:xyxwave:
بسم الله ياخواني انا عندي كابرس 94 عزم ميت وكتمه كأنه اربعه سلندر مع ان المكينه والقير والدفرنش ماشاء الله كل من شيك عليها ذكر الله بس السيارة بالموت تمشي طبلونها يوصل 180 واذا خفيت رجلي عن الدعسه توصل 200 مع ان طبلونها 260 القصد في ان السيارة متتعدا200 يعني فيها مشكلة المهم من ثمان شهور فكيت بخاخاتها ونظفتهم وفكيت الثروتل ونظفته وغيرت بواجي انواع واشكال وغيرت ديلكو امريكي وشيكت على البلف الراجع وغيرت طرمبة ظغط عالي وبرمجة كمبيوتر فيها الغيت حساسات الشكمان وغيرت دبات التلوث بوطني وشيكت على اسلاك البواجي وعلى الكويل وكلها اوكي حسب كلام الميكانيكي وشيكت كمبيوتر وما طلع شي بالعكس كل الي رحت لهم قالوا انت موسوس وسيارتك مافيها شي طيب السيارة كاتمه وثقيله وانت واقف وتدعس مستحيل انها تقرص الي يدل على ان السيارة ميته ومن قريب صار يطلع كربون من الشكمان لاكن صارت معي شغله غريبة من حول شهر فتحت كبوت السيارة وقمت اشيك على اسلاك البخاخات افك واركب شفت مافيها شي بس كان بعض الدقم ماهي شابكة مضبوط يعني تتحرك شي بسيط وسكرت الكبوت ودقيت السلف الا السيارة صافيه وعزمها احسن من اول بكثيرلاكنبع باقي فيها كتمه بس وين عن اول صرت احس انها سياره وبعد فتره رجعت نفس اول مدري وش السبب اخر شي دخلتها ورشه فكو الثرتول وقالو عندك تنسيم فيه بنلحمه لحام بارد ونركبه لك لان البواجي يجيها مويه فماتعطي شراره والعزم يطيح وسواه وركبناه وماتغير شي اللهم ثلاث ايام مايطلع كربون من الشكمان واللحين رجع رجاءا اريد حلا ولا احد يدلني في الشرقيه على ناس متخصصه شفر واسف على الاطاله :confused1:
