ممكن أي شخص يتعرض لهذا الموقف ماذا تفعل

anz @user_206721 · 11-12-2011

ممكن أي شخص يتعرض لهذا الموقف ماذا تفعل:

لديك سيارة حديثة او اي سيارة اخرى

1 لو طلبها صديق لك ليركبها ويقضي بها اغراضه هل تعطيه سيارتك؟؟؟ ما هي الاسباب؟؟؟

2 هل هناك أي مسؤولية ( أي شيء سلبي ) ان تعطي سيارتك لصديق ويسوقها لوحده؟؟ ما هي السلبيات

3 لو كنت متخذ قرار بعدم اعطاء سيارتك لشخص آخر ما هو الرد المناسب لذلك الصديق لعدم اعطاءه سيارتك؟؟؟

ارجو التفاعل من الاعضاء الكرام ولكم جزيل الشكر،،،

ابو ساير_sa @user_277860 · 09-01-2012

ممكن أي شخص يتعرض لهذا الموقف ماذا تفعل:

لديك سيارة حديثة او اي سيارة اخرى

1 لو طلبها صديق لك ليركبها ويقضي بها اغراضه هل تعطيه سيارتك؟؟؟ ما هي الاسباب؟؟؟

[COLOR=red]لا فيه محلات اجار مخصصة لهذا الغرض ممكن يسوي حادث او جريمة واروح فيها انا [/COLOR]

2 هل هناك أي مسؤولية ( أي شيء سلبي ) ان تعطي سيارتك لصديق ويسوقها لوحده؟؟ ما هي السلبيات

نعم , سبق ذكرها في جواب السؤال الاول ..

3 لو كنت متخذ قرار بعدم اعطاء سيارتك لشخص آخر ما هو الرد المناسب لذلك الصديق لعدم اعطاءه سيارتك؟؟؟

آسف يابو فلان لا تعطيني سيارتك ولا اعطيك سيارتي حتى لو معاك لكززس وانا ددسن واعذرني

شخص ممكن اثق فيه :

[COLOR=red]ابوي - اخواني فقط [/COLOR]

altaboot @user_248267 · 08-01-2012

1- لا
2- فيه سلبي مثل ساهر وفيه يمكن يآخذها كم يوم او يتآخر علي او يصدم فيها او يمكن يستبدل قطع غاليه ويركبلك مستعمله الخ...
3- اقوله شوف انت صديق وغالي ولكن سيارتي حتى اخواني ما اعطيهم هي اغلى ما املك ومعي وسوسة اخاف احد يصدمك او انت تصدم فيها الخ... بـ اسلوب مهذب ولطيف واطلب اي حاجه اخرى ابشر من عيوني الا موتري

computerer @user_272425 · 08-01-2012

بالعكس انا اعطيها اللي يبي ولو اني خايف عليها

بس عارف انه اللي اماشيهم رجال وماظن احد بيضرني

عبدالله ابوباسل @user_242311 · 06-01-2012

يمقن ازبن يمقن لا ههههههههههههههه

عبدالله ابوباسل @user_242311 · 06-01-2012

بكل صراحه اذا كنت اثق فيه ماعندي مشكله

اما اي شخص من اقاربي لايمكن مهما كان السبب

linclon98 @user_147487 · 06-01-2012

الوالد في اي وقت
( انت ومالك لأبيك )
ومستحيل اعطي سيارتي لواحد غير محتاجها
( بالعربي ماله بعد الله إلا انا )
وبشرط انه يكون رجال عاقل مو مستهتر
لانه لو سوا فيه حادث او مصيبه وجابها لك وقالك معليش بتقوله سويها ؟!
الشكو لله مقدر ومكتوب واقوله يارجال فدى راسك

تـآيـه @user_277989 · 05-01-2012

م

مدمن أسهم

ايه عادي اذا ما كان بيستخدمها في شيء مقبول .. ليش لأ.. يعني مثل استخدامه لها في زواج او ما شابه.. أو في حاجة ماسة وذلك لظروف استثنائية يومها.. ما راح أقول لأ..

لكن في شيء ممكن يجيب مشاكل او بس كذا عشان يتمشى .. لأ طبعا.. فان فتحت هذا الباب .. صعب عليك اغلاقه بعدين..

