صور تجسسية للجيل الجديد كليا من نيسان باثفيندر<< تحول من SUV الى كروس اوفر :(

يا اخوان لا تستعجلون بالحكم

نسيتوا اتفاق نيسان مع ميتسوبيشي لإنتاج سيارة SUV (خاصة بالشرق الأوسط)
وش معنى ذا الكلام؟
أنه باثفاندر الشرق الأوسط بيكون SUV ، وبعدين كارلوس غصن ماهو مغفل يقلب الباثفاندر كروسوفر للخليجيين ... وهو أعرف الناس فيهم.

الإتفاقية تنص على بناء خط انتاج موحد للبيك أب ميتسوبيشي والبيك أب نيسان (الجيل الجديد من الداتسون ماهو النافارا ، اللي كان يصنع منه الباثفاندر الجيل السابق).
فهذا يعني إن انتاج البيك أب مرتبط معاه SUV مشترك على نفس القاعدة ، وهو 100% الباثفاندر .

والله الخبر فية شوي من الحزن ولكن ياشباب خلونا نكون واقعين ....
اكثر المجتمعات حول العالم مو بس السعودية اتجهو الى المدن يعني اكثر من 95 بالمية
بيكون استخدام السيارة بالمدن وهاذي تجارب اغلب الي راح يشترون السيارة حول العالم ...

ثانيا المجتمع العالمي يواجه مشكلة اكبر من الـــ SUV الي هو بدئ نفاذ البترول و ارتفاع
تكلفتة و تلويثة للبيئة وللاسف هاذي كلها تجتمع في سيارات الـــ SUV الحقيقية وفوق هذا
غير مريح بسبب قاعدة العجلات والي يزيد الطين بلة الاقتصاد العالمي في تدهور مستمر و
اكثر الناس حول العالم صارو يبعدون منها بسبب استهلاك الوقود العالي في هالفئة ونيسان
تريد توفير الوقود اكثر و الدليل اختيارها لقير C V T و المعروف عنه توفيرة للوقود ولكن
السوال الي يطرح نفسة هل القير هذا له القدرة على الاوف رودينق و الا رح يكون باعطال كثيرة ؟؟

ثالثا مو شرط لازم تكون السيارة SUV عشان تكون قدرتها جبارة بالبر !!؟ ياشباب العلم
تطور اكثر من اول في عالم السيارات وبدينا نشوف محركات و قيور و قاعدة عجلات بشكل
غريب و افضل و اقوى من اول و الفضل يرجع للشركات الاروبية في هالمجال و تبعتها
الامريكية و اليابانية و صار فيه انظمة قوية وبديلة تتوفر بالسيارة وتعطي لها القدرة الكبيرة
في الاوف رودينق وحتى لو كانت 4 سلندر بدفع امامي اساسي وانا اتوقع انهم راح يزودونها
بهالانظمة صحيح انها بتكون بتكلفة عالية زي الاكسبلورر الجديد ولكن بالنسبة لهم كلها يهون
في سبيل حماية البيئة من التلوث وفوق هذا راح يقللون من الصرفية الكبيرة لسيارات SUV
و الحركة هاذي بدت فيها شركة جيب و بعدها فورد و الحين نيسان و اتوقع راح تلحقها الشفر
و جي ام سي و هلم دواليك الى حين اختفا هالفئة الى الابد ...

وشكرا ....

واضح اتجاه الشركات للأحجام هذي ناهيك عن امر الكروس اوفر .. السيارة صارت اقرب للعائلية منها للاوف رود الشبابية

الكروس اوفر ممتاز نوعا ما .. باستخدام بر متوسط او عادي .. يعني يمشي الحال ويأدي الغرض

اما بالنسبة للجلد .. اما تكون السيارة SUV ولا ماتنفع .. مابقى فعلا غير البرادو والفورتشنر

الموديلات القديمة للسيارات مثل الباث والاكسبلورر .. صارت مرغوبه اكثر من الكروس اوفر الجديد

