شوركم وهدآية الله ( مرسيدس - اودي - بورشه )

عن نفسي بين هالسيارات بختار الكايين ، موديل ٨ وفوق مو مشكله
لكن شرط مايكون ٦ سلندر !!

اذا ٦ سلندر انصحك ب CLS وهي افضلهم بعد الكاايين بنظري.. لكن خذ موديل اجدد شوي ممكن الاسعار رخصت عشان الشكل الجديد

الله يوفقك ويكتب لك الي فيه الخير ..

ههههههههههههههههه شكلنا احولناك زيادة وزدناك حيرة ..!!طيب علمنا وش طلع معاك يا الغالي .. ولك بالياباني ولالا ؟! لأن السيارات اليابانية ترى راعية كرف .. :)

لا ياخوك انا ماجربت غير السيارة المسدوحه تحت بطاقتي العضويه ولكن متابع دااااائم لعالم السيارات واللي قلته لك عن طريق اللي سمعته وشوفته بعيني بالورش وكلام ملاك السيارات وكلام اصحابها وكلام الناس بالمنتدى :xyxthumbs: وايضا كلامي بناءا على قناعاتي الشخصيه وفكرتي حول ماركة السيارة اللي ذكرتها ,,, تحياتي لك

استخدآمي انا .. مو ضغط على السيآرة .. وعندي سيآرة ثآنية في حالات الطوآرئ يعني .. تويوتآ .. ^^

اي صح البي ام .. كمبيوتر وتقنية عآلية .. بس اغلب المستخدمين يقولون هالموديل .. حق مكدة .. وقليل خرآبته .. والله اعلم .. :blue: .. انتي قلتها من وآقع تجربة ولا من كلام شخص ولا شخصين ؟ ..

ومممم بالنسبة للمرسيدس .. اكيد هي الافضل والاقل خرآبات .. البورش اغلى الصيآنة توني ادري ! .

ياخي الالماني مشكلته في الصيانة صيانتها زفت وغالية فوق ماتتصور انت روح اسال اي مكانيكي مختص في الالماني عن الصاينة وشف اش بيقولك وبعدين الالماني معرف بمشكلة هي الحرارة وماحد يقدر ينكر الشي ذا بس طبعا هو جديد مابيسخن لكن مع الاستخدام الكثير والكرف بتتعب في الحرارة ولاتنسى انك راح تاخذ سيارة مستعملة لها اقل شي ثلاث اوربع سنين ويمكن اكثر هذي وجهة نظري وانت عاد شوف كم ميزانيتك في السنة للصيانة وروح اسال مكانيكي تعرفه وهو يقدر يفيدك اكثر مني ومن غيري

والله ياخوك اني كنت خبل الماني وكنت ناوي على طوارق ولكن ربي تاب علي وشلت فكرة اني اطلع الماني الفترة هاذي الين ما اغلق جامعه واتوظف ويحلها ربي

عموما بما انك طلبت رايي فراح اقيس الموضوع حسب تفكيري اولا ,,,
راح اختار ارخصهم صيانة وطبعا ليست البورش لان صيانتها اعلاهم كلفة مع حبي الكبير جدا جدا لها ... وثانيا من وجهة نظري ارى بان البي ام كثيرة خرابات (( وجهة نظري الشخصيه )) بتقلي ليش ؟؟ بقلك لان البي ام بالنسبه لي كمبيوتر بـ 4 كفرات !! واكثر السيارات تكنولوجيا يعني فيها تكنولوجيا عالية جدا هالبي ام فالبتالي احتمال انو كل يوم تطلعلك لمبة في الطبلون ما انت عارف حقت ايش اعلى واحتمال انك توديها للوكالة بسبب خراب وقد يكونون في الصيانة ما يعرفون وش السبب اعلى يعني احتمالية الخرابات اعلى ولو كانت على جودة عالية

واخيرا راح يقع اختياري على المرسيدس لثقتي فيها الكبيرة اكثر من غيرها مع احترامي للاودي


تحياتي لك صاحب الموضوع

يمكن كلآمه صح اخوي .. ويمكن فيه نوع من الصحة .. لأ على كذآ .. عز الله ماسقنا الالمآني الا بعد 10 سنين .. ان شآء الله يمدينا عليها .. :c0038:

اخوي ان بذكر لك نصيحة سمعتها من موظف المبيعات
في وكاله سيارات معروفة والي كانت تدور حول شراء
اي سيارة وهي :
اشتري سيارة يكون سعرها وهي جديدة بموديل سنتها في حدود مجموع دخلك الشهري لمدة سنة او 12 شهر مع زيادة 10%

لانك عندما تشتري سيارة مستخدمة بسعر 120000 الف
تذكر ان هذا السياراة كانت تباع بـ 250000 الف ريال او يزيد
وهي جديدة في سنتها وقيس على ذلك تكاليف الصيانة
وقطع الغيار المحسوبة على سعر السيارة السابق وليس على سعرها
بعد الاستهلاك لان اسعار قطع الغيار ، والاكسسوارات ، وتكالف الصيانة
لا ترخص مع تقادم موديل السيارة .

مو مشكلة مقدور عليه .. ^^ .. التوآير كل سنة وسنتين تتغير .. يمديك توفر ميزآنيتها ..

:xyxthumbs:

البورش التاير الواحد سعره فوق ال 3000

اهلآ اخوي .. نصيحتك على عيني ورآسي .. :bigggrin: ..

البي ام .. ينظر بأمرهآ .. لأنها سيآرة عمليه درجة اولى ورزة ! .. وحقت خطوط ومدينة .. وكل شئ ..
بس .. السؤال هو .. ايش الفرق بين ال 535 وال 535i >> حرف الi اشوفه احيآنا..

بالنسبة للـ a5 .. ماتجي مرتبتين .. ؟ .. ووش الفرق بينها وبين الa6.. :c0214:

بي ام الفئه الخامسه 2009 او 2010

اودي A5 مستعمل 2009 او 2010

نصصصصصصصصصصصيحه

ماتطلع عن هالاثنين ابدا

انا من اهل الخبر طآل عمرك .. ومو مشكلة اشقر على الريآض واشوف المكآتب ذي .. بس ليش السيآرات الي تجي وآرد امريكآ .. يكون فيه نقص ؟ .. انا مثلآ السي ال اس .. ورآد امريكآ .. يجي بدون زينون ! .. والله استغربت وشآب رآسي .. مرسيدس مو زينون .. فيه شئ غلط ! .. حتى الحسآسات .. ماكانت موجوده !؟ ؟:a1120(121): والله كرهت وآرد امريكآ عقبهآ .. واكره حركة وآرد امريكآ .. الي هي اللمبتين العآكسة البرتقآلية الي تجي فوق الجنط الامامي . اكيد تعرفها .. وبس ..



والله رزة ! .. بشوفهآ بس اتوقعها اغلى بكثير مدري ليه .. تدري ليش استخدآم الكويت وقطر احسن وارقى ؟ .. ياخي شوآرعهم .. حتى لو اسرعوآ .. او فكروا يسرعون .. مافيه شئ يعوقهم .. يعني ماتطيح بحفره .. ومايلقونك الا اليوم الثآني .. هههه .. والله جد .. عشآن كذآ سيآرتهم نظيفة .. ولا لاطحت لك على استخدآم انسة .. :xyxthumbs: كذآ تكون محظوظ .. لأنك مايحتآج تعرفن النسوآن والسوآقة .. اهم شئ شئ يوديها ويجيبها .. وشئ رزة يعني تكشخ فيه .. بس مو حقيت تدعيس .. ولعن والدين السيآرة هع ..



فآهمك طآل عمرك .. :ch19: .. لآحظته بسيآرة ثآنية بشكل كبير .. البي ام الفئة السآبعة الشكل القديم .. دآيم الاصطبآت الامامية .. مغبشة للأسف .. وهالشئ يقلل من روعة الوجهية الأليمة .. يبغى لها تنظيف اصطبآت كل فترة وفترة ..


الله يعطيك العآفية ويرزقك الجنة .. النقآش معك حمآس .. :bigggrin:

انت وين ساكن يا الغالي ؟ لأن فيه مكاتب الحين بدت تفتح عندنا بالسعودية ما ادري اذا فيه بجده ولالا .. لكن فيه عندنا بالرياض بدا يفتح كم مكتب وهالمكاتب متخصصه تجيب السيارات الأمريكية المستعملة بأمريكا وتبيعها عندنا .. اذا انت بالرياض اقدر اسأل لك عن مكان كم مكتب وان شاء الله تحصل الي تبيه .. لأن الوالد اصلاً كانه بدا يفكر يغير سيارته وهو ناوي ياخذ من هالمكاتب الي تجيب السيارات المستعملة بامريكا .. يعني سيارات امريكية بالاضافة يكفيك استعمال الأمريكان واستعمالهم معروف .. سواقه هادية ونظامية وحفاظ على السيارة وهدوء وبعد انت بتاخذ سيارة فخمة مثل الأودي يعني أكيد صاحبها كان شايب وهادي ومحافظ عليها ..



