السلام عليكم ورحمة الله وبركاته
أنا أريد استشارتكم والأخذ برأيكم بخصوص موضوع التسوية مع شركة اليسر.
طبعا أنا أخذت من عندهم يوكن 2008 تأجير منتهي بالتمليك والشركة مأمنة على السيارة عند التعاونية للتأمين , وطبعا أسدد بانتظام من 2008 ولله الحمد. وما بقى الا 6 أقساط بالإضافة إلى الدفعة الأخيرة. وقدر الله عز وجل علي بحادث - الحمد لله - وكانت نسبة الخطأ علي 100% . لما رحت للشركة دفعوني 1500 ريال عشان الخطأ علي 100% وقالوا خلاص نتكفل بتصليحها كاملة عن طريق ورشتنا والتعاونية هي الي تدفع التكاليف طبعا.
قيمت الورشة تصليح السيارة بمبلغ 43 ألف. وجاء الرد من التعاونية بأن المبلغ فوق نصف قيمة السيارة بعد استهلاكها المدة المذكورة (44 شهر: يعني ثلاث سنين ونص). فبالتالي يكون تعويض التعاونية لي بحسبتهم الخاصة فيهم 46 ألف. طبعا هم يحسبونها كيف ؟
كل شهر استخدام يخصمون 1.5 % من قيمة السيارة كاش. يعني الي يبقى لي هو الـ 46 ألف الي قرروها. وبما أن شركة اليسر باقي لها عندي 6 اقساط ودفعة, ياخذون الي لهم وهو 42 ألف ويبقى لي 4 آلاف ريال, يقولون لي اليسر تاخذها وخلاص نسوي معك تسوية وتنتهي لانطلبك ولاتطلبنا.
يوم فكرت بالموضوع, قلت الحين التعاونية تعطيني 46 ألف ريال تعويض , وغير كذا تاخذ السيارة وتروح تبيعها لصالحها. اشوف اني خسران بهالحالة.
السؤال هو: وش رايكم أقول لهم أبي سيارتي, وخلوا عندكم الـ 46 الف ؟
طبعا في هالحالة, اروح ابيع السيارة أنا على حالتها, واكمل اقساط شركة اليسر الستة شهور بالاضافة الى الدفعة الأخيرة والي يكون مجموعها 42 ألف.
فما هو رأيكم ؟
