كامري ستاندر 2012 او (سوناتا او ازيرا) الكل 2012 بانوراما اقل فئة

شوف من رأيي ونصيحه لوجه الله, سيارة كورية اذا بتاخذ خذها فل كامل بجميع المواصفات أو لا تاخذ, السبب لأن السيارات الكورية عندنا اذا ما جت فل تكون ناقصة مواصفات امان كثير, احياناً تجيك بأيرباق واحد فقط واحياناً بدون ولا ايرباق, وتجي بدون مانع انزلاق وبدون اي نظام اخر من انظمة المكابح

خالي عنده سوناتا 2011 نص فل ومافيها مانع انزلاق ومافيها الا ايرباق واحد فقط الضاهر, حدة شخص فوخر عنه بقوة وزلقت معاه السيارة وضرب سيارتين جمبة وضرب الرصيف وتضررت السيارة كثير وصلحها بمبلغ وقدرة, وتضررت السيارة من جميع الجهات, من الأجناب ومن الامام والخلف وكان مبلغ التصليح كبير جداً ..

السيارة بدون مانع انزلاق توقع انها بتزلق وبتفقد السيطرة عليها لأتفه سبب, فالكوري بعد عنه الا اذا كنت بتاخذه فل بكامل المواصفات وتجي فيها مواصفات امان لا بأس فيها, والكوري اذا جاء فل مواصفات الامان اللي فيه ما تجي زي مواصفات الامان بالامريكي او الياباني اذا فل, أبحث عن سلامتك من رأيي وسلامة عائلتك ومن معك قبل ما تدور عن الرفاهية


على العموم أرشح لك الفورد تورس, سيارة ممتعة بالقيادة وايضاً مريحة كذلك, فخمة وراسية جداً

انصحك فيها وجرب تاخذ فيها تيست درايف, سيارة بمعنى الكلمة ممتازة


وعذراً على الاطالة وبالتوفيق