تكفون نصيحتكم فكتوريا أو ماركيز

بيض الله وجيهكم والله يجزاكم خير على ماكتبتوا

والله يكتب الي فيه خير لنا جميعا

آحس نفس بعض , لكن الشكل . . يختلف من شخص لَ شخص

أهلاً وسهلاً بكم
بالنسبة للإستفسار
إن شاء الله ما تخرب لأن كانت معي سيارة جراند ماركيز موديل 2010 آخر موديل للماركيز
وكانت والله في قمة الروووووووووعة والرااااااااحة وأحلى هدوء
ولكن يفضل أنك ما تأخذه إلا إن كانت فلوسك كثيرة وتقدر تصلحه إذا خرب وإن شاء الله ماتخرب
وفي النهاية الهيدروليك يصلح إذا كنت تحمل كثير عليها في الشنطة أو الركاب في الخلف كثيرون ومعك دائماً
هنا ينفع معك الهيدروليك وأنصح بأخذه
أما إذا كان عكس الكلام السابق ذكره فلا أنصح به
والله يكتب لكم اللي فيه الخير يارب

وتقبلا تحياتي ودمتما :xyxwave:

نفس الكلام .. وصراحه متردد الفل والنص فيها هيدروليك
والستاندرد ما فيها ..
بالاضافه الى ان مكيف الستاندرد غير مكيف النص والفل ..
ويقولون ان الفل والنص يخرب كثير ويغير مخرج الهواء ومدري ايش
والستاندرد فراره ما تخرب ..
واخيرا .. يقولون الستاندرد مطلوب عند البيع اكثر من الفل .. ويجيب حول سعره
فهل الكلام هذا صحيح .. ؟
لان احتمال السياره ما تقعد معي سنه او سنتين .. واحتمال تعمر الى ما شاء الله :bigggrin:
فياليت احد ينورنا قبل ندفع 10 زياده على كثره وجع راس :bigggrin:
ومتردد صراحه .. الله يجزاكم خير مقدما

شف وانا خوك ياصاحب الموضوع ولا يهونون الربع لكن انا اشوف ان الاخوان افادوك بالشيء الكثير ولكن ما يخالف اننا نزيد على كلامهم شوي انا يالحبيب الوالد عنده فكتوريا
بسم الله ماشاء الله عليها 2008 استاندرد ياخي قليل في حقها انك تقول زينه ان بغيتها في
كرف معك ان بغيتها في شكل فهي نفس الماركيز ان بغيتها في دعسه ما تخذلك والخ...
فانا اشوف يا صاحبي ان كانك تبي الشكل واقصد بالشكل يعني مو ذاك الفخامه والكرف
فخذ لك فكتوريا مثل ما قال اخوي 100% وانكانك تبيها للفخامه والمواصفات فخذ ماركيز
وتراهم ياخوي نفس المحرك والجربوكس والدفرنس زي التاهو واليوكن بالضبط اختلافات
بسيطه بينهم وبالنسبه للمواصفات يالحارثي والله انه مافيه سياره اقل من مية الف زي الفكتوريا شف انا احلف ياخي موتر صح ولا كان ماصارت سيارات السعوديه فورد و ماركيز صح ولا لا ويوم اقول مواصفات اقصد في كلامي انه في الفكتوريا والماركيز
ازرار في الدركسون والله انه كان معنا جكسار فل كامل 2010 والله مافيه زر واحد على
الدركسون تصدق ؟؟ وهو ب 200 الف وايضا زر لتقريب الدواسه برضوه مو في ابو 200الف الي فضحونا في على ايش مفخرة الارض وهو مافيه مواصفات فانا ياخوي انصحك وبشدة في احد هذه التحفتين الامريكيه وسلامتك ...اسف على الاطاله تحياتي

أخواني فيه بعض الشباب نصحوني أبعد عن الهيدلوريك وش رايكم

الله يحرم وجهك عن النار ..
بيض الله وجهك ما قصرت ..

الله يجزأكم خير وبيض الله وجيهكم ولاهنتم

والف شكر لكم

حياك الله وبياك أخوي العزيز
وبالنسبة للإستفسارك وترى سعر الفورد يوم لقيته 102 ألف عدي ترى السعر هذا ماهو جديد
يعني من موديل 2006 والسعر هوهو لأن السيارة مثل ما قلت ما فيها من وسائل الأمان غير الإرباق وABS ولكن اللي ذكرته كان في الموديلات السابقة ولكن من موديل تقريباً 2006 تغير فيه بعض مواصفات الأمان ومنها الإرباقات الجانبية( الستائر الجانبية) والعادم الفولازي المزدوج على جوانب الأبواب وهذه موجودة في الماركيز والفيكتوريا في الماركيز من موديل 2006 وأنت طالع إلى آخر موديل 2010 ولكن فقط في فئة الفل الكامل
ومن الفروق اللي طلبتها واللي أذكرها
الفل كامل أولاً
المكيف لمس الكترونية والمرآة العلوية ألكترونية وكذلك زر تقريب الدعسة وتبعيدها
والهيدروليك واللمات الخلفية في مقاعد الخلفية وكذلك الخطوط الجانبية والجلد وتحكم بمقعد السواق والراكب وتحكم ب|ABS تشغيله وإطفاءة يدوي أفضل مما يكون شغال ولا تستطيع إطفاءة
وكذلك الأرقام الخارجية على باب السائق والإرباقات الجانبية ما تسمى بالستائر الجانبية
أما النصف فل :
فلا توجد مما ذكرت من المواصفات الفل إلا تقريب وتبعيد الدعسة و
الأرقام اللي على باب السواق قد تكون إختياريه
أرجوا أني قد أفدتك وأي إستفسار أنا حاضر أخوي ونحن في خدمتك

