أفضل شركة إطارات

السلام عليكم ورحمة الله وبركاته

اخواني حبيت اليوم استطلع آرائكم حول افضل نوع من انواع الإطارات(الكفرات)

وايها افضل بالنسبة لكل مقاس
مثلا الشركة الافضل للمقاس الرياضي
او الشركة الافضل للمقاسات الكبيرة
او حسب الاستخدام ايها افضل للراحة , الرساوة , الاصوات

وياليت كل واحد يحط خبرته وتجاربه مع انواع الكفر اللي جربها

وراح ابدأ معكم بسيارتي :
الحمدلله طلعت اوريون 2010 على ايامها قبل سنتين وطبعا كانت كفرات الوكالة يوكوهاما
في بدايتها كانت جيدة لكن بعد تقريبا سنة و3أشهر الى سنة ونصف الكفرات
صارت قاسية وبدأت اطرافها تتقطع بمعنى ان اطراف الكفر صار فيها زي الحفر
كأنه فأر يقرض فيها
والحمد لله غيرتها بكفرات قوديير اسمها اكسلنس واللي توجد بنوعين
احدها الماني والثاني سلوفيني
وبما اني طالب وفلوس الكفرات بيني وبين شيبتي فيفتي فيفتي :bigggrin: اخذت السلوفيني
والحين تقريبا لها معي حول الثمانية أشهر ما شاء الله نعومة وليونة اكثر كثير من
اليوكوهاما
واكثر ما أعجبني في القوديير ان ضمانها 5 سنوات او 80000 كلم
عند وكيلها الراشد

قبل ما اغير الكفرات سألت عن التويو واليوكوهاما وكم نوع ثاني وكانت كل اسعارها في حدود
ال550 الى 700 حتى القوديير الالماني كانت تقريبا ب620
والسلوفيني طلعت ب480

ومقاسها اللي هو 215 /55/17

والحين نبغى نسمع منكم لأن اصابعي تفكفكت وانا اكتبلكم
:a1120(82): من زمان عن كتابة المواضيع

ايه شسمه ..كيف اسوي استطلاع بالتصويت فوق :smilie16: