السلام عليكم ورحمة الله وبركاته
ان صارلي حادث بسيط كان عندي دووام دق منبه الساعة وطفيت المنبه ونمت وما صحيت الا متأخر على قريب الدوام وكنت مرتبش وخايف شوي لاني متأخر خفت اتأخر اكثرعن الدوام ركبت سيارتي وزدت السرعة شوي واخرته وصلت عند اشارة قريب مينى الدمام كان في حاجز وملف باليمين وصاحب سيارة فورد مسكر الملف يبي يدخل عند الاشارة يسار دقيت عليه هرن ابغى يوخر مسكر الملف وشوي الا صارت الاشارة خضراء ومشى شوي صاحب الفورد يبي يسويلي مجال حتى ادخل يمين بسيارتي النيسان دخل شوي على الملف اليسار صاحب الفورد
ومن الربكة والخوف بسبب التأخير على الدوام ماشوف نفسي الا استعجلت ودعست على البنزين شوي وضربت صاحب الفورد الابيض من الخلف بسيارتي النيسان
حتى كان يطالع فيني صاحب الفورد الابيض كان بيحرك سيارته وبيمشي بعد ما صدمته من الخلف لولا اني اشرتله كان ماوقف يمكن مشى وهرب
وقف سيارته الفورد شفته معصب وغضبان طلعت من سيارتي النيسان قلتله يجي المرور قال ان تعبان وصايم ومادري ايش هو سيارته الفورد ما صابها شي ان سيارتي النيسان الي جاه خدش بسيط والصدام كان طايح من اول وان رابطه بحديد نزل شوي اكثر بعد الصدمه قال ان انقلبت سيارتي الفورد من قبل بسبب حادث احمد ربك بس خدشة بسيطة امشي قلتله لا يجي المرور
قال يجي المرور بنتظر مو مشكلة احترت معه ان عندي دوووام قلتله طيب عطني رقم جوالك قام ينافخ وقال ليش اعطيك رقمي قلتله اشان سيارتي النيسان مش بأسمي بأسم الوالد عطني رقم جوالك وتوكل على الله قال لا اعطيك رقمي وتسببلي مشكلة لا خلاص اجل بدق على المرور قلتله خلاص اجل ندق على المرور قالي بدق على المرور بس الغلط عليك يا صاحب النيسان وانت بتصلح سيارتي واصلا سيارته ماجاها شي ان سيارتي الي صابه خدش قلتله عندك تامين قال نعم
اما انا صاحب النيسان خبرته لا عندي تأمين وسيارة بأسم الوالد واستمارته منتهيه بس عندي رخصة قيادة اخر شي احترت معه شفت معه حق ان صاقعه من ورى يعني ان الغلطان يمكن سجلته رقم سيارته قام عصب وعاند قال تسجل رقم سيارتي الفورد لا اجل بجي المرور ما بسامحك وما بتنازل اخر شي قلتله روح وراح بعد ما سجلت رقم سيارتة ومشيت
الغلط على مين على صاحب الفورد ام على صاحب النيسان ؟؟؟
((صحيح ان صاحب النيسان ضربته من الخلف بس صاحب الفورد حرك السيارة من الموقع كيف يصور المرور))
هل تصرفي صحيح لمن خليت صاحب الفورد يمشي ام الافضل انتظرت المرور؟؟((خصوصا انه صاحب الفورد كان مسكر الملف الايمين اشان بيدخل بالمسار الايسر))
ادا واحد عنده تأمين وثاني ما عنده والغلط على الثاني الثاني يصلح سيارته الاول مجبر ام لا؟؟؟
ادا صاحب سيارة وقف فجأة بمنتصف الطريق وجا صاحب سيارة الثانية وصدمه من الخلف من الغلطان؟؟؟
ان سيارتي النيسان صابه خدش بسيط بس المشكلة سيارتي مسجلة بأسم الوالد والى الان ما عطيته خبر عن الموضوع لاني شوي خايف منه
ان شاء الله فاهمين علي
ااسف على الاطااالة