انا صراحة اشوف هالفئة من السيارات مو عائلية .. لكن اشوفها حقت شيبان وناس رزة وناس رسميين وبزنس مان .. عاد بيني وبينك صراحة دايم يسموني الشايب لأني احب هالفئة من السيارات بشكل غير طبيعي ههههههههه .. بالنسبة للـ A8 فيه النسخة الرياضية منها وتصلح للشباب واسمها S8 انصحك فيها صراحة .. بفخامة ورحابة الـ A8 لكن احساس الرياضي بالسواقة والمكينة اقوى وطرب المكينة بعد .. اذا انت بالرياض علمني بس وراح اسأل لك وين هالمكاتب الي تجيب السيارات المستعملة من امريكا .. وانصحك تشيك على الـ S8 وتشوفها .. وهذي صورة لها ..



تقريباً نفس شكل الـ a8 العادية لكن مع احساس رياضي .. وقد شفت وحدة بالرياض سودا ومعدل عليها جنوطها وحاط جنود سودا رياضيه صراحة طلعت شئ حمااااس .. انصحك تروح تشيك عليها ومثل ما قلت لك الاستخدام الامريكي افضل شئ .. بالنسبة للسيارات الي من الكويت والبحرين وقطر وكذا ما بتفلسف عليك وبقول ما ادري عنها صراحة هل هي افضل من عندنا ولالا .. واحد من اصحابي شرى لومينا 2006 كويتيه من الكويت .. يقول ان سياراتهم واستخدامهم افضل من عندنا فعشان كذا اخذها من الكويت .. ممكن تكون فعلاً سيارات الكويت افضل شيّك وشوف لكن ما أدري عن الاسعار هل هي اغلى او لا :a1120(121):




ياخي ما أدري ليه بس الـ CLS القديمة دايماً اللمبات الي قدام ( الشمعات ) تغبش ( :bigggrin: ) او تصير مخدشة وكذا .. ما أدري اذا فهمت قصدي ولالا لكن اقصد ان الشمعات الي قدام دايماً اذا شفت CLS الشكل القديم القى الشمعات من قدام مغبشة ومخدشة ما أدري وشي الكلمة الصحيحة لكن ان شاء الله انك فهمت وش اقصد هههههههههه :bigggrin:

اقتراحي الأخير يقول الكايين .. أو انك تشوف اودي مستعملة وبالتوفيق ان شاء الله ..

الله يعطيك العآفية .. بقرآ الموضوع الحين .. بس تدري .. على حسب ماسمعت .. ان بورشة اكثر سيآرات اعتمآدية في العالم .. :bigggrin:




ممم ..فكرة حلوة .. بس يآخي احس انها مشوآر اني اجيب سيآرة من برآ .. دولة اجنبية .. يعني كيف اشيك واتآكد من السيآرة .. و و و .. مدري للحين شآيل هم السيآرة المستخدمة الي هنا وانا باخذها يعني ! .. فمآ بآلك بأني اجيبها من برآ .. بس كيف طرق تشييك السيآرات المستخدمة وش اضمن شئ ؟.. هل صدق فيه ناس يعرف السيآرة من برآ هي فيها شئ ولا لا .. ولا احسن شئ فحص الوكآلة ؟ .. وش رآيك اخوي ؟ :bigggrin: انا صرآحة فكرت في الa4 .. وكآلة .. بس الي قهرني وذبل كبدي .. تحكم في الكرآسي .. يدوي .. بغيت اجن وربي .. مدري لو اروح وكالة اودي في الكويت كيف القآها .. وزي ماقلنا انا ويآك .. وكالتهم هنآ " لاتعليق " .. يعني بيكرهوني في اليوم الي شريت فيه السيآرة .. الا لو صنتها في البحرين بشكل دوري .. اتوقع افضل .. :a1120(86):



ماختلف معآك في فخآمة ال8 من دآخل ومن برآ .. لأني حتى سقتها عند محل اجار موديل 2009 .. ابدآع السيآرة .. مافيها كلام .. تقنية الأودي أليمه وهي الأقوى في وجهة نظري .. بس بيني وبينك .. السيآرات الي من الفئة الكبيرة شوي .. احسها تميل للعآئلة اكثر .. مثل البي ام الفئة السآبعة .. او المرسيدس s .. وال 8 .. هذولا احسهم حق شيبآن او عآئلة كبيرة .. دآيم الفئة الي بالوسط .. تجي شبآبية وارز اكثر .. يكفيك led الي بوجهية الa6 .. :bigggrin: وربي رزة غير طبيعية .. اليوم ورآي بالخط جلست اضرب فرآمل بوجهه بس عشآن اركز على الوجهيه .. ههههه .. كبس لي كبسة .. وصرت مؤدب ووخرت :( .. ههههههه ..



سبحآن الله انت عكسي تمآمآ .. لما اشوفهآ اروح فيها .. وتخظف بصري بشكل تآم تموميآ ..> يعني اقوآ شئ .. :d ..

