مارايكم في هوندا 2012 نص فل بـ 93 الف كاش

للآمانه ركبت السوناتا والاكورد .. في السفر
..
والله فرق السماء عن الآرض .. الاكورد راحة في الخط ووسع شيء وكنا ماشين 180 بدون آحساس ..
..
اما السوناتا .. في السرعات العاليه يلعب فيها الهوا على كيف كيفك .. ومو مريحه ..
..
وبالنسبه لقطع الاكورد غاليه .. لكن امن عليها تأمين شامل وما عليك .. زوج اختي واحد صدمه من الجمب الايسر كامل من الرفرف إلى الرفرف .. قدروها بـ 27 آلف .. ولكن التأمين صلحها وهو دفع 700 ريال بس .. :D

بس المشكله مقاعد الآكورد .. خشب <~ قاسيه جداً ..

هذا وهي تجي من امريكا وجودتها على العال وتكرف كرف الحمير .. شلون لو انها تجينا من اليابان ؟!!

احب اقول لصاحب الموضوع كلنا نقولك انها غالية لكن تبي الصراحة تستاهل :smile:

لو انا مكانك بقولك وش بسوي ..

اذا قدرت وزت الميزانية شوي اطلع لي افالون 2012

او اصبر واجمع شوي لين ما اقدر على سعر الافلون 2012

او اذا كنت مستعجل باخذ الاكورد .. لأن بصراحة ومع ان سعرها مرتفع لكنها تسوى كل منافسيها ..

وفي النهاية الفلوس فلسوك وانت حر فيها ..

تبي نصيحتى خذها من باب تجربة لها سبع سنوات وانا اكرف فيها ومشت معي 350 الف زي العسل بعدها بدت تطلب لاكن عيبها مافيها تكييف ورا اذا كان في الموديل الجديد تكييف ورا خذها وانت مغمض موتر يعتمد علية وهو افضل من تويوتا بكثير انا معي اوريون الحين وكارها وتمنيت اني شريت هوندا مرة ثانية افضل لي

لو انها فل اقلك توكل على اللهـ لكن نص فل ..!! معليش
لا وازيدك جودتها مب زي اليابانيه !! هذي اكورد امريكيه !!
البدائل افضل ! ..
عندك الكادينزا
ماكس

وانصحك تصبر على نفسك شوي وتوصلها وتاخذلك تشارجر فل V6 !!

صراحه غاليه

شوف تورس

ودي اقول لك خذ الاكورد والله ولكن الواحد ينصدم بهالسعر المرتفع على قل سنع !!!!....سعر خيالي ياشباب على نص فل !!!

أخوي انا اشوف انك مستكثر قيمتها واسعار السيارات هالايام ناااااااار مرتفعة جدا
فانا قترح عليك يا تصبر يا تقنع نفسك بسيارة ثانية سعرها معقول و بقيمتها انا اشوف
انك وصلت لقيمة الازيرا مو السوناتا !! والسوناتا انا اشوف ماتصلح الان لان عندك الالنترا والازيرا كلها اشكال جديدة وتوها نازلة اما السوناتا خلاص انتشرت وفقدت تميزها

ماأزيد على كلام الشباب

سيارة ذات جودة عالية وثبات على الطريق وايجابياتها كثيرة

لكن مادام أن الوكيل هو عبدالله هاشم فر منه فرارك من الأسد

ممكن تتحمل سعرها العالي لكن عند قطع الغيار بيشيب راسك وبيرتفع ضغطك

لأن الوكيل للأسف من أسوء الوكلاء وكلهم سيئين ، ولا تتوفر حسب علمي قطع اصلية الا عنده .

أعانك الله .

بكل حياديه..عن تجربه لشركه هوندا..
معي الان سيارتين منهم..
سيفك 97 وجايب فيها العيد حرق مطبات حفر خطوط..والحمد لله داخليتها لازالت متماسكه ومشاكلها لاتذكر.
رحت وطقيت لي وحده 2009 وماشاء الله ماشفت منها الا كل خير..

