اخوكم محتار و ما خاب من استخار ولا ندم من استشار

[Black Smith]

السلام عليكم ورحمة الله وبركاته

صباحكم / مسائكم ورد


ما خاب من استخار ولا ندم من استشار


اخواني انا ودي اشتري سيارة جديدة و المبلغ اللي معي مابين 115-120 الف ريال تنقص ولاتزيد



ابي سيارة دفع رباعي بدبل تنفع للمدينة والمشاوير و ايضا لطلعات البر والاماكن الوعرة



وايضا للعائلة قدر الامكان



انا دوامي يوميا 35 كلم رايح جاي يعني يوميا 70 كلم





مريت الوكالات و اتصلت وبالقوة يردون للاسف الشديد



ومع ارتفاع الاسعار الجنوني



احترت بين



بايجرو موديل 3.5 2011 اقل من الفل كامل بالوكالة 116 الف ثلاثة صفوف و مكيف خلفي وثلاجة اعتقد و تخشيبة و قير تماتيك ودبل (قرات ان الفل كامل الخليجي ب 116 الف او حولها عند المسند حاولت اتصل عليه مايرد )



باجيرو سبورت 3.5 ستة سلندر 2011 فل كامل 111 الف للفل كامل وفئة مادري ايش هي ب 103 الف ريال كلها دبل الصف الثاني مافيه مكيف و الصف الاخير مكيف باليمين



الاولى ياباني و الثاني تقفيل تايلندي على كلام موظف المبيعات



شيفروليت سيلفرادوا او جيمس سيارا فئة Z71 غمارتين الحوض القصير اتصلت بالجميح قالوا لي سعر السيلفرادوا 113 الف
ما اعرف مواصفاته و مريت اقرب وكاله لنا واللي هي العالمية وماحصلته عندهم وقالي يمكن يجي بعد الحج



اكسبلورر الشكل القديم 2010 قالوا لي تحصله بالمعارض اصفار بالوكالة موب موجود وما حلونا معارض علشان اسال







هذي هي حيرتي وان شاء الله تساعدوني الله يجزاكم الجنة



ابي سيارة اعتماديه مابي كل شوي خرابات وغيرها وقطع غيار مو متوفره وهذا اللي مخوفني من الباجيرو والمتسوبيشي خاصه ان حجمه مناسب



انا ماتهمني المواصفات الثانيه مثل فتحة سقف و مادري ايش



طولت عليكم و ان شاء الله القى الجواب الشافي واذا به اي اقتراحات اخرى كلي اذان صاغية

[تركي الفريدي]

وعليكم السلام

صباح الورد

يا الغالي المستوبيشي طيب ومانصحك بــ التجميع التليندي من تجربه ( تويوتا فشفش موديل 2010 بعته من كثر الاصوات وتنسيم الهواء ) انصحك بالياباني افضل

واكيد الخيار الثاني ويتميز انه بتاع كلو ومريح بالخط هو السييرا بس الوكاله راح تنزل موديل 2012 بعد العيد ومافيه موديل 2011 مخلص ورافعين سعره شوي حدود الــ 130 ويمكن فوق شوي على ذمه مندوب الجميح

الامريكي اعتني فيه وحطه على يمينك مريح في الخط يبيض وجهك في الكشتات وسهل الصيانه ( السييرا ورديفه من شفر )

والمستوبيشي ماعليه بس اسئل عن قطع غياره يقولون غاليه شوي وشوف هي متوفره اغلب القطع الاستهلاكيه او لا لان فيه ناس تشتكي من وكيله

وفي النهايه الله يسهل امورك بالموتر الجديد

[قاقا]

انا اشوف الفرونتشر والبرادو من تويوتا
والباثفيندر والاكستيرا من نيسان افضل الخيارات لك

[Black Smith]

وعليكم السلام

صباح الورد

يا الغالي المستوبيشي طيب ومانصحك بــ التجميع التليندي من تجربه ( تويوتا فشفش موديل 2010 بعته من كثر الاصوات وتنسيم الهواء ) انصحك بالياباني افضل

واكيد الخيار الثاني ويتميز انه بتاع كلو ومريح بالخط هو السييرا بس الوكاله راح تنزل موديل 2012 بعد العيد ومافيه موديل 2011 مخلص ورافعين سعره شوي حدود الــ 130 ويمكن فوق شوي على ذمه مندوب الجميح

الامريكي اعتني فيه وحطه على يمينك مريح في الخط يبيض وجهك في الكشتات وسهل الصيانه ( السييرا ورديفه من شفر )

والمستوبيشي ماعليه بس اسئل عن قطع غياره يقولون غاليه شوي وشوف هي متوفره اغلب القطع الاستهلاكيه او لا لان فيه ناس تشتكي من وكيله

وفي النهايه الله يسهل امورك بالموتر الجديد

هلا اخوي تركي

الله يسعدك يارب

اتصلت على واحد عنده بايجرو قالي مايحتاج ومدح فيه يقول عندي سنتين مادخلته الوكاله بس زيت و الخفايف

