السلام عليكم ورحمه الله وبركاته
هذي اول مشاركة لي في المنتدى ووالله اللي خلاني أشارك هو روح التعاون اللي وجدته في المنتدى من خلال قرأتي للمواضيع
كما هو واضح من العنوان يا أخوان أنا ابي سيارة بحدود 200 الف وأبيها دفع رباعي ما تكون كبيرة، أنا توني راجع من برا ولا املك سيارة حاليا ومستاجر ومليت ابي ارتاح أنا وعيالي
المهم ما أطول عليكم لفيت اكثر من وكالة وبصراحة اللي محتار بينهم هو اللكزس Rx350 و اودي Q5 طبعا كلهم موديل 2012
اللكزس اللي معجبني فيه اسمه وفخامته الداخليه وانه 6 سلندر بس سعره جداً مبالغ فيه يبدأ من 180 هذا العادي وما فيه اي مواصفات بس اللي ممتاز اللي سعره 208 في الوكالة بصراحة سعره جداً مبالغ فيه خاصة انه صغير
برضوا اللي مخليني افكر فيه هو النظرية التقليدية "شيك لا بغيت تبيعه"
بالنسبه للخيار الثاني هو اودي Q5 سعره 190 اربع سلندر بدون كاميرا ولا نفيكيشن بس جلد وبانوراما وضمان 5 سنوات الداخلي ما عجبني حسيته مره عادي وما فيه شي
سألتهم لو بغيت 6 سلندر وكاميرا ونفيقيشن قالوا لازم طلبيه وتجيك بعد ثلاث شهور وبرضوا يزيد السعر الى ممكن 220 وهذا سعر مررررره غالي واحس وصلت لسعر Q7 بس لو بغيت 6 سلندر يوصل 205
انتم وش رايكم وخاصة اهل الخبره أنا ما افهم أبدا في موضوع القوة 4 سلندر او 6
ابي آرائكم ونصائحكم مع ذكر الأسباب
انشاء الله ما تقصرون معي واشتري السيارة وافتك من الاكسنت اللي معاي *