الاكورد على كلام ملاكها انت بتشتري سياره غاليه صحيح لكن ..عندك قطع غيار ماهي غاليه الا في بعض القطع اللي مدري ايش تبغى ..
وعلى كلام اصحابها اكثر ما يخرب فيها علبه الدركسون لكن مادري هل 2012 تحسنت من الناحيه هذي ولا لا..
وانا انصح بشده انك تروح الوكالات وتشوف انت بنفسك اسعار قطع الغيار.
شوف القطع الاستهلاكيه وقارنها ببعض..

مر على هوندا وفورد وهيونداي وكيا ونيسان ومازدا..
شغله اقل من اسبوع وراح تقتنع ان شاء الله..

لو جلست على الحاله هذي ماراح توصل لنتيجه..كل واحد يقولك خذ السياره الفلانيه افضل ولا السياره العلانيه احلى..

افضل وانصح انك انت بنفسك تسأل عن قطع الغيار المواصفات والاسعار..
وفي الاخير لاتنسى الاستخاره صدقني راح تلقى الجواب الشافي الكافي باذن الله تعالى..

انا كان عندي اكورد موديل ٢٠٠٢ . مشت معايا الى ٢٠٠٧ و بعدين بدأت تطلب قطع و صيانة و اسعار غالية بالعشرة و فوق .
انطباعي عن الهوندا :
القطعة اللي تغيرها انسى تغيرها تاني الا طبعا بعد ٤ سنوات او اكثر
جودة القطع افضل من تويوتا بمراحل -بناءا على تجربة انه سيارتي الثانية كانت راف فور ٢٠٠٧-
صيانة الوكيل ممتازة بس غالية تقريبا ٤٠٪ اكثر من تويوتا
القطع دائما متوفرة و ماتشيل هم .
أسعار السيارات غالية و مقصورة القيادة عادية الخ و لكن عندك جودة سيارة موممكن تقارنها بالهونداي و الكيا و غيره هنالك فرق .

الفورد توريس أثبتت نجاحها و عمليتها و ممكن تقارنها بالأكورد في الجودة . بس أشكل في توفر القطع و سعرها ٩٠ الف و فواصل و هذه نص الفل .
شكل التوريس حايتغير بعد سنتين و الشكل الجديد خرافي و المقصورة الداخلية خيال زي الايدج بس باسلوب التوريس.

ان شاء الله اكون افدتك و بالتوفيق ان شاء الله و دايما الاستخارة و امشي مع اللي يميله قلبك لانك لو أخذ سيارة مانت مقتنع بيها حاتندم و تخلق الف عيب و عيب في السيارة

المسالة تعتمد على رغبتك ونظرتك للسيارة

بالنسبة لي اهم نقطتين بالسيارة :
1- مواصفات الامان
2- الجودة وقلة الاعطال وراحة البال

في النقطتين هذه انا مقتنع ان الاكورد افضل من منافسيها اليابانيين ( الكامري ووالالتيما والمازدا 6 ) وافضل بكثير من المنافسين الكوريين يعني لو كنت ماسك خط طويل او في زحمة في عز الظهر , الاكورد باكون مرتاح انها ما بتخذلني باعطال ميكانيكية او كهربائية او ارتفاع حرارة وغيرها

خصوصا واذا كان لا يهمك مواصفات الرفاهية الزايدة اللي حلاوتها اول شهر وبعدين تصير روتين

لكن تظل الاكورد للاسف مبالغ في سعرها بشدة !!!