و قالي ابعد عن التايلندي يقول عزمه تعبان رغم انهم نفس المكاين

وبالنسبة للقطع يقول اسعارها معقوله مع الارتفاعات الحاليه لكن المجك هو توفرها

وانا صدق اميل للسيرا لكن مستغرب انها مب موجودة وسعرها ب١٣٠ كثير و خارج نطاق التغطية

شكرا لك اخوي والله يوفقك بالدنيا والاخره

[Black Smith]

انا اشوف الفرونتشر والبرادو من تويوتا
والباثفيندر والاكستيرا من نيسان افضل الخيارات لك

هلا استاذي قاقا نورت

بخصوص الفورشنر انا ماهضمته لكن سالت عنه بالوكاله ب ١١٩ الف vx 1 و البرادوا اربع سلندر وقير تماتيك قالي ب١٢٤ الف و الاثنين موب موجودات حط فلوسك وصف سرا

وسعرهم بالمعارض مبالغ فيه

بخصوص الباث و الاكستيرا حطيتهم بحساباتي لكن للاسف مريت وكالة نيسان قالي موديل ٢٠١١ مانزل وماعندهم خبر واحنا على ابواب ٢٠١٢ ومادري اذا موجودة بالمعارض او لا

شكرا لك والله يعطيك العافية

[z 2]

اذا ما تهمك المرتبة الثالثة ، فأنصحك تمر للمتحدة للسيارات اذا كان فيه فرع لهم قريب منك .
و شوف الدودج نيترو 2011 . سيارة خط لأبعد درجة . و ثباتها عالي جداً ، رساوة غير طبيعية . [ دبلها ضعيف شوي ] يعني مو حق طعوس قوية . < يعني ما ينفع للسحب و الجر . [ يخارج نفسه بس ] . و اذا لحقت على 2011 باقي ما خلص ، ترى سعرة بـ 84 الف ، يوصل للـ88 الف مع التخليص و التأمين و كل شي ، قطع غيارهـ ارخص من تايوتا و من هوندا و من نيسان و من شفر .
عيوبه : وجهه نازل نسبياً للأرض < و يعوض عن ذلك قاعدة العجلات البارزة .
لا يوجد به تكييف خلفي < و يعوض عنه مكيفه الامامي الجبار .
رفارفه بارزة و يبيلك فترة عشان تتعود على وزنيته .

مواصفات المحرك : 6 سرندل ، 3.7 لتر . 210 حصان .

الفئة اللي حالياً عليها عرض بـ 84 الف ، يجي فيها شاشة ملاحة ثابت ، و 9 سماعات ، مع نظام انفينتي السمعي . الداخلية مطعمة بالكروم من موبار .

مانع انزلاق ، مانع انغلاق ، 4 ايرباقات ، مثبت سرعة . حساس خلفي مرئي و سمعي مع امكانية اغلاقه بسهولة . مرءآة خلفية قابلة للتعتيم . شاشة مراقبة لضغط الكفرات و تانكي البانزين و درجة الحرارة و للتحكم بسستم الغلق الالكتروني للأبواب .


و مواصفات كثيرة . سردت اهمها على سبيل التوضيح لا الحصر .

فـ اذا كان فيه وكاله لهم حولك . مرهم و شوف . بالنسبة لصيانتهم كل 10 الاف ، و ما ياخذون واجد . و المبلغ اللي ياخذونه ، يشتمل تغيير القطع الاستهلاكية .

. انصحك تمرهم . و تسأل بنفسك عن قطع الغيار ، مع العلم ان السعر هذا هو عرض لتصفية موديل 2011 ، على 2012 بيكون سعرها 94 نفس قيمة تايوتا rav-4 اللي بدون اي بي اس و بدون شاشه و بدون مانع انزلاق [ مكينة و فتحه و مسجل و كفرات ] .



أما اذا كنت فـ منطقة لا يتوفر فيها وكيل للمتحدة او تسافر لمناطق لا يتوفر فيها الوكيل او احد موزعيه . فأنصحك بالسلفرادو فهو الخيار الامثل . و الفلوس اللي بتحطها فيه يستاهلها ، و الباجيرو لا يقارن بالسلفرادو نهائياً .


اذا كنت فـ منطقة الرياض ، و تبي تشوف الدودج نيترو . فـ اي وقت كلمني و اقابلك تشوف الدودج ، اذا ناسبك فـ لا تتردد ، دعواتك يالغلا .


أخوك ابو شهد .

[قاقا]

اخوي الاكستيرا والباث موجوده بالمعارض
وحصلتلك باث 2008 فل مخزن شفه بالرابط
http://www.saudisale.com/SS_a_car.aspx?carid=9715
ووش رايك بالف جي؟
http://www.saudisale.com/SS_a_car.aspx?carid=12499
ونفس كلام اخوي z2
مر المتحده وشف سياراتهم وخاصه القراند شروكي

[z 2]

أخوي قاقا كنت بقول له القراند شروكي ، بس سعرهـ فوق @@

أخوي بلاك . لا يفووووووتك الباث 2008 . صييييييدهـ .