هل تنصحون بتركيب شاشة وعازل من الجميح ؟

أولا الله يعطيك خيرها ويكفيك شرها وحماك الله من عين الحسود :)


التظليل انصحك بـ GeoShild
عندهم تظليل نانو سيراميك... كتجربه شخصية فعاااال وسعره ممتاز ((مدري يمكن عشان خفضوا لي :) ))
خذ أغمق شي في النانو سيراميك في كل القزايز عندهم مرموز بـ Geo30

الامامي خله IR70

الضمان للعازل ((مدى الحياة))

هذا موقعهم
http://www.geoshieldksa.com/


اما الشاشة الله أعلم بها....


بالتوفيق يالغالي

ما شاء الله ع البركة الموتر والله يعطيك خيره ويكفيك شره و يكفيك شر عيون خلق الله ..

زين غيرو اواكس كول ,

نصيحة لا احد يظلل عازل من اواكس كول نصابين وما يعزل ولا شي ,

انا معاي اكسبدشن 2011 ومظلل درايف سفن و ماشيه تمام بس يبيلك تثقل التظليل اللي قدام شوي عشان تحس بالفرق و تشتري الشماسة بعد , واذا مسكك مرور قله مظلل من درايف سفن و يمين يسار يمشيك ان شاء الله .

والله يوفق الجميع

يعطيكم العافية ماقصرتوا

بعد مشورة طويلة وتفكير
توكلنا على الله

و تم تركيب شاشة نافيقيشن ( قدام ) + شاشة DVD ( ورى ) + عازل حراري على القزاز + وجهية السيارة

من Drive 7 على طريق خريص
لان ضمانهم ثلاث سنوات للشاشات
و5 سنوات للعازل


شاشة النافيقيشن العيب فيها الراديو سييييء مايجي صاافي !
ما ادري كل الشاشات فيها الراديو مو صافي او لا ؟

الوكالة اغلى من الباقي دائما و الباقي نفس المنتج

اذا لون فاتح

في كول 45 في كيه

او ثري ام كريستال لاين

غامق

لومار او ثري ام كولرستيبل او سي اس

خلاصة على السريع

اذا درايف 7 لا تركب من عندهم .. شغلهم مو قد كذا وتندمت اني ظللت عازل من عندهم

انا تعاملت مع زيبارت في سيارتين ولا قد اشتكيت من شغلهم المره هذي الثالثه

ماحصلت درجة شفافية التظليلة اللي احطها دايم عند زيبارت فقررت اجرب درايف 7

وياليتني ماجربت شي

اول شي الشغل مش حالك .. اجزاء من الديكور يغطونها واجزاء لا

لازم تلقى فقاعات بعد التظليل .. ويقولك عادي خذ السيارة وتعال لي بكره اشيك عليها

خذيت سيارتي ورجعت وشيك ولا سوا شي يعني لو ما اوقف على راسه ولا مايسوون شي

تخيل في فراغات هو بالقزاز الخلفي من اول ماستلتمها قال بكره نزبطها لك

جيت من بكره سلمت السيارة وجلست انتظر بعدين قال خلاص شيك شوف في شي

المهم وارجع اشوف المكان اللي بالقزاز الخلفي ولا زي ماهو ما سوو فيه شي

قلت له بالفم المليان الظاهر اني استعجلت يوم ركبت عندكم

فراغات هوا وقص مشي حالك وغير ان المادة اللي يستخدمونها عشان يلزقون التظليل يقول لي شامبو سلامات ؟!

قلت له ضد القشرة بس ولا عادي

غير كذا الديكور عندي اسود ولقيت بقع الشامبو حقهم على كامل الديكور والباب

مسحت فيهم البلاط وخليته ينظفها ..

تبي تشوف شغل تاخذ سيارتك ولاعد ترجع الا بعد سنة .. روح لزيبارت

انا بخلي التظليلة سنة وبعدين بروح زيبارت يفكها وبركب من عنده

والشاشة مليان بالغرابي شاشات تركب على السيارة بدون قص اسلاك او تجريح اسلاك

وارخص من الوكالة بكثير .. عندك وكيل افلون بشارع الغرابي عنده شاشات لليوكن والتاهو

الوصف

تخلي البريد على يمينك ووجهك جنوب تجيك اشاره تدخل من عندها يمين وتمشي على طول

هذا اللي بوجهك شارع الغرابي اجباري تروح يسار

روح يسار وعدي محلات الكفرات بيجيك شارع كبير تقريبا 15

عديه وامش شوي بتشوف المحل يسارك على طول لوحته تولع ازرق واحمر

ومكتوب افلون avlon

تحياتي لك