الـ F-150 2012 حصلت فيه تغيرات انصحك به :xyxthumbs:
السييرا 2012 اخر دفعة سمعت ان بيكون فيها تغيرات
بالتوفيق
حياك الله اخوي
الـF 150 2012 عند أحد الجيران وشكله ما أعجبني
أفضل التصميم القديم عليه .. ولهذا السبب صرفت النظر عنه مع اني فكرت فيه مسبقا
السيارة اللي معي سييرا 2011 غمارتين z71 (حمولة 1500) طن ونصف حجم المكينة 5300 سيارة جداً عملية ومريحة في السفر والبر
والسيارة تجي أنواع متعددة ويفرق بينهم عدد المسامير التي تثبت بها الجنط
أرجو أن تكون دقيق في تحديد المواصفات المطلوبة أثناء الشراء مع توثيق المواصفات التي تريدها في فاتورة الشراء
الله يعطيك خيرها ويكفيك شرها اخوي لواء العز
المشكلة موظف المبيعات يفتي بعض الاحيان بغير علم ويخلي الزبون يتورط
والله يكتب الي فيه الخير
الله يسهل أمورك
ومثل ما قالوا الاخوان أحرص على الـ z71 .. وأنا شخصيا أفضل الغمارتين بحوض قصير
لأنه من تجربة سفر بالغمارة ونص المرتبة الثانية غير مريحة لا في مساحة الظهر ولا في مساحة الأرجل
وللعلم فالشاصي في الغمارتين والغمارة ونص نفس الطول بالظبط .. وبنظري الغمارتين بحوض قصير أحلى وأرسم من الغمارة ونص
وبالنسبة للون فاختياري والاختيار لك هو اللون الصخري لأنه مميز ونادر على السييرا ومناسب لأجوائنا ولأجواء الطلعات والكشتات ولا يبين عليه الغبار والوصخ
موفق إن شاء الله
تصدق يا ابو عبدالعزيز أنك دخلت اللون هذا براسي ،، بروح ان شاء الله الوكالة واشوفه على الطبيعة لكن حاليا مقتنع بالاسود مع ان سيارتي الحالية سوداء وتحتاج غسيل بشكل دايم
أكثر شئ أتعبني في الغمارة ونص هو ظهر المقاعد مستقيم تقريبا ويتعب اذا جلست عليه وقت طويل
والوجهه ان شاء الله الغمارتين :xyxthumbs:
الله يعطيك العافية على تواجدك
اخي محمد من واقع تجربه موتري سيرا 2011 غمارتين زد 71 فل كامل ويجي فتحه وكميراء خلفيه مثل اليوكن والتاهو ويجي ايضا قفل لباب الصندوق وايضا تجي وطيات الارجل شد البلد وهذي المواصفات موجوده في العيسى ولانزل منها في موديل 2011 غير 4 سيارات على كلام مشرف التسويق .
المهم ان حصلت مثله انصحك به لانه يجي حساسات خلفيه مع كميرا خلفيه .
وايضا السياره خفيفه وقويه في نفس الوقت يعني تحس بقوة وهيبه ورفاهيه وفخامه وراحه في القياده
في البر وفي الطلعات القويه والشديده الي تبرد عزم الجيوب فيها يمر من عندها يتمشى ويقول لها باي باي .
انصحك بشده بالسياره وخلها غمارتين لان الغماره والنص نفس طول الغمارتين بس الفرق في الحوض في الغمارتين يكون الحوض قصير وماخذه منه الغماره الخلفيه مساحه .
اما في الغماره والنص يكون الحوض طويل وماخذ نص الغماره الخلفيه ليترك النص الاخر وبكذا يصبح نفس الطووول .
الغماره والنص من اشد عيوبه فتحت الباب مع النص يعني تصير البابين فاتحه من نص السياره ولا هناك فاصل بينها وهنا تكمل المشكله مع الوقت بدخول الهواء والغبار ووجود الرجه بالابواب ايضا الغماره والنص مشكلته لايتسع في الخلف لرجل بالغ لان ركبه بتكون مقابل وجهه ونص ساعه بيمل ويقول نزلني والي يرحم ابوك لانه بيحس انه معذب طووول الوقت ولا تصلح النص غماره غير للاطفال فقط او لشخص عزابي يرغب بتركها لعفشه واغراضه .
اما الغمارتين فتكون المرتبه الخلفيه نفس مرتبه اليوكن وسيعه ومريحه وكنب فندق 5 نجوم ماشاء الله واي شي انا حاضر في اي وقت .
وتبي الصدق والله اني مارتحت وحسيت اني راكب سياره غير بعد ماشريته قلت انا ويني عن هذا الموتر من زمان يبي يطربك بكل معنى الكلمه ان بغيت فخامه خذها ان بغيت وحش في المناطق الوعره والرمل يطربك ان بغيت راحه في السفر لو مشوارك يومين متواصله تبي تنزل وكنك كنت مرتخي على سرير خمس نجوم ما تبي تقول اخ يارجلي اخ ياضهري .
توكل على الله والله يكتب لنا ولك الي فيه الخير .
الله يعطيك خيرها ويكفيك شرها ويجعلها مركب هناء يالغالي
والسيارة ما أخذت حقها عندنا وما انتشرت بشكل كبيرة وانا اعتبر هذي ميزة بالسيارة
وانا ما اقتنعت بالسيارة الا بعد ما اشتروها بعض الي اعرفهم وطلعنا فيها البر وكانت من أفضل ما يكون
سالفة الكاميرا الخلفية مهمة بالنسبة لي وبحاول قدر الامكان انها تجي شد بلد ما ودي أركب من محلات الزينه كاميرا
الله يعطيك العافية على تواجد يالغالي
ماشاء الله الف مبروك الموتر والله يطعمك من خيره ويكفيك شره ياابو باسل
اجل محمد وانا اخوك افتاك ابو باسل وعلى قولة المثل اسئل مجرب ولا تسئل طبيب
والف مبروك مقدما
الله يجزاك خير اخوي هب الريح ويبارك فيك ما قصرت
وباذن الله راح أبلغكم بالي يصير معي أول بأول
اخوي محمد
نصيحه غمارة ونصف ........ ماتستفيد من نصف الغماره لانها متعبه للرجال
والافضل ياغماره ,, والا غمارتين لك ولزمن
ممكن اعرف ليش مافكرت في الفورد 150............ اقل شي خذلك زيارة للوكيل وشوفها
والله يوفقك
الله يوفقنا اجمعين عزيزي عطل طاري
خلاص صرفت النظر عن الغمارة ونص وعزمت ع الغمارتين باذن الله
الفورد مثل ما ذكرت فوق .. شكله الجديد ما أعجبني وافضل الشكل القديم عليه
شكرا لجميع من أثرى الموضوع وشارك فيه .. ولاهنتم
