استفسار عن محل ياجر سييرا

بالنسبة للجميح

يروح معك موظف وتجرب السيارة وهو معك واتوقع الوقت مو طويل يعني تاخذ فره

بس انت تقدر تطلبهم يعطونك وقت كافي خاصه ان سيارات القيادة التجريبيه مخصصه لهالشي

ياخي انتم وش قدر اقول بس فعلا منتدى راااااائع واعضاء اروع لكم مني جزيل الشكر على تفاعلكم
اما من ناحية الموضوع فاقرب حل اللي قالوه الاخوان اروح للجميح واقولهم ابي اجرب بس مدري هل يعطونك الموتر يوم ولا عدد ساعات ولا يركب معك موظف وتفر من قريب وترجع لان والوالد اذا ماراح للمزرعه ماهب معتب نفسه جرب

قدم طلب قياده تجريبية وخلال شهر يخلونك تجربها
انا قدمت تجربة كومارو ويمكن في اقل من شهر دقو واعطوني موعد

بالتوفيق وما اتوقع تحصله بمحلات التاجير رح الوكاله وجربها .... والله لو اني منك اوقف اي واحد بالشارع واقوله بجربها

Mr 1989

بدون ما تستاجر وتخسر نفسك

روح للجميح اللي بطريق خريص واطلب قيادة تجريبيه وببلاش

انا اذكر اذا ماني غلطان , شفت واحد في محلات الاجار الي عند دوار
بوابة القاعدة الجوية الي في طريق الملك عبد العزيز المحلات الي تدخلها
قبل نادي الضباط النسائي يمين وبعدين يمين هناك والله اعلم
واذا مالقيت شف يمكن تحصل في مجمع محلات الاجار الي
على طريق خريص بعد وكالة الوعلان هيونداي و ميتسوبيشي
والله يعينك صراحة عيب كبير في الوكالة عاجزه على موترين
لتجربة القيادة !!!

جزاك الله خير وبدور فالي قلت وكودني احصل وان كنت تعرف اسم محل ياليت تعطينياه لاني دورت عند المحل اللي على الدايري الشرقي بعد 14 وانت متجه شمال ومالقيت عنده

الرياض بين مخرج ١١ و ١٢

او بين مخرج ١٠ و ١١

تحصل هناك

الله يعطيكم العافيه بس ذيب رحتله وقال ماعندي وبعد رحت للمفتاح كلهم قالوا مافيه

مثل ماقال اخوي night احتمال كبير تلقاها عند ذيب

او شركات كبيره مثلها