اخي الغالي انا من عشاق الالوان الفاتحة على السيارة وخصوصاً الابيض والؤلؤي
لأنه يبرز شكل السيارة وحلوتها
بس الدورانجو الجديد لا حظت انه يناسبه اكثر شيء الالوان الغامقه
والالوان الي انت حاطها لا تعجبني شخصياً
الذهبي مره سيء اتمنى تبعد عنه نهائياً
الاسود حلو مع الكروم بس يبغاله تمسيح علطول
وراح تشوف اثر التمسيح مع الوقت باين على البدي
لأن الاسود يوضح عليه التمسيح بشكل مشوخ دوائر
لذلك يتبقى
الفيراني الجديد حلو عليها وعندك الابيض
مع منياتي لك بالتوفيق
بس ابسألك طالما انك رحت الوكالة آمل منك تزويدي بأسعار الفئات الي وجدت
اكون لك شاكر ومقدر لأني ودي بواحد بس ما فضيت اشوف الاسعار
وسمعت ان عندهم عروض حلوه وتخفيضات هل هذا الكلام صحيح ولا كلام منتديات
تحياتي
هلا أخوي الصراحه ما أحب الأبيض ابدا
لكن الؤلؤي حلو (يجي على الفل بس)
الرمادي حليو بس ما جذبني مره
حسيت أنه فيه عيوب الغامق لكن ما فيه فخامة الأسود
بالنسبة للعروض صحيح عندهم عروض
الكرو اللي أنا ناوي عليه قيمته بعد الخصم 136 الف
فتحه/شاشة امامية فيها نافجيشن ديفيدي هارد دسك تلفون /تشغيل بصمة/ذاكرة للمقعد/كراسي امامية كهرب/كاميرا خلفية/باب خلفي كهربائي/ 4 ايرباق 2 منها ستائر تشمل الصفوف الثلاثة من المقاعد............و مواصفات لليل
يجي فوقه كرو فئة أعلى قيمته قبل الخصم 150 الف (المعذرة نسيت كم الخصم عليه)
يزيد 3 أشياء (جلد مع تدفئة للمراتب و الدركسون/جنط 20/رادار)
يجي فوقه السيتادل الفئة الأعلى قيمته قبل الخصم 189 الف (أظن بعد الخصم 180 مش متأكد)
يزيد (جلد جملي فاخر/شبك و مرايات و مقابض كروم/ديفيدي خلفي ... وفيه مواصفات أخرى ما أذكرها)
طبعا الكلام اللي فوق كله لل8 سلندر
ال6 سلندر ما يجيبون الا فئة وحدة أقل مواصفات من الكرو (سعرها حول ال 109 الف)
موجود عندي جوال موظف المبيعات اذا ودك تستفسر
