يبيلك اغراض كثير اذ بتغير الكرونه

    وانا الي اعرفها بس الي ذكرتها فوق هل في اشياء ثانيه احتاجها

    تكفون ياشباب قولولي جميع الاشياء الي احتاجها

    وش قصت عامود الالمنيوم هل لازم اغير عمود الحديد الي المنيوم وش فايدة عامود الالمنيوم

    وسلمتكم وشكر لكم



  2. #2
    عضو الصورة الرمزية محمد سبورت
    تاريخ التسجيل
    30-03-2012
    المشاركات
    32
    معدل تقييم المستوى
    25

    رد: متطلبات تغير الكرونه 3.55 للفورد

    20 مشاهده ومافي ردود

    وين اهل الخبره يفيدونا

  3. #3
    عضو نشط الصورة الرمزية LS 2008
    تاريخ التسجيل
    11-08-2010
    الدولة
    الرياض
    المشاركات
    195
    معدل تقييم المستوى
    28

    رد: متطلبات تغير الكرونه 3.55 للفورد

    عليكم السلام ورحمة الله وبركاته ..


    في البداية رأيي الشخصي العام على الموضوع.
    مانصحك تغير الكرونة وأعتقد أنك بتغيرها بغرض التزويد..
    أنت سيارتك جديدة راح يقصر عمر المحرك والقير لأن الكرونة هذه محشورة وشخصياً ما أعتبرها كرونة استعمال يومي .
    صرفية بنزين خيالية وجهد كبير على المحرك في الخط يعني آر بي إم عالي .
    وإذا استخدامك مقاومات ماراح يجمل معك القير ..خسائر على الفاضي.

    وبالنسبة عند تغيير كرونة السيارة تحتاج تعرف أفضل ورشة لتركيب الكرونات في منطقتك لأن وزن الكرونة صعب جداً وفيها فك دفرنس يعني لو فيه فرق شعرة في وزن التاج مع البنيون على الدفرنس راح يطلع عندك ونة تبدأ خفيفة وتبدأ تتفاقم مع مرور الوقت وهذي لحالها مشكلة وأزمة كبيرة وراح تكره سيارتك بسببها .

    * إذا بحثت عن ورشة ممتازة لتغيير الكرونة تحتاج كرونة وزيت ومعالج احتكاك تاخذها من الوكالة وتحتاج طقم إصلاح يتكون من صوف وبيرنقات خاصة لتركيب الكرونة جديدة سعرها 500 ريال تتستبدلها من اللي عندك عشان يكون شغلك نظيف وتقلل من احتمالية حصول مشكلة بالدفرنس بالإضافة إلى ثقتك التامة في الورشة اللي بتوزن الكرونة .

    هذا شكل طقم الإصلاح






    هذه كل متطلبات تغيير الكرونة نجي للأسعار كرونة 1200ريال زيت 3 جوالين ومعالج احتكاك 200ريال طقم بيرنقات 500ريال شغل يد الورشة 500 إلى 700 ريال .

    الإجمالي 2600 ريال . ولو بغيت تركب ليميتدسلب تضيف 1500ريال ليميتدسلب نوع ممتاز من يوكن قير



    الإجمالي 4000ريال


    المبلغ كبير جداً وفكرة أنك تفك الدفرنس وتخسر وماتضمن الشغل هذه مغامرة كبيرة ..


    * الحل الوحيد السائد والأفضل والأضمن وأنا أرشحه وبقوة وهو أنك تشتري دفرنس نظيف جاهز بالكرونة اللي تبيها وتلقاها في الورش الكبيرة والتشاليح وطبعاً كرونة بهالنسبة يعني راح تاخذ دفرنس بوليسي وهذا حل ممتاز وبدون فك دفرنس ووجع راس . وبعضها يجيك بلمتدسلب وكالة راح توفر على نفسك .
    وأسعار الدفرنس كامل 3000-3500ريال . ولو تعطيهم دفرنسك راح تقلل الفرق .
    وإذا أنت من الرياض دليتك على ورش كبيرة ومعروفة تختار أي دفرنس بنسبة الكرونة اللي تبيها وأفضل الورش في وزن الكرونة .


    نجي للبرمجة .. بعد تركيب الكرونة راح يكون عندك خربطة في قراءة العداد وبتكون القراءة غير صحيحة تحتاج جهاز برمجة SCT مخصص من فورد . سعره مع البرمجة 1800ريال .
    والبرمجة على هذه الكرونة مهمة جداً راح تحلل العزم وتطلع أداء السيارة كامل لأنها برمجة تزويد بمعنى أصح ومن سماتها الكثيرة أنك تقدر تعدل نسبة الكرونة في أي وقت بحيث تعطي للكمبيوتر قراءة صحيحة وهذا اللي بتستفيده من موضوعك.

    هذا الجهاز اسمه SCT X3 ابحث في قوقل عن المواضيع التي تحدثت عنه

    بالنسبة لموضوع العامود الألمنيوم أو الحديد .
    العامود الألمنيوم أخف حمل من الحديد فيخفف الجهد على القير ويعطي دوران أسرع يعني زيادة بسيطة في التورك وهو مهم إذا بتمشي على سرعات عالية فقط بكرونة محشورة مثل 3.55 لأن الحديد ما يتحمل سرعة عالية بقير محشور فبتحس برجة واضحة وفي أي وقت ينفلت معك ويهرب معك الزيت وبتقع في خسائر كبيرة أنت غنى عنها .

    تقدر تستمر على العامود الحديد بشرط للإحاطة ما تتعدى سرعة 200كم أوتطول عليها .

    والعامود الألمنيوم يجي شد بلد مع القير البوليسي ومقاسه أقصر من الحديد والبعض يركب قير كامل بوليسي لأن الجرم يختلف عن القير العادي فما يركب العامود الألمنيوم دايركت عندك .

    هناك حل لكن لست متأكد من فعاليته إذا اقتنعت بمشروعك تكلمنا عنه ..

  4. #4
    عضو الصورة الرمزية محمد سبورت
    تاريخ التسجيل
    30-03-2012
    المشاركات
    32
    معدل تقييم المستوى
    25

    رد: متطلبات تغير الكرونه 3.55 للفورد

    جزاك الله خير اخوي LS 2008
    نصيحتك الي في البدايه اقنعتني وكلامك صحيح
    والمبالغ اكثر بكثير مما توقعت حسبتها بتكلفني حول 2600 ريال
    يمكن بس اسوي برمجه cst
    وشكرا لك

  5. #5
    عضو نشط الصورة الرمزية LS 2008
    تاريخ التسجيل
    11-08-2010
    الدولة
    الرياض
    المشاركات
    195
    معدل تقييم المستوى
    28

    رد: متطلبات تغير الكرونه 3.55 للفورد

    على الرّحْبِ والسّعَة

  6. #6
    عضو جديد
    تاريخ التسجيل
    18-01-2015
    المشاركات
    1
    معدل تقييم المستوى
    0

    رد: متطلبات تغير الكرونه 3.55 للفورد

    أخي الكريم LS.. أنا قرأت الموضوع وردك على تغيير الكرونة
    معي موستنج 2011 حصل لي حادث وكسر جرم الدفرنس حق سيارتي لكن ما لقيت دفرنس فلحمته وركبت كرونة وانكسرت وركبت وحدة ثانية وانكسرت والثالة تون

    الحمد لله واخيرا وصل الجرم من الوكالة، وشريت الكرونة وكله مدفوع قيمته

    هل ممكن تتكرم تدلني على الورشة اللي توزن الكرونة لو تكرمت
    الله يعطيك العافية ويبيض وجهك

X