لاحظوا الطلب عليها بالمستعمل ولاحظو سعر البيع ارتفعت اسعارها بالنسبة للمستعمل

صار بوكس ( ستيش واجن ) ما هو اس يو في حتى!!
مشكور على الصور

وعليكم السلام
شكرا على النقل والله يعطيك العافيه
حسافه سياره لها تاريخ عريق وحققت نجاحات تقلب راس على عقب
في نظري الكروس اوفرهي الجيوب المعاقه

كل الوكالات الحين يتجهون للكروس اوفر علشان السياره تكون مساحاتها الداخليه مناسبه للعائلات ومحركاتها هادئه ومريحه بالمطبات على عكس ال SUV
(بالـ SUV تصير السياره جلفه شوي :smilie16:)

بعدين شوفو شفروليه بليزر كان SUV وبدلوه بترافرس كروس اوفر (منتشر ومرغوب عند الناس)
وشوفو الجي ام سي أنفوي كان SUV وبدلوه بأكاديا كروس اوفر(منتشر ومرغوب عند الناس بكثره)
وشوفو الفورد اكسبلورر كان SUV وبدلوه بأكسبلورر كروس اوفر (بدى ينتشر بكثره في الشوارع)
فأتوقع نيسان حركتها ذكيه علشان تستهدف العائلات اللي اسلوبها رياضي (هههه متعوب عليها :smilie16:) يعني اللي يدور على سياره (فان) بس بشكل (جيب) ماله الا الكروس اوفر ... ونيسان اصلا ناقصتها هالفئه كروس اوفر حق 7 ركاب لان الحين هذي الموضه عند العوائل

صح لاننسى المازدا CX-9 شوفو شلون صارت سياره ناجحه بين العوائل و منتشره ورفعت من شأن شركه مازدا والسياره دفع امامي كروس اوفر :xyxwave:

وبعدين الاكستيرا موجود حق OFF ROAD AND HEAVY DUTY فخلاص يأدي واجب التطعيس وزياده

فعلاً .. كان ودنا يستمر النظام الحالي على الباث .

لكن أنا أشوف أن الإكستيرا لو فخموه شوي صار باث .. يعني أتصور الإكستيرا يقوم

بالواجب .. وأتوقع راح يكبرون الإكستيرا شوي ويفخمونه شوي .. ويصير هو البديل

لعشاق الباث .. لأنـو كثير من عشاق الباث القديم اتجهوا للإكستيرا وأصبحو عشـاق

للإكستيرا بدال الباث القديم الي توقف تصنيعة .. لذلك أرى أنه ليس هناك مشكلة لـ

عشاق الدفع الخلفي والمغامرات والتسارع القوي ما دام الإكستيرا موجود .

جينس مشكور يالغالي على الموضوع وانا بعد قريت الخبر وتوني كاتبه في رابطة الباثفايندر وتوني انتبه انك كاتب موضوع هنا

الصدق الخبر احزني جداً ومع الاسف اغلب الشركات صارت تتجه لهي الفئه وتقتل فئة الجيوب الحقيقية اللي تعتمد عليها في كل شي :(

بس على فكره راح يتوفر من الجيل الجديد دفع رباعي (لكنه مش بقدرات الجيل السابق يعني أنسى انه الجيل الجديد بيتوفر بدبل ثقيل)

لاحظ في اخر صوره انت حاطها يوجد دفرنش خلفي (لكن دفرنش متحرك وليس صلب)

المحرك أكيد بيكون بالعرض (نفس سيارات الدفع الأمامي) وأغلب الظن انه السياحي والنص فل راح يكونون دفع أمامي
والدفع الرباعي راح يتوفر فقط في الفل؟

بالنسبه للجير ان كانه cvt فهذا = مشاكل كبيره اذا تم قيادة السياره في الظروف الصعبه ( رمال / طعوس / طين ) لانه هالجير مصمم فقط لتوفير البنزين والقياده العاديه في المدن والخطوط السريان فقط


:) الصراحه عقب هالخبر احمد ربي انه عندي باثفايندر ٢٠٠٥ على الاقل اعرف انه سيارتي جيب يعتمد عليه في الضروف الصعبه اكثر من اي cuv

وأنا أكره هالفئه وماهضمتها

لو دفع خلفي بالأساس بنسبة 70% للأمام و 30% للخلف مثلا

مع محرك طولي ، كان هضمناها



لكن محرك عرضي ودفع أمامي ! :blue:

ياخوان الشركات تدور الربح والسيارات المرغوبه


وللاسف الـ SUV مبيعاته في انحدار في جميع اسواق العالم

لذلك اغلب شركات السيارات اتجهت الى قتل هذه الفئه من السيارات

وانتاج سيارات الكروس اوفر





واتوقع خلال العشر سنوات القادمه سيكون انتاج سيارات الدفع الرباعي الحقيقي محدود جدا

العالم كله صار شوارع اسفلت حتى القرى والهجر الحين واصلها الاسفلت والكهرب يعني

مافي داعي للجيوب

هذه نظرة الناس والشركات ماراح ترضيني انا مثلا محب الجيوب على حساب الملايين غيري

اللي استغنو عن هذه الفئه من السيارات



تحياتي للجميع

وعليكم السلام ورحمة الله وبركاته ،


ميزة الباثفياندر الحالية مناسبته لكل الأماكن ووقدرته على تحمل كافة أنواع الطرق ، كما انه يجمع بين الشبابي والعائلي والاقتصادي ،

ليتهم يغيرون الشكل فقط دون المساس بالأساسات الهامة !

من زمان انتظر الموضوع لاني ناوي اشتري واحد وفكرت اصبر شوي حتى ينزل الشكل الجديد لكن اذا كان دفع رباعي مستمر راح اشتري القديم ان شاء الله

+1 مليون بالميه بيصير نفس الـjx


ماقصرت اخوي جينس باور على التوضيح والشرح وللاسف صحيح مابقى الا البرادو متوسط suv

ياللسماجة ماهذا الكلام ؟؟ يبون يحدوننا على تويوتا غصب

خطوة ان صحت فعلا تعتبر للخلف :a120(115):

و عليكم السلام و رحمة الله و بركاته

باختصار ، بيكون توأم الانفنيتي JX اللي طلع قبل فترة بسيطة و بيتشارك وياه بالمحرك و القير

يعني بيكون المحرك 3.5 لتر و قير CVT

:blue:

.
.
.
انا مثل راي اخوي جنيس باور، لكن قضية التجارة ليس فيها عواطف حيث تطورت الطرق واصبحت هندسة بنائها تحتم على الشركات والزبائن ان يغيروا مفهومهم السابق عن السيارة في انها يجب ان تتحمل الطرق الوعرة
لذلك صارت الفسلفة الجديدة وهي مظهر جيب لكن براحة السيدان وابهة الجيب

وننتظر من نيسان ماذا تريد ان تقدم لنا في هذه السيارة
هل ستكون كروس اوفر حقيقي بدون قدرات ولو جزئية للدفع الرباعي مثل الدبل الخفيف او انها ستتخلى عنه نهائيا ويصبح كروس اوفر وبس
وهل ستجعل الاكستيرا خليفة للباثفايندر خصوصا انه سيارة اوفرووود فعلا من حيث الامكانيات والقدرات

ننتظر

تحياتي

مشكور على الصور اعتقد اغلب الشركات صارت تتحول عن الاس يو في واذكر تصريح لرئيس تويوتا عن اللاند كروزر اعتقد قال ان اللاند الجديد يلبي رغبات ٩٥٪ من الناس اللي تستخدمه اكثر في الشوارع العاديه وال ٥٪ الباقيه لن يهتمو فيهم وما احد يكلمني عن المصدر لاني نسيت وين قراته فاذا مفخرة الارض كذا فكيف الباثفايندر