ناوي أشتري سيارة بإذن الله لكن محتار وأبي شورتكم وهداية الله
طبعا السيارة لي , تو خلصت الثانوية والميزانية من ال 100 - 170 الف
انا افضل سيارات الكروس اوفر (الجيوب الصغيرة) واحترت بين سيارات كثير , منها سيارات سيدان
اخر سيارتين احترت بينهم انفينيتي FX35 و جيب جراند شيروكي 2011 ليميتيد سعر الأخيرة 169 ألف
الانفينيتي اسم وهيبة , شكل وفخامة مكينة 303 حصان لكن الشكل بيتغير قريب لان الشكل الحالي نزل في موديل 2009 اذا ماني غلطان وفي المقابل
الجيب شكل جديد (مع ان خلفيته ما دخلت مزاجي) وقدرات دفع رباعي ممتازة ومكينة هيمي 5.7 لتر 360 حصان وجنوط 18" فسعر الكفرات أقل بكثير من كفرات الانفينيتي
الانفينيتي مالي خبره بمواصفات الFX35 ولا سعرها او حتى السنة اللي بيتغير فيها الشكل
وبالنسبة للجيب لو صملت عليها بختار اللون الفضي :
( فيه اي مقترحات للون خارجية افضل وليش؟ )
صور للموتر :
الجنط اللي بالصورة السابقة جنط ال Overland اعلى فئة وسعر الجنوط 8500ريال والوكالة ترفض استبدال الجنوط ودفع الفرق
خبري كل الوكالات تسويها اودي وبي ام مسكت على المتحدة 
وألوان الداخلية يجي بيج أو أسود
(الصورة الأخيرة لفئة الOverland سعرها 199 ألف وتفرق عن الليميتيد 169الف بـ تسخين مقاعد امامية , تخشيبة دركسون , تطريز على جلد الطبلون , هيدروليك , جنوط 20 )
وفيه اللون الأسود للداخلية:
لكن بصراحة اجمل داخلية فئة Summit ما تجينا هنا وهذه صوره لداخليتها
لون البيج للداخلية أجمل , لكن ودي أخذ الأسود واقلب المراتب والطبلون جلد جملي مستقبلا فـ مع الأسود بتبان أكثر < زبدوا لي إذا شطحت شطحات غبية
الانفينيتي بتكون لؤلؤي أو ابيض
والمجال مفتووح لأي مقترحات بسيارات ثانية , يفضل كونها رفيعه واذا سيدان تكون فخمة شوي
فيه سيارات ممكن اني افكر فيها وهي : دودج تشارجر الجديدة , نيسان ماكسيما , هيونداي جينيسيس 2012 , فورد ادج فل مع رادار , فورد توروس 2012 الشكل القادم , الخ ..
مشكلة اغلب السيارات بتتغير 2013 مثل الES و التاهو واليوكن وغيرهم ..
انتظر شورتكم
وشكرا لكم
