مشكلة (كتمة وعدم تجاوب ) ميركوري مارودر 2003 (ماركيز )

وعليكم السلام ورحمة الله وبركاته

ممكن تذكر رقم البواجي الي ركبته لانها تختلف عن بواجي الماركيز , نفس الحكاية مع الكويلات

ايضاً ياليت تأكد انه جميع التبديلات سليمة من 1 - 4

أخوكـ

يآآ غآآلي اكتب لي مقاس الكفرات كم

و هل انتا صاحب المارودر البحري فينبع ,,؟

اخوي الغالي : طالما انك مفرغ الدبات فهي بحكم الدبه العادية فلهذا انصحك بالغاء عمل صمام ال EGR
كل الذي تفعله هو اخراج الصمام ثم تغلق منافذه بقطعة معدنية خفيفة مثل علبة المشروبات الغازية ثم ترجع تشد الصمام في مكانه وتغلق اللي الاسود الرفيع ببرغي 8 بعد فصله من الصمام ورحم الله والديك ,
واذا لم تلاحظ اي تحسن ارجع افتح الصمام واربطه كما كان في السابق ولا تكلفك هذه العملية ريال واحد ,
وبالتوفيق ان شاء الله .

سبحان الله وبحمده سبحان الله العظيــــــــــــــــم

عزيزي(يعطيك العافية على تجاوبك ) حساس الماف ادا فصلته على طول يطفي الموتر (يعمل)
بلف الـ egr ربما
والحساس الاخير توي ادري عنه لكن فحص الكمبيوتر يقولي مافي شيئ 3 مرات فحصتها وخسارتي 260 كله فحص وللمعلومية لابد احدد المشكلة لأن كل هالقطع تحتاج طلبية من الخارج لو قدر الله وتعطلت وتكاليفها عالية يعطيك العافية وماقصرت بانتظار رأي الخبراء...

السلام عليكم ورحمة الله وبركاته
اخوي الغالي : حساس ال MAF يؤدي الى تكتيم بالمحرك وكذلك انسداد صمام ال EGR وفي بعض الاحيان قد يكون السبب من حساس { ECT} وهوحساس التشغيل الصباحي < Engine Collant Temperature > .

حياك يالغالي أنا من ينبع
واتردد على المدينة او جدة ان احتاج الأمر بس رحت ورش متخصصة بالموردر نفسه وكلهم يقولون لي كلش سليم (الاحتمال الاخير اما الحساسين اللي دكرتها او كمبيوتر السياره )
شاكر لك اهتمامك أخي الحبيـــب

طيب اخوي من وين انت اذا قريب مني بادزك على ورشة خاصة فقط للفورد

أبد يالغالي (ماشاء الله تبارك الله ) ولا لمبة حتى تشيك انجن احيانا تطفي يوم وعقب تشتغل
انا شاك بـ (حساس الهواء الـ MAF) وبلف الـ egr
لكن المشكلة الآن الار بي ام بدا يفتح شوي لكن السيارة ماتندفع يعني صوت المكينة بوووف لكن الموتر مايفز أتمنى اني وفقت بالوصف
شكرا لك وبانتظار افادة باقي الشباب

و عليكم السلام و رحمة الله و بركاته
بصراحة احترت معك ؛ لأنك ما خليت شيء.
طيب علامة المكينة الصفراء مولعة؟

الله يسلمك يالغالي..
ماتصدق هالمشكلة كثر ايش (جننتني) كل شيئ له علاقة في موضوع الكتمة غيرته
على مبدأ (إن لقحها او ماضرها الفحل) ان صابت ولا كان تغيير كنوع من التجديد وفوق كل هالمصاريف لانتيجة
المحرك (ماشاء الله تبارك الله ) يندي ماء من الشكمان وصافي بلا تقطيع يدكر (الكفرات) متأكد من نظام الفرامل كامل فيها وكله سليم
وبالنسبة يالغالي سمعت عن حساس الدعسة (وحساس الـ egr) مااخفيك اخي العزيز رفعت الكبوت وماعرفت ايش المقصود وعلى علمي انه من جيل 2003 صار الكتروني ومدمج في نفس الثروتل
وفحص الكمبيوتر يعطي نتايج ممتازة جداً لدرجة لو يعمل ريسيت ممكن اسبوع او اكثر ماتولع لمبة شيك انجن
المعدرة على الإطالة لكن من هم الاشكالية واتمنى من بقية الأعضاء التفاعل