كاديلاك Cts 2011

يالغالي انت شووف السيارة اللي تعجبك واستخير الله وخذها

اماا اذا بتمشي على كلام الناس يمكن ماراح تاخذ سيارة في نااس كرهووك بالامريكي ويمكن اجي انا وكم واحد معاااي واقولك والله الالماااني مشاااكله كثير وقطع غيااره غاليه نااار واذا جيت تطلب قطعه يبغالك تفصل مظله لسيارتك الين مايجيك القطعة >> طبعااا ذي صايرة مع واحد من اخويااي معاه S350 م2005 :smilie16:

وتجي تحط مثلا في بالك لكزس ويجونك مطفين النووور ويقولون لك فيها عيوووب وخرابات ومدري كيف >> طبعا مريت في نفس التجربة وقعدت سنتين بدون سيارة واخرتها خربتها وشريت لي تاون كار مستعمل ب75 الف وانا كان عندي 270 الف كنت باشتري بها سيارة لكن كل ماحطيت سيارة في بالي الناس كرهووني فيها

لكن الحمدالله على كل حاااااال

وان شاء الله ماطولت عليك بس حطيت لك تجربتي وعاد انت براحتك

مع السلامه

الكادلك سمعتها زفت ؟؟ اجل ووين الزين اذا كادلك زفت :c0214:

بس ودي اعرف وش سيارتك ؟؟ وتقدر تقارنها ولا تسفطها جنب الكادلك :smilie16:

ع العمووم الكادلك مركب الملوووك واظن الكل يعرف الشي ذا :a1120(86):

اخووي القناااص اذا انت متخووف من وكيل الكادلك ترى حتى النكون سيارة حلوة ووكيلها كووويس

والسيارتين رووووووعه وشيل من بالك الخرابات وكلام الناس الفاضي

انا عندي كاديلاك ولينكون وماشيه معاااي زي الحلاوة عاد انت استخير والله يوفقك

كادلاك CTS اتوقع على سعرك هي الافضل والخيار المناسب لا من ناحية الشكل ولا

المواصفات

واذا كنت خايف من الوكيل

لا تروح بعيد وشوف لكزس ES350 سيارة عملية وممتازة


والله يوفقك

هلا فيك اخوي
حقدي على الوكيل !!!

لو سمح الله وصارت لك مشكله وقالوا لك روح بلط البحر راح تعرف ليه انا كتبت وتكلم عن تجربتي معهم..بالعكس المفروض تفرح اذا فيه احد يكتب وذكر الحقيقه اللي يمكن من خلال كتاباته تتحسن الصيانه ويصبح الوعي اكبر لدى العميل.

والشي اللي ماتدري عنه اخوي انه بسبب كتاباتي عن الوكيل وعن خدماته السيئه صار نفس الوكيل يضرب الف حساب للعميل والحمد لله بفضل الله ثم بفضلي تم استبدال اكثر من سياره كاديلاك CTS 2010 ,2011 لعملاء صارت في سياراتهم مشاكل وذلك بعد ذكرهم انهم راح يكتبون في النت زي ماكتبت انا وكنت معاهم على اتصال دائم ...

تحياتي لك

ماتقصرون الله يجزاكم الف الف خير :ch19:
شكر وتقدير لكل من رد على الموضوع بنحول على القسم الالماني :confused1: ونشوف بس ماشاء الله تبارك الله القسم الامريكي تفاعله اكثر من اي قسم :xyxthumbs: اشوف الاعضاء بالالماني يطولون ومايرد عليهم كثير الظاهر لان مستخدمي الامريكي اكثر
تحيآآآآآآتي لكم والله يحرم وجيه والديكم من النار ويرزقهم الجنه
:xyxwave::xyxwave::xyxwave::xyxwave:

يعني في نظرك
الي يمدح سيارته لازم يكون موظف مبيعات
والي يذم في السيارة هذا شخص صادق ولازم نسمع نصيحته؟
عزيزي
لا يعميك حقدك على الوكيل
انت صحيح مريت في مشاكل كثيرة وتعب مع الوكيل والحمد لله ان المشكلة انحلت لصالحك
لكن معقولة أغلب الي اشتروا السيارة من الموديل الجديد واجهوا مشاكل ولا حبوا يشتكون على الوكيل الا انت فقط؟
مسوي احصائية ما شاء الله عليك
ولا انت الوحيد الي تعرف حقوقك

يا راعي الموضوع
انا والله مالي علاقة بالوكالة ولا راح استفيد شيء اذا انت شريت السيارة
انا فقط اكتب تجربتي مع السيارة بحكم انها كملت سنة كاملة بدون اي مشاكل
واليوم رحت الوكالة وحطيت السيارة عندهم الساعة 3 للصيانة الدورية
بكرة ان شاء الله راح استلمها بعد الظهر

