بسم الله الرحمن الرحيم
السلام عليكم ورحمة الله وبركاته
صباح/مساء الخير للجميع
يا جماعة الخير أنا معي BMW 525 موديل 2005 وشاريها وكالة.
خلال فترة الضمان (خمس سنوات أو 100 ألف كيلو) كانت زي الوردة ما شاء الله تبارك الله.
بس من بعد الضمان بدأ مسلسل الخساير و النكد.
انتهى الضمان في نصف 2010 تقريبا (شهر مايو) وفي أبريل 2011 طلعت لي مشكلتين:
1) انقطع علي الجنزير (الحديدي) وتسبب هالشي في قطع (هوزين) من اهواز الماكينة
2) المكيف صار ما يبرد والسيارة واقفة عند الإشارة أو في الزحمة.
كلفني إصلاح هالمشكلتين أكثر من 14 ألف :a1120(82): (تغيير جنزير وأهواز وكمبريسور مكيف)
بعدها ب 7 شهور (نوفمبر 2011) طلعت لي مشكلتين جديدة:
1) السلف صار ما يشتغل معي من أول مرة وكان سبب المشكلة ال STARTER
2) القير صار ما يعشق (ما يغير من أول نمرة) وصرت ما أقدر أمشي أكثر من 70
كلفني إصلاحها 7 الاف ريال تقريبا :blue:
بعدها ب 10 أيام طلعت لي مشكلة جديدة:
1) فظت علي البطارية.
كلفني إصلاحها 4 الاف و 700 ريال (تغيير بطارية ودينمو) :blue:
[SIZE=5]يا جماعة الخير وأخص بالذكر أصحاب التجربة والخبرة.
[COLOR=Red]هل طبيعي اللي جالس يصير لي[/COLOR][/SIZE] ؟
علما بأني كنت أكرفها طول ما كانت معي. يعني اذا فتحت الإشارة دائما أدوس بنزين قوة وأتعب المحرك.
بس الخرابات مالها دخل بميكانيكية السيارة إلا خراب الجنزير ومشكلة القير (وهذي أنا متقبلها لأني السبب لأن كنت أكرف السيارة) اما باقي الخرابات ما قدرت استوعبها ابدا.
وأزيدكم من الشعر البيت أمس الليل (الإنين 26 ديسمبر 2011) طلعت مشكلة جديدة :blue:
وهي ان لما اكون ماشي ومثبت السرعة يبدا ضغط الماكينة يتأرجح تأرجح بسييط وكأني جالس أدوس بنزين وأرفع رجلي (أعزكم الله) بشكل متكرر.
[SIZE=6][COLOR=Red]هل هي مشكلة معروفة؟
هل لها علاقة بتحمية السيارة؟
على طاري التحمية .. كم الوقت اللازم لتحمية سيارة مثل BMW 525 موديل 2005؟
لو بعتها يا جماعة كم تتوقعون تجيب ؟ .. إللي أعرفه ان مثل سيارتي غير مرغوبة في السوق لأن قطعها نار وتطلب كثييييييييييير :mad1:
[COLOR=Green]على فكرة كلفتني هالخرابات من بعد الضمان
25 ألف و 700 ريال (25700).
[SIZE=6][COLOR=Red]سؤال أخير .. لو حسنت استخدامي وترفقت بالسيارة تتوقعون تمشيني 3 شهور إضافية حتى يمديني أبيعها وأقرر وش أشتري من سيارة ؟
[COLOR=Black]
[SIZE=4]ألف شكر لكم على سعة صدركم وتحملكم لموضوعي الطويييييييل والممل ولكني صراحة متنكد من هالسيارة لأني دايم على أعصابي لا يطلع لي عطل جديد.
دمتم بأتم صحة وعافية وأرجوكم لا تبخلوا علي بارائكم القيمة. :xyxwave:
[/COLOR][/SIZE][/COLOR][/COLOR][/SIZE][/COLOR][/SIZE]
