الأحد 19 أبريل 2026
عاجل

محتار بين BMW & MERCEDES

نادي السيارات الألمانية والأوروبية
24 رد 9,214 مشاهدة 13 مشارك الأقدم أولاً
W
W-9 @user_278493 · 12-01-2012
السلام عليكم ورحمة اللة وبركاتة
اخواني الاعضاء احتاج مساعدتكم تكفووون
الوالد ناوي يشتري سيارة انشالله ومحتار بين المرسيدس والبي ام دبليو
للاسف ما عندنا خبرة كافية بحكم ان الوالد كان توجهه دائما لسيارات الدفع الرباعي
وانا في الاخير بنت وما افهم الا بالشكل الخارجي :confused1:

زرنا معرض الناغي ووجدنا تعامل رائع وحسب احتياجات الوالد تبدو (الفئة الخامسة) مناسبة
بعدها زرنا معرض الجفالي واخذنا فكرة عن السيارات السيدان وكانت الانواع كثيرة ومحيرة

الوالد يبي سيارة فخمة و مريحة في السواقة ويكون المحرك 6 سلندر
مهم تكون السياره قوية التحمل و مرنه


اذا فيه شي ما قلته تقدرون تسأالوني

ن
نــــاصر 333 @user_261981 · 20-01-2012
والله الخيارات حلوة جدا.... وكل سيارة افضل من الأخرى ..

بس الي استغربته ترديد أكثر الي هنا بالمنتدى ( ان صيانة الناغي 5 سنوات )

وما كلموا باقي الجملة .. وهي 5 سنوات أو 100.000 كيلو متر أيهما أولاً ...

ردي هذا بس للتنبيه فقط وياليت محد يذكر هالجملة إلا بإكمالها ..

لأنه يعتبر غش لو ما كلمت باقي الكلمة .... ولعب على الأعضاء الي

يغرهم كلمه خمس سنوات
a
a7mad1995 @user_277097 · 19-01-2012
الـ ml350 و الـ X5 بكم ؟
م
ماهرالحربي @user_148044 · 19-01-2012
W
W-9
السلام عليكم..
في الاول احب اوصلكم سلام الوالد اللي يشكركم كثير على اهتمامكم بمساعدته على البحث عن سيارته الوالد صار عنده ثقة كبيرة في رأيكم وصار يرجع لنصايحكم في كل سيارة يفكر في شرائها

#من ناحية *الاستخدام الوالد يقولك "انا لا اميل الا التعدد لا في الزوجات ولا في السيارات- مسكت الاعمي لتيسه" << نقلا عن الوالد

# من ناحية نوع السياره الوالد كان شبه مستقر على BMW X5 لانه يميل كثير للجيب ولكن المشكله ان الموديل بيتغير على 2013 بعدها تحول اهتمامه الى BMW الفئه الخامسة خاصة بعد افاداتكم والمعلومات الرائعة اللي اعطيتونا مشكورين بس برضوا للأسف السياره حسب ما سمعنا بيتغير شكلها والوالد يبي سيارة لمدة طويلة قد تفوق ال٧ سنوات وعشان كذا يهمة كثير هذا الجانب. والان عاد اهتمام الوالد للجيب.

# من نايحة اهتماماته في السياره (الراحة هي الاهم - إعتمادية - قوة التحمل - التصميم - أنظمة سلامة - فخامة و مرونة في القياده بالاضافة الى انه يحتاج سيارة تخدمه داخل المدينة وفي في السافر وحتى اذا احتاجها في طلعاته النادره للبر.

# من ناحية بلد التصنيع ليس لديه خيار معين الاهم عند الوالد في الحقيقه هي السياره بعينها والوكيل

نحن لا نزال في مرحلة البحث الخيارات متتعددة و محيرة ونشكر لكم جهودكم


وعليكم السلام ....

أفضل خيارين للوالد :

من الجيوب : مثل ماذكر الإخوان مرسيدس ML 350 اللي هو 6 سلندر
أو ينتظر سنة وشوي إلى نزول X5 الجديد :bigggrin:

من السيدان : الفئة الخامسة إما 530 أو 535 بشرط أن يطلبها بالمقاعد المريحة
( Comfort seat ) ، تكلفت المقاعد تقريبا 18 ألف ريال لكن تستاهل ....
ا
ابـو الـخـل @user_164703 · 18-01-2012
بصراحه ما فيه سياره عمليه واعتماديه زي المرسيدس (بالالماني)

وحتى من ناحيه توفر قطع الغيار ومحلات الصيانه

والشارع خير برهان :ch19:
D
DLO @user_273666 · 18-01-2012
مرسيدس الـ ML الجديده ... لاتفوته ... سياره رهييييييييييييييبه بمعنى الكلمه ,,,,,
M
Mr.Mizo @user_278904 · 18-01-2012
صراحة المرسيدس ياخدها الوالد وهو مرتاح
سيارة عملية وجميلة ما عليها كلام
p
porsche fan @user_259532 · 18-01-2012
خليه يشوف الأودي Q7 ، جيب جداً فخم ومريح وفيه مواصفات عالية تقنية عالية ايضاً
اما بالنسبة لمواصفات الآمان فـ مافيها كلام السيارات الألمانية معروفة بمدى الآمان العالي فيها

وراح يجي مع الأودي Q7 عروض صيانة ايضاً يعني راح يروحونه وما يبقاله الا سعر البنزين









والسيارة جداً انيقه بالشكل الخارجي وفخمة جداً من الداخل
واشوف الصور ضالمتها بصراحة , خليه يروح الوكالة ويركبها فقط وانا متأكد انه راح يقتنع فيها
s
snksnok @user_226567 · 18-01-2012
أولا بالنسبة للE قاسية بسبب الجنط الAMG وسهل التحكم في قساوة السيارة
أما الML سعره 250-300
k
kaz @user_126523 · 18-01-2012
من تجربه شخصيه

شريت E300 فل كامل مع كت اي ام جي ولون خمري وداخلي اوف وايت وبانوراما ودلع

ماكملت معاي اسبوعين والله بايعها ماشيه 950 كيلو واللي شراها مني للحين يدعي لي !

السياره قاسيه جدا وما انصح فيها مقارنة بالبي ام الفئه الخامسه

طبعا انا اشوف الفئه الخامسه 530 ممتازه جدا وفئخه وماراح تتغير قريب يعني بتقعد معاه ع الاقل 5 سنين ! لو حسبنا الفيست لفت << تغيير بسيط بالانوار للفت النظر

الاكس 5 قريبا بيتغير

الاكس 6 قاسيه وغاليه ورياضيه ماتنفع له .. ولو ان الوالد بعض الاحيان ياخذ حقتي :> يقول احس اني شباب وشعور جميل

الان نتكلم عن ML جميل جدا شكله ولكن السؤال السعر كم لان ماعندي علم فيه !

للحين افضل الفئه الخامسه .. لاني لا املك معلومات عن ال ML ..

بالمناسبه انا مسوي تست درايف للفئه 5 .. كانت رائعه وسواقتها ممتعه جدا

خليه يسوي تست درايف .. بيفرق بالقرار واجد
t
trok @user_269705 · 18-01-2012
^والله الداخلية أقلاع مااتجي الا على ML63 احييه بس

ياأخي مصادركم غلط بغلط مين يقول الفئة 5 بتتغير

أول موديل لهاذا الشكل 2011 ههه السنة اللي قبل سبوعين:smile:

يعني من هنا لين ممكن 2017 ماتتغير

كل مطالب الوالد فيها بالتحديد الراحة والمرونة وسهولة أستخدامها فالمدينة

وهو كان يبغا جيب X5 ترا الــML أفضل منه بكثير ومن أجمل الجيوب

والــML أول سنة لهاشكال 2012 يعني للحين مانزل السوق أنتوا بتكونوا أول الناس


أي أستفسار,,,:xyxwave:
s
snksnok @user_226567 · 18-01-2012
طيب في جيب ML من مرسيدس لسا بينزل بعد كم يوم دا الشهر شوفوه وازا عجبكم في كل المواصفات الي قلتيها




W
W-9 @user_278493 صاحب الموضوع · 17-01-2012
السلام عليكم..
في الاول احب اوصلكم سلام الوالد اللي يشكركم كثير على اهتمامكم بمساعدته على البحث عن سيارته الوالد صار عنده ثقة كبيرة في رأيكم وصار يرجع لنصايحكم في كل سيارة يفكر في شرائها

#من ناحية *الاستخدام الوالد يقولك "انا لا اميل الا التعدد لا في الزوجات ولا في السيارات- مسكت الاعمي لتيسه" << نقلا عن الوالد

# من ناحية نوع السياره الوالد كان شبه مستقر على BMW X5 لانه يميل كثير للجيب ولكن المشكله ان الموديل بيتغير على 2013 بعدها تحول اهتمامه الى BMW الفئه الخامسة خاصة بعد افاداتكم والمعلومات الرائعة اللي اعطيتونا مشكورين بس برضوا للأسف السياره حسب ما سمعنا بيتغير شكلها والوالد يبي سيارة لمدة طويلة قد تفوق ال٧ سنوات وعشان كذا يهمة كثير هذا الجانب. والان عاد اهتمام الوالد للجيب.

# من نايحة اهتماماته في السياره (الراحة هي الاهم - إعتمادية - قوة التحمل - التصميم - أنظمة سلامة - فخامة و مرونة في القياده بالاضافة الى انه يحتاج سيارة تخدمه داخل المدينة وفي في السافر وحتى اذا احتاجها في طلعاته النادره للبر.

# من ناحية بلد التصنيع ليس لديه خيار معين الاهم عند الوالد في الحقيقه هي السياره بعينها والوكيل

نحن لا نزال في مرحلة البحث الخيارات متتعددة و محيرة ونشكر لكم جهودكم
a
a7mad1995 @user_277097 · 16-01-2012
AUDI A6
اشوف انها الأفضل الا اذا كان يقدر على مرسيدس S CLASS
م
ماهرالحربي @user_148044 · 14-01-2012
وعليكم السلام ورحمة الله وبركاته ....

أختي ياليت تتأكدين من الوالد من التالي :

# كم سنة بيستخدم السيارة ؟

# أيش الفئة اللي يبيها ( جيب - سيدان ) ؟

# أيش إهتماماته في السيارة ( راحة - تقنية - تصميم - أنظمة سلامة - إعتمادية - فخامة - قوة - متعة قيادة ... إلخ ) ؟

# هل يريد سيارة ألمانية أو أوروبية أو أي بلد تصنيع ؟

أجيبي على الأسئلة وبإذن الله نحدد له السيارة الأمثل .....
S
SUPERCHARGED @user_215095 · 13-01-2012
E كلاس يتميز بكلاسيكيته ويصلح لكبار السن كاتصميم

لكن مشكلته قاسي نوعا ما تعليقه ومراتبه " تعليقه قاسي " يعني اهتزاز السياره يكون واضح نوعا ما


افضل له الفئه الخامسه حجم 528 شكل + امان + راحه + صيانه مجانيه + اعتماديه وقلة اعطال + مواصفات رائعه + محرك ممتاز مقابل السعر

ماانصحكم تتوجهون لغير البنز والبي ام

اودي + بورشه + فولكس = وكيلهم سماكو سيء لدرجة يكرهك بالسياره " اتكلم عن تجربه قسم اودي وبورشه "

احصري خياراتكم بين البي ام والمرسيدس

بالنسبه لي افضل البي ام
p
porsche fan @user_259532 · 13-01-2012
افهم من كلامك ان خياراته ليست محصورة فقط على المرسيدس E او البي ام فايف سريز ؟

اذا ما عنده مشكلة يشوف سيارات ثانية , شخصياً انصحه بالأودي A6 ..
الارخص بفئتها مقارنة بمنافسينها الالمان ، تتميز الأودي A6 عن منافسينها ( البي ام دبليو - المرسيدس ) بعدة اشياء ، أولاً انها الأوسع بفئتها من الخلف ، فالسيارة تصلح سيدان فخم ووسيع وتصلح للعائلة طبعاً بما انها الأوسع بالخلف بهالفئة
ثانياً الأودي A6 صاحبة اريح مقاعد بهالفئة ، لأن الجلد اللي استخدمته الأودي ناعم جداً مقارنة بالسيارات الثانية بهالفئة ، فالسيارة مريحة جداً

والأودي A6 مليئة بالمواصفات والتقنية العالية جداً جداً مقابل سعر معقول , وعشان تحصلين على نفس المواصفات اللي بالأودي A6 بسيارة ثانية مثل البي ام راح تدفعين مبلغ كبير مقارنة بالأودي


وهذي هي الاودي A6








^
فخمة جداً

انصحي الوالد يروح يركبها بالوكالة ويقرر ..
t
trok @user_269705 · 13-01-2012
250 ألف

bmw 528I

MERCEDES E350 ستاندر

واذا يبغى جيوب في متوفر ألماني بهاذا السعر


الرؤية الليلية فالطرق المظلمة ولا اللي مايوضح الطريق فيها

ممكن تشغلية يصير سنسر للأجسام على بعد محدد قدام السيارة ويجي فالشاشة ولا العداد

يجي الأجسام الحية بلون أبيض والسيارات ماادري لاكن توضح زي حق الحدود:bigggrin:

شوفي الفديو
http://www.youtube.com/watch?v=Q3KHwoROzzU

طبعا في موضوع تجربة كاملة للــ BMW 528I شوفي الرسائل
W
W-9 @user_278493 صاحب الموضوع · 13-01-2012
اي والله الوالد له في الجيوب بس مؤخرا صار يتعب كثير اثناء السواقه عشان كذا بدا يفكر في السيدان

بالنسبة للميزانية فالوالد ماحدد بالضبط بس بحدود ال 250,000 وممكن يزيد حسب السيارة
m
motasem cls @user_268331 · 12-01-2012
x5 هي سيارة دفع الرباعي لدى بي ام
طبعا تيجي 6 سلندر و8 سلندر سيارة قوية وفخمة لكن ما انصح فيها بسبب ان الشكل راح يتغير السنة الجاية
لكن اذا الوالد له فى جيوب اكثر انا انصحه فى البورش كايين 6 سلندر
بس لو تقولي كم الميزانية عشان نعطيكي الخيارات المناسبة
وبالتوفيق ,,,,
سجّل دخول للرد...