زيت على البواجي وفي فلتر الهواء ودخان عن التشغيل ياليت تفيدونا

السلام عليكم

اخواني اكرام انا صادفتني مشكله غريبه

عندنا سيارة اخوي كراون فكتوريا 2006 ماشية 100 الف كيلو

السيارة بع ما أشتراها بمدة جاء يشغلها الا فجأة تنفظ وتتفتف

شيكت عليها طلع عنديسلندر طافي قمت وفكيت الكويلات وطلعت سليمة وبعدها فكيت البواجي اطالع الا وواحد من البواجي عليه زيت بنسبة بسيطه انا خفت قلت شكله شنبر

المهم نظفة البوجي ببنزين واشتغلت صافية وتمام
بعد مدة 3 اسابيع رجعت نفس المشكلة ونظفت البوجي نفسه ورجعت تمام

المشكلة السيارة ما تدخن على طول
يعني بس لما يشغلها مع بداية التشغيل يطلع دخان ازرق خفيف
ولما اتركها شغاله 10 دقائق واعطيها ريس ( بنزين ) صاااافيه ويطلع مويه من الشكمان ؟؟؟ ولا يطلع دخان

عاد فكيت صندوق الفلتر والقى على الفلتر شويت زيت يعني 5 قطرات كذا استغربت كيف جاء الزيت هنا؟؟

طبعاً رحت الورشات وشباب فاهمين وكل واحد قالي شغله

الاحتمال الاول: قال مدام وصل زيت على واحد من البواجي يعني شنبر

الاحتمال الثاني : عندك المشكلة من جلد البلوف لانه مستحيل السيارة فيها شنبر وهي تطلع من الشكمان مويه يعني صافيه وكذالك الدخان مو متواصل

الاحتمال الثالث : عندك مشكله في بلف التبخير وقالي هذا اذا خرب ينزل زيت على الفلتر واحتمال اذا خرب يوصل زيت على البواجي وهذا السبب عندك غير لي التبخير وبلف التبخير وسيارتكم ما فيها الا العافيه لانها صعبه ماشيه 100 الف وتتعب جلد البلوف او تشنبر

طبعاً هذا كلام الورش والناس :a1120(82):

انا عاد لما قالي على هذا بلف التبخير اللي موصل بين غطاء راس المكينة والثروتل قمت وفكيته ودخلت صبعي في لي التبخير والقى زيت داخله وكذالك لقيت على البلف نفسه زيت:a1120(121):

مري اي واحد من الاحتمالات هو الصحيح:c0214:

ياليت اهل الخبره يفيدونا ولكم اطيب تحيه.