اوافق كلآمك يا مدمن اسهم

mahdi sa @user_264814 · 19-12-2011

انا عادي أعطيه احد لكن بشرط اللي اوثق به انه ماراح يسوي بالسيارة شي يعني فيه شخص قالي يبيه قلت له تفضل وفيه شخص آخر قالي يبيه قلتله بالعربي انا ماوثق بسواقتك

خافير زانيتي @user_256988 · 19-12-2011

نصيحة لا تعطيها لي احد
مره اعطيت سيارتي لواحد من الشباب يقال كان خوي الروح بالروح ماشي بالسيارة عايدي شوية حط الدبل امممم ماعجبو الحال يبغا يرجع عا الدي حلو قام رجعها على الار بعدها السيارة ماشافت العافية
كمان لمن جا ما قالي خوي الي كان جنبه هو الي قالي
وربي شي يوتر من بعدها قلت توبة معد اعطيها لابن امه

خعاخع @user_272129 · 17-12-2011

انا ما اعطي سيارتي احد

لأن كل اللي اعرفهم متهورين او مايعرفون يسوقون ههههههههههه

iPaiiiN @user_273948 · 16-12-2011

والله انا عزوبي هالترم تو نقلت ادرس جامعه في احد جبال المملكه من الطرق الوعره

عفواً اقصد احد مدن المملكه

وتو سيارتي جديده والحمدلله ماحد يقول عطني اياها :)

0:00 @user_267255 · 16-12-2011

مممممممممممم انا ما قد احد ساق سيارتي الا ابوي فقط .. اي واحد غيره مثل السواق او اي احد يخسي يسوقها ههههههههههه

وفيه مره انا و خويي كان الشارع زحمه و كنت ابي البنك و ماكان فيه موقف .. فـ قلت له يسوق و ياخذ لفه و انا بروح اسحب فلوس و بجي .. و بس ..

هذي المره الوحيده .. و فيه مره كان موقفي غلط و راح واحد من اخوياي يلبق السياره بعيد و بس ..

Initial D @user_10972 · 11-12-2011

[SIZE=4][COLOR=#0000ff]1 لو طلبها صديق لك ليركبها ويقضي بها اغراضه هل تعطيه سيارتك؟؟؟ ما هي الاسباب؟؟؟

2 هل هناك أي مسؤولية ( أي شيء سلبي ) ان تعطي سيارتك لصديق ويسوقها لوحده؟؟ ما هي السلبيات

3 لو كنت متخذ قرار بعدم اعطاء سيارتك لشخص آخر ما هو الرد المناسب لذلك الصديق لعدم اعطاءه سيارتك؟؟؟

1- يعتمد على الشخص ... يعني انت تعرف صديقك وكيف قياده؟ بالنسبه لي اذا هو انسان اعرف انه راكد ويحافظ على السياره اكيد بعطيه وقد صارت لي من فتره بسيطه خويي الروح بالروح اخذ سيارتي يوميين كاملين (عندي سياره اخرى) والسبب انه سيارته انصدمت وكان يستعمل سيارة السايق بس بعدها اهله احتاجوا السياره وهو اخذ سيارتي مؤقتا (هههه ورجها لي فل بنزين من دون لا اقوله جزاه الله خير)

2- السلبيات لا يوجد ماعدى انك تجلس بدون سياره (الا اذا عندك سياره ثانيه)

3- ايضا يعتمد على نوع الشخص اللي تتعامل معاه.... يعني اذا معروف انه راعي تفحيط بقوله بوجهه الصراحه انت مب وجه امانه .... اما اذا شخص معرفتي به بسيطه بقوله انا احتاج السياره حاليا واسف ما اقدر .... بسيطه[/COLOR][/SIZE]

R/T ` @user_233118 · 11-12-2011

انا شخصين اثق فيهم بس
الوالد او السواق :bigggrin:

وما في امل اعطيها صديق بصراحة

nemsis @user_269187 · 11-12-2011

انا ما اعطي سيارتي الا لخوي وبوي وخوي الروح باروح لأنهم اكيد ما راح يضروني
وحتى لو ضروني بدون قصد
اما اي احد ثاني اسدد له مني معطيك زعل ولا ما زعل
وشكرا ع الموضوع

anz @user_206721 صاحب الموضوع · 11-12-2011

جزاكم الله خيرا

مدمن أسهم @user_23880 · 11-12-2011

ايه عادي اذا ما كان بيستخدمها في شيء مقبول .. ليش لأ.. يعني مثل استخدامه لها في زواج او ما شابه.. أو في حاجة ماسة وذلك لظروف استثنائية يومها.. ما راح أقول لأ..

لكن في شيء ممكن يجيب مشاكل او بس كذا عشان يتمشى .. لأ طبعا.. فان فتحت هذا الباب .. صعب عليك اغلاقه بعدين..

سامي القرشي @user_164823 · 11-12-2011

انا ما اعطي سيارتي الا لشخصين 1 ابووي 2 خويي الروح بالروح

اما غيره يقول وش معنى هو وانا لا اقله انت ما تعرف تسوق غبي شوف سيارتك مصدمه من كل جهه

واذا ماني معطيه اقله ماني معطيك بالعربي يزعل ولا بكيفه الحلال حلالي وانا حر فيه