انا ارى ان جميع اسعار السيارات بالسعودية مبالغ فيها بشدة لكن عبدالله هاشم وكيل هوندا اكثر هم مغالاة بالاسعار برايي سواء كسيارات او كقطع غيار , والدليل هذه الاكورد امريكية وكان مداه ان يطرحها باسعار اقل بكثير ( مثل الالتيما الامريكية ) لكن يابى وكلاء السيارات لدينا كعادتهم الا الزيادة في الاسعار عاما اثر عام

وموفق في اختيار سيارتك

سلامات خذلك ماليبو فل ولا فيوجن فل بلا اكورد بلا هم وعلى ايش سيارة بقيمتها تجيب فئة اعلى غير القطع اللصلخ والنواقص الي اساسية في سيارات ستاندر
وفرحانين بالست ايرباقات روحو تعلمو من السوبارو من زمان وفيها هالشغلات لاكن .................
عزيزي زوم 6 اليابانية واضرب بالحجر الف عصفور

اخوي لاتغرك المضاهر وبانوراما وتشغيل بازر والخ كل هل مواصفات باتطفش منها من اول سنه

ياخي اذا المواصفات ماهي بالجوده المطلوبه مابيهاااا

نيسان ماتنزل شي الى وهي واثقه منه وحتى مازدا وحتى هوندا

بس معليش هونداي جودة مواصفاتها مو لهناك السياره ماكملت سنه وشوف العالم تتكلم

بس همها تصير الاولى في المواصفات والاشياء الباقي مو مهم عندها



اخوي ياصاحب الموضوع

والله العظيم وانا صايم

انا سيارتي سيفيك 2007 كملت معي اربع سنوات

خبطت المكينه وبعتها بس خبطت باسبب العامل الي غير لي الزيت لانه ماسكر السره

مسكت فيها خط وماشوف الى الدخنه تطلع من الكبوت

ولا قبل لاتخبط كنت لعن ابوهااا ابيها تخترب والله اني ابيها تخترب لان الوالد معند يقولي سيارتك عدله

ومافيها الي العافيه وانا اقول يامن شراله من حلاله عله :smilie16: << يبي سياره جديده

اشغل امشي ماذكر اني حميتها مطبات ماوقف اقولك كل شي سويته فيها

وصااااااااامده باكل قوه بنت اللذينه خخخخخخ

شوف انت تقول 93 الف كثيره عليها هي صراحه كثير عليها بس صدقني

اكثر السيارات عمرهم الافتراضي من 4 الي 5 سنوات وبعدين باتتعبك

بس الهوندا غير عمرها الافتراضي من 7 وفوق

تبي الصراحة موتر لك و للزمن
على كلام اغلب ملاكها ركب القطعة و إنساها

احترمها كثير و خصوصاً ان امانها عالي يعني 6 إيرباق بالمقابل سوناتا 2 إيرباق
و ازيرا و كادينزا ما تيجي إيرباقات إلا في الفل

واسعة من الداخل و تعجبني جداً و هي السيدان الاسيوي الوحيد اللي اقدره

و إذا انت رجال بتحافظ على سيارتك في الوكالة عندك فورد تورس تستاهل بصراحة
رساوة و داخلية روعة و وكيل محترم و سمعته رائعة

ههههه ازيد لي 3 الف و اخذ لي كادينزا نص فل
نص فل
سقف بانورامي و فله
و سته سلندر
و فئه اعلى من الاكورد

لديك خيارات أخرى
مازدا6 2011 وكالة ب 91 فل اوبشن
فيها كل الي تريده من مواصفات , مكينة ممتازة , شكل جميل جدا
وغير كذا جودة الياباني

اخوي 93 الف ريال على ايش تسوى فـ الاكورد !!

فكر معي لحظه واستنتج بنفسك الحقيقه
93 الف على اكورد 2012 وسنه راح يتغير شكلها وبتزعل
93 الف على نص فل بدون اكسسوارات ولا حتى نفسيه بالموتر راح ترتاح لها
93 الف تجيب لك ازيرا 2012 فل اوبشن جلد شاشه بانوراميه زينون اضاءات بالهبل من اوتوستار بالرياض فرع الشفاء ومحرك اقوى من الاكورد

وش رايك ؟؟

حكم ضميرك قبل لاتحكم عليٌ :D

سعرها مرتفع بشكل جنوني ولا على نص فل بعد !

انا اقول شوف البدائل احسن عندك الالتيما والمازدا 6 وانصحك بالأخيرة بقوة !