اللله يعطيك العآفية اخوي

فيه موضوع بالمنتدى عن البورش كايين 2008 تقدر تشيك عليه ..
http://www.assayyarat.com/forums/thread106328.html

الصراحة السيارة 10 / 10 قوية وهيبة وفخامة وكل شئ تبغاه ويكفي ان البورش اخذت جائزة اكثر سيارة اعتمادية وقلة خرابات من J.D power :xyxthumbs: .. ولكن بكون صريح معك والسيارة صيانتها مكلفة بعض الشئ ..

[COLOR=#ff0000]بس ليه الاودي بالذآت . ماينصحون فيها مستخدمه هل صحيح ان الاودي صيآنتها متعبة جدآ ؟ .. وبيني وبينك.. كمثآل يعني .. فحمآت وكذآ هالسيآرات بكم تكون .. وهل صحيح ان عمرها الافترآضي اطول من العاديات الي بسيآرات تويوتا وكذآ ؟ :rolleyes1:

[/COLOR]

والله شوف يا الغالي .. الأودي صراحة اشوفها سيارة اعتماديّة جداً وصبورة والأودي نسبة مبيعاتها عند اهلها بالمانيا اكثر من المرسيدس والبي ام واهلها الالمانيين يحبونها اكثر من المرسيدس والبي ام زي احنا يوم شعبنا أكثرهم يحبون المرسيدس :wink: .. الأودي انا شخصياً احبها واجد ومعجب فيها لأبعد درجة .. لكن بأنصحك نصيحة .. الأودي وحدة من السيارات الي لا صرت بتشتريها لا تجيبها الا من برا .. من عندنا لا تاخذ أودي سواء مستعمل ولا جديد .. الفل كامل عندنا هو النص فل برا ودايماً الأودي الي تجي هنا ناقصها تقنية وبعض الاحيان الوكالة ينقصون من السيارة اشياء عشان يقولون انها نص فل عندنا وبرا النص فل يشبه الفل عندنا .. اذا بتعزم على الأودي نصيحة أخوية دور أودي مستعمل بأمريكا وحاول تلقى مدينة جوها يشبه جونا وخذها وان شاء الله ما راح تندم :wink:

بشيك .. بس الاودي زي ماقلت لك .. صعب .. تحس ان صيآنته مكلفة .. بس الشكل القديم مو كأنه شويآت .. مو رزة .. :( .. بشيك واشوف ..

والله موضوع الشكل اذواق .. عني انا شخصياً احب الشكل القديم من الـ A8 بشكل ما تصدقه وان شفتها بالشارع عيوني تنشب فيها خصوصاً لا جت باللون الأسود او العنابي .. أشوفها صراحة ما زالت هيبه ولو ان نزل منها الشكل الجديد وبالنسبة للداخلية فخمة فخمة وهالشئ لو تقدر تتأكد منه لو تروح تركبها .. ومثل ما نصحتك اذا تبي اودي دور من الأمريكي المستعمل :) .. بالنسبة للصيانة فما راح اكذب عليك هي مرتفعه قليلاً .. ولكن انا عمي الله يحفظه دايماً يتنقل بين سيارات المرسيدس والبي ام والأودي كل كم سنة .. قد جرب جميع السيارات الألمانية ما عدا البورش حتى الفلوكس واجن قد شرى منها .. وهو قد قالها قبل كذا يقول افضل السيارات الي قد سقتها هي سيارات الاودي راحة وعزم وثبات وعزل .. طبعاً ما اقول ان الألمانيات الثانية ما تمتلك نفس المزايا ولكن على كلامة الأودي غير غييير بالسواقة الي بيروح للأودي راح يحبها .. لكن وكالتها مش ولابد :a1120(121):

[COLOR=#ff0000]ماعطتيني رآيك اخوي في السي ال اس ؟ .. خصوصآ من ناحية التميز .. :a1120(86):
[/COLOR]

والله ما بغيت اتكلم عنها بسبب كثر عشاق المرسيدس بالمنتدى وبيجون يضاربوني ههههههههههههه .. صراحة الشكل القديم بيني وبينك احسه ابداً ما يصلح .. ما أدري دايماً اذا شفته بالشارع ما أحس فيه اي هيبه ولا اي تميز وصراحة على عكس الشكل الجديد المميز والجذاب .. اشوفها اقل السيارات كشخة وفخامة وتميز من الي ذكرتها .. اشوف انك تحطها بالرتبه الأخيرة بين السيارات الي ذكرتها وهذي وجهة نظري :) ..


بالتوفيق ان شاء الله ..

طيب وش احسن الوآن البي ام ؟ .. هالفئة . والدآخلية وش تكون .. من ذوقك يعني .. بحكم انك مستخدم وتشوف ^^ .. ووشرآيك في السي ال اس .. :bigggrin:

هذي ردودي .. الي بالاحمر ..