نصحيتي انحش عن الكاديلاك و شوف انفنتي جي 37 و اذا نويت على جيب
شوف الفورد الايدج 2011 شبابي و حلو و فخم

سمعت ان الجفالي مسوي عروض على الفئه E مر عليهم وشف وش عندهم

على الاقل في حالة وجود مشكلة لاسمح الله تعرف وشلون تفاهم مع اوادم مو ....... لا تعليق

تحياتي

الكادلاك سمعتها زفت << انا ماجربتها لكن سمعتها زفت وسعرها يطيح

انصحك تحول للالماني فهو الافضل :xyxthumbs::xyxthumbs:

هلا فيك اخوي

ياريت تشوف مواضيعي وبعدها قرر

بيجيك شخص من الوكاله ويكتب هنا بالمنتدى ويقولك ان العيوب كانت فقط في سياره او سيارتين وانه مالك للسياره ولا عانا من الوكيل ابداً وهو بالحقيقه من موظفي المبيعات وهذا الشي صار معاي للاسف
وبالنسبه للعيوب ترى تكررت في 2010 و 2011 واغلب اللي اشتروا السياره وواجههوا نفس العيوب ما تكلموا عنها لسبب انهم مايبون مشاكل مع الوكيل ورضوا بعيوب سياراتهم ولا يبون يجلسون سنه وسته اشهر بدون سياره مثل اللي صار لي ..


تحياتي لك واسف على الأطاله ولا تنسى صلاة الأستخاره..

السيارة الان كملت سنة عندي
الحمد لله مرتاح معها ولا واجهتني اي مشكلة
كل يوم مشوار 60 كيلو متر
والي يقول حساسة ما عليك منه
ينقل كلام الناس ولا يدري عن صحته
عتبي الوحيد ان السيارة رياضية (العادة هذي ميزة لكن في شوارعنا راح تتضايق بعض الاحيان)

لكن اذا كنت تدور ألماني
يفضل انك تاخذ مستعمل
ويفضل أيضاَ انك تاخذ SUV
شوف الـX5 ولا الـQ7 ولا طوارق

بالتوفيق

السيارات الوحيده التي لديها عيوب مصنعيه في كادليك هي السيارات اللتي تحمل محرك نورث ستار

مثل الdts والsts

وهاذا اللي شووه اسم الشركه امام العالم

لاكنهم وقفوا الsts حاليا وراح يوقفون الdts وبينزلون لكيسري كار قريبا

مع العلم ان الكادليك من المتعارف انها افضل

وهاذي مقارنه بينها وبين شقيقتها اللي في فئتها الmks وتفوقت عليها

http://www.youtube.com/watch?v=GAueDbcdLUk

تحياتي لك

السيارة حلوة ورهيبة ويكفيك انها من أفخم شركة أمريكية للسيارات ولكن
ناس كثيرة عانت مع الوكيل والصيانة ومن بعض العيوب المصنعية
وأنا لو بشتري سيارة جديدة بنظر أول شيء للوكيل وهل يوفر قطع الغيار مثل باقي الوكالات أو لا
وأنا أرشح لك اللينكون بحكم ان وكيلها أفضل من وكيل الكاديلاك بكثير وهالشيء ما يحتاج نقاش
وسيارات لينكون تتميز بالجودة والتحمل أكثر من الكاديلاك على حسب تقييم الــ JD PWOER ويكفيك ان شركة لينكون احتلت المرتبة الأولى لسنة 2011 م
وهاذي صورة التقييم




وفي الأول والأخير القرار راجع لك
بالتوفيق إن شاء الله

سلااااااااااام :xyxwave:

ياعزيزي هاذي السياره تعتبر الاولى في فئتها ومكينتها ممتازه v6 وقوتها 306 حصان يعني ماراح تغثك بالخربات

والوكيل الجميح طبعا واللي يقولك مو كويس ومدري ايش

هاذا الوكيل هو والعيسى الافضل في الشرق الاوسط

وماراح يقدرون يتلاعبون معك بأي طريقة

لان فرع جي ام الشرق الاوسط موجود في دبي

اي لف ودوران معك مكالمة تلفون بس لجي ام الشرق الاوسط اعتبر سالفتك منتهيه

والموتر شكل وفخامه ومكينه ممتازه وجوده عاااااليه جدا وديكور داخلي من الطراز العالي

يكفي اسمها كادليك تكفي ذي مايحتاج اكمل يعني

توكل على الله وماراح تندم

ودام انك نويتها انصحك تروح الوكاله وتستفسر عنها بشكل اكبر عن القطع الغيار والضمان

لان ماراح يفيدك بشكل اكبر غيرهم

تحياتي لك

اخوي شف النكون احسن لك
انت وش الي يهمك بالسياره؟؟
يعني عادي جيب؟؟