وتقبل تحياتي ودمت:xyxwave:

الله يرضى عليك اخوي ..
طيب انا عندي استفسارات ياليت تتكرم ترد عليها ..
الفورد الفل بـ 102 الف والنص بـ 99

انا رحت الوكاله ع اساس اخذ فل بـ 96 او نص بـ 90
وانفجعت بالسعر !!
وتراجعت شوي صراحه
يعني الفورد الي اعرفه ما فيه الا من وسائل السلامه الا الايرباق و abs بالنسبه للفل والنص على ما اخبر

هل تستاهل القيمه هذي ؟

وياليت تفرق لنا بين النص والفل من ناحية المواصفات اذا ما عليك كلافه وانا اخوك ..

الله يجزاك خير ..

الله يوفقك أخوي أمير ويجزأك خير

وشكلي أن شاء الله وناخوك بأخذ ماركيز

وربك يكتب الي فيه خير لي ولك ولجميع الاخوان

أهلا وسهلاً بك أخوي العزيز
بالنسبة للإستفسارك حفظك الله ورعاك
كل المنافستين روووووعة وما عليها كلام
ولكن نكلم عن الفيكتوريا :
عملانية وتتحمل وتكرفها وما تقول لا أبداً والقطع رخصية مررررررة والفرق بينها وبين الماركيز
فقط في نقاط ( الشكل منها العلامة وقوة التحمل والفخامة والقطع والفئة)
بالنسبة للشكل كلا هما رائع ولكن الماركيز شكله نوعاً ما متجدد ومتغير أكثر من الفيكتوريا
والعلامة يعني فقط العلامة وألا ما تحت غطاء المحرك نفس الشي ولا الفرق هذي علامة فورد وهذي علامة ميركوري وقوة التحمل تقريبا فيها فرق جداً جداً جداً جداً بسيط وهو أن الفورد يتحمل أكثر لقلة التجهيزات والألكترونيات والحساسات الموجودة في الماركيز يعني نسبة التحمل
الفيكتوريا تتحمل بنسبة 100% فقط
الماركيز تتحمل بنسبة 88% فقط
والفخامة عاد هذه معروفه أكيد الفخامة من صالح الماركيز وكلا السيارتين حقة خطوط
والإختيار على حسب الذي سيقود السيارة إذا كانت رجله هادئة إلى متوسط فأفضل له الماركيز لأنه دلع وحساس بالإجهزة التي فيه مو معناه أن الفيكتوريا مافيه فيه حساسات ولكن الماركيز أكثر بكثير
وأما إذا كانت رجله حاره ويكرف السيارة ويجور عليها فأفضل له الفيكتوريا
والقطع الغيار تقريباً الفيكتوريا أرخص ولكن مو معناه أن الماركيز غالي لا ولكن فرق بسيط
يعني مثلاً شوف مثلاً إذا كان صدام الماركيز 2000 ريال الفيكتوريا 1200 أو 1400 على حسب وأحياناً يكون فيه تغير في أسعار القطع مرة ترتفع ومرة تنزل مثل الأسهم تقريباً هذه على كل السيارات مو بس المنافستين
والنسبة للفئات فإذا أنت تحب الفخامة خذ وبكل قوة الماركيز وإذا ما همك الفخامة ورجلك هادئة خذ الماركيز نصف فل وإذا وإذا العكس خذ فيكتوريا فل ولا نصف فل عادي ما تفرق كثير
وأرجوا أني قد أفدتك أخوي وأي إستفسار أنا حاضر ولا تتردد بالسؤال نحن هنا لخدمتك في أي وقت
[COLOR=Navy]ولكن نصيحتي لك الماركيز فل كامل أفضل والله الله بالمحافظة جيداً عليها ترى السيارات الأمريكية وخاصة الماركيز أو الفيكتوريا سيارات تجمل الواحد ولا تخذله إذا حافظت عليها
(( مثل ما تعامل موترك موترك يعاملك))
والله يكتب لك اللي فيه الخير يارب العالمين

وتقبل تحياتي ودمت بحفظ الحافظ ورعاية البارئ:xyxwave:
[/COLOR]

وش أحسن شي بالماركيز

تبي نصحيتي

خذلك ماركيز احسلك وريح نفسك

والله يوفقك وتختار الخيار الصائب

تحياتي لك ~