انا معايا برادو2007 فل كامل 4 سلندر اتوماتيك مطلعه وكالة بحالة الزيرو ماشى لحد دلوقتى 130 الف كم وما اشتكيت منه فى اى شىء لانى محافظ عليه جدا وصياناته كلها فى الوكالة وساعات بغير حاجات قبل معادها زى الفلاتر ومكنتش بفكر اغير دلوقتى لحد ما جار ليا اشترى كيا سورينتو فل كامل 6 سلندر 2012 وشوفتها وطبعا مواصفات غنية عن التعريف(6 سلندر 277 حصان-بانوراما-مثبت-زينون-جلد-كراسى كهربا-ثبات الكترونى-dac-hac-ليد خلفى-اضاءة داخليه حمرا-كاميرا-6 سى دى-بلوتوث) بس كان ناقص فيها المرتبة التالتة والشاشة والتبريد اللى عرفت من الوكالة انها مبقتش تنزل دلوقتى
السؤال ابيع عربيتى (جايبالى 75 الف من صاحب معرض فى جدة) واجيب السورينتو عاملة 102 بعد الخصم ولا اكمل بعربيتى لحد 2015 لان حدى دلوقتى 100 الف بس
وهل مستوى تعليق وسواقة السورينتو خاصة فى شوارع جدة زى البرادو ولا لا؟ مع وضع الاوبشنز عل جنب وهل هتفرق قوة المكينة ولا لا؟
بجد محتار جدا وارجو مشورتكم مع انقسام كل معارفى ما بين مؤيد ومعارض
طبعا انا مصرى وكده كده هبيع العربية لو جديدة بعد 4-5 سنين بالكتير او لما انزل نهائى
شكرا مقدما
