مشكلتين في كابرس 91 صابونه

!علي المالكي! @user_228994 · 17-10-2011

سلام عليكم ورحمه الله وبركاته

عندي كابرس صابونه موديل 91 وعندي مشكلتين

المشكله الاولى في الجربوكس اذا مشيت بالسياره ومثلا قدامي اشاره اذا جيت اوقف الجربوكس يرجع للنمرالاولى بنتعه يعني اسمع صوت طقه فيه << مع العلم اني موضبه قبل 5 اشهر

والمشكله الثانيه مره جيت اعبي الكفره اللي قدام هوا والسياره شغاله وطلعت الكفره تهز مع اهتزاز المكينه << ما ادري وش مشكله الهزه مع العلم اني اذا مشيت بالسياره يطلع لي اصوات قدام عند الكفر

حبيت استفيد منكم قبل اروح اي ورشه

تكوه @user_281936 · 31-03-2012

اخوي اذا كان مايفك الانمره وحده فهذا فيش تحصله جهت الجربوكس تحت السياره شكله دائري
لونه ابيض يوجد فيه 13 سلك فكه وافحصه عند كهربائي يمكن بعضها ماتوصل كهرباء

M~أمير بكلمتي~M @user_58367 · 06-11-2011

وعليكم السلام ورحمة الله

بخصوص النتعة تأكد من سلامة زيت القير والفلتر انه اصلي , اضف الى ذلك التوضيب انه شغله جيد

بخصوص الهزه من المؤكد ان السيارة تحتاج الى تربيبط من جلد مقصات وركب وغيرها

أخوكـ

صاحب صنعه @user_53732 · 06-11-2011

السلام عليكم

اولا هذا عادي في القير 700 يسويها والسبب ميزان القير بس مادام التغييرات كويس ومتناسقه لاتلعب فيه

بالنسبة للكفر افضل تكشف عليها في محل ميزان ويشوف الخلل او الخرابات بشكل عام انتبه من الامريكي في المقدمه خاصة الجوزات لا تجييب العيد الله يبعدك عن الشر

ابوصالح999 @user_47085 · 04-11-2011

هل الطقه تسمعها عند الجبربوكس او تحسها عند الدفرنس

الجهنيـ1412 @user_247242 · 17-10-2011

بسم الله الرحمن الرحيم

بالنسبه للقير إحتمال يبغاله وزن وينوزن عن طريق واير مشبوك بالقير

وموصل إلى فتحة الثرويل

وبالنسبه للكفر عندك احتمالات كثيره ومنها الجوزات وهذي خطيره ومن ناحية الأصوات

حدث ولاحرج بس احتمال كبير الجلد الخاصه بعامود التوازن والمساعدات وجلد اليايات

والله أعلم