ابقى على الـ GS أو أغير لـ ES

وعليكم السلام ورحمة الله وبركاته

اول شئ ما شاء الله تبارك الله على سيارتك , وهذا ما يميز سيارات اللكزس , نادر ما تلقا شركة تنتج لك سيارات فخمة جداً ومع قابليه انك تكرفها كرف ( الحمار ) وتبقى معك , لأن السيارات الفخمة عادة تكون قطعها غاليه وحساسه واذا كنت بتاخذ بالسيارة كل مطب وكل حفرة راح تخرب قطع كثير فيها .. وانا شخصياً من المعجبين بلكزس بسبب هالشئ وبسبب الجودة والتقنية بسياراتها :xyxthumbs:


نجي لموضوع الـ ES .. اولاً بالنسبة لكلام انها كامري وما أدري ايش احب اقولك دخل هالكلام من اذنك اليمين وطلعه من اذنك اليسار , أخوي الاكبر عنده لكزس ES350 2010 فل كامل , السيارة اقسم بالله جداً فخمة والجودة عشرة على عشرة , فخامة وراحة ( مقاعدها جداً جداً مريحة ) , ثبات وعزل وسيارة بمعنى الكلمة فخمة , كملت مع اخوي فوق السنة ومشى فيها حول 25000 الف .. للآن ما شاء الله تبارك الله ولا عطل واحد ولا مشكلة وحدة :xyxthumbs:


مشكلة الناس اللي يقولون انها مثل الكامري انهم يسمعون بالمسمى المتداول عندنا للكزس ES وهو " كامري الشيوخ " فالضاهر البعض يفكر ان السيارة مثل الكامري بالجودة وما الى ذلك ! وانا متأكد اللي يقول هالكلام ما جربها



بالنسبة لفكرتك , انا شفت العنوان من برا قبل لا ادخل وتوقعت ان سيارتك لكزس GS وتبغى تغيرها للكزس اجدد وبتكون ES ولا مافيه احد بيغير GS جديدة بـ ES :bigggrin: .. انا من العنوان كنت موافق ومؤيد للفكرة وبشده , لكن توقعتك انك بتاخذها وكالة وجديدة .. لكن دامك تفكر انك تاخذها مستعملة وموديل 2007 فبقولك نصيييحه امسح هالفكرة من راسك , لأن ما تدري صاحبها الأول وش كان يسوي فيها ووش مخرب فيها ! دام سيارتك كويسه معاك وتكررف فحرام تسوي هالمغامرة اللي ممكن تخليك تعض اصابع الندم

لو انك قايل وكالة كان أيدتك وبشده لكن مستعميل نصيييحه بعد لتجربة أكثر